مجموعه اسئله اتمنى الاجابه عليها تخص الملتقيات وتخص بدايه الدراسه

السلام عليكم ورحمة الله وبركاته ,,


السؤال الأول :
مافي اي اختبار يتعمل في الملتقيات ياعزيزي ..
وبالنسبه للمحاور .. فراح يتكلموا عن الأمور النفسيه ,, يعني الصدمه الحضاريه والهوم سك (الحنين الى الوطن) .. وراح يتكلموا عن الأمور الدراسية ,, الجامعات وطرق التدريس وماشابه .. وراح يسوولكم دورات تطوير الذات ,, يعني عشان تتحمس للدراسة ومن الكلام هذا .. وايضا راح تكون فيه محاضره دينية ,, راح يتم فيها النصح والإجابه على الاستفسارات الدينية المتعلقه بالسفر والمعيشه في الخارج

وفي كل نهاية يوم راح يكون لكم لقاء مع مسؤول .. يعني يوم مثلا مدير الابتعاث .. او ممكن يجيبون الوزير .. او ممكن يجيبون عالم دين .. يعني شخصية مشهورهـ تكون ضيف شرف في نهاية كل يوم ,,

السؤال الثاني :

اخوي المعاهد نظامها جدا سهل .. كل معهد عنده مستويات ,, لنفرض من 1 الى 10 ,, وكل طالب جديد يتم عمل اختبار تحديد مستوى له .. وبعدين على حسب مستواه يدخل المعهد ,, يعني ممكن خويك يبدأ في شهر اثنين ويكون مستواهـ سيء جدا ويبدأ من المستوى 2 .. وانت تجي بعده بشهر ويكون مستواك كويس وتبدأ من المستوى 4 وتكون متقدم عليه ,, وهكذا .. واذا كنتم بنفس المستوى ممكن تكونون بكلاس واحد ..


السؤال الثالث :

باقي على شهر 2 تقريبا شهرين ونص .. يعني الي يجيله القبول في الملتقى مثلا في منتصف ذي القعده ويقدم على الفيزا بعدها علطول ممكن تجيه الفيزا في منتصف الحج وبعدها يقدر يطلع للوزاره عشان يصدر قرار الابتعاث وامر الاركاب ويقدر يسافر قبل شهر اثنين .. هذا طبعا العزوبي الي اموره تتيسر بدون اي تعقيدات ..

يعني ممكن بعض الناس تتأخر قبولاتهم وماتجي الا في منتصف الحج وناس ماتجي الا بشهر واحد .. وممكن شهر تتأخر فيزته وتاخذلها تقريبا شهرين او شهرين ونص .. او فيزة المرافق تتأخر مثلا ,,

يعني الغالبيه ممكن يسافروا في شهر 2 او 3 او 4 والي اموره تتيسر بدون اي عوائق راح يسافر شهر واحد ان شاء الله ..


بالتوفيق اخوي

معليش سؤال:
يعني ممكن اني اطلع الفيزا وأتأخر في ارسالها للوزارة علشان يطلعون قرار الابتعاث ،لأني أبغى أتأخر في السفر شوية لبعد شهر 4؟
وقرار الابتعاث كم ياخذ تقريبا علشان يصدر؟

هذا موضوع عن الملتقى لطلاب كندا وأعتقد أنه فيه تشابه مع بقية الدول:
فيد من لم يحضر : معلومات قيمة جداً دونتها عند حضوري لملتقى مبتعثين كندا في الرياض
http://www.mbt3th.us/vb/showthread.php?t=35968

الاخت سارهـ قرار الإبتعاث ساري لمدة 3 اشهر من إصداره ..

يعني لو مثلا صدر لك القرار تقدري تجلسي بالسعوديه لمدة شهرين و3 اسابيع .. لان الاسبوع الاخير المفترض تكوني ببلد الإبتعاث واصله ..

ولو عدت 3 اشهر على قرار الابتعاث وانتي ماسافرتي راح يعتبر القرار لاغي ,,

بالتوفيق

السلام عليكم

طيب اللي ما يقدر يحضر الملتقيات

عادي .. ولا فيه مشكلة ؟؟

وكيف ممكن بعدها استلم قبول الجامعة ؟؟
ارجو مساعدتي
وشكرا

مشكور مستر ملبورن.
لكن أنا قصدي كم ياخذ وقت علشان يصدرونه يطولون شهر شهرين ، ونقطة مدة السفر من صدور قرار الابتعاث فاهمتها انها 3 شهور.
وكمان قصدي لو جات الفيزا بدري اقدر اتأخر في ارسالها للوزارة علشان شوية اطول الوقت؟

شاكر لكم اخواني واخواتي هالمساعده والله لايحرمكم اجر ويوفقكم يارب ويسعدكم ويفرجها عليكم ب

اخوي السؤال الاخير فيه تامين صحي للطلاب المبتعثين؟؟

كل الشكر لكم ولاتساع صدوركم لنا ولازعاجنا لكم

اخواني متى يطلبون جواز سفر المرافق ............ تكفون ردوا بسرعة