الأعضاء الإشتراك و التسجيل

الملتقيات
ADs

شرح طريقة تجديد الفيزا من داخل أستراليا - مهم جداً بختصر عليك الوقت والجهد

شرح طريقة تجديد الفيزا من داخل أستراليا - مهم جداً بختصر عليك الوقت والجهد


NOTICE

تنبيه: هذا الموضوع قديم. تم طرحه قبل 5600 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Sydney88
    Sydney88

    مبتعث جديد New Member

    Sydney88 الإمارات العربية المتحدة

    Sydney88 , ذكر. مبتعث جديد New Member. من الإمارات العربية المتحدة , مبتعث فى الإمارات العربية المتحدة , تخصصى NONE , بجامعة UNSW
    • UNSW
    • NONE
    • ذكر
    • SYDNEY, NSW
    • الإمارات العربية المتحدة
    • Aug 2008
    المزيدl

    November 29th, 2008, 03:19 AM

    السلام عليكم

    المهم انا طلعت فيزا دراسة من السعودية على استراليا لمدة 5 شهور
    وبعد خمسة شهور إنتهت الفيزا وانا في سيدني وقررت اجددها كامل مدة الدراسة

    المهم دخلت موقع الهجرة وعبيت النموذج من خلال الإنترنت وسددت الرسوم ببطاقة الفيزا بالإنترنت 450 دولار وصورت الإيصال للملحقية
    وارسلته مع صورة من كشف حساب بطاقة الفيزا وعوضوني على طول

    المهم بعد أسبوع وصلني إيميل من موظف تجديد الفيزا وطلب مني التالي

    صور لجميع الجوازات وللمرافقين جميع صفحات الجواز ولازم الصور تكون مصدقة يعني عليها ختم من جستس أوف بيس
    ترجمة بطاقة العائلة من مكتب ترجمة معتمد (إثبات زواج)
    تعبئة نموذج رقم 1229
    صور لجميع الشهادات الجامعية أو الثانوية لك والمرافقين ويجب أن تكون مصدقة يعني عليها ختم من جستس أوف بيس
    تعريف من المحلقية الثقافية انك مبتعث موضحاً فيه الراتب الشهري (تقدر ترسله على إيميلها) أو تطبع نسخة ملونة وترسله

    الحين تدور مكتب معتمد للترجمة وأغلب المكاتب هي عبارة عن لبنانيين يترجمون من شققهم
    تدور عليهم من الموقع هذا
    http://mail.naati.com.au/naati/pdsearch/pdsearch.aspx
    شف وش اقرب مكتب لبيتك وتقدر ترسله صورة بطاقة العايلة ايميل وبعد ما يخلصها تروح لبيته أو مكتبه تستلمها ورسوم الترجمة حدود 25 دولار
    اهم شي لا تنسى يختم لك على صورة البطاقة اللي بالعربي وتدبسهم مع بعض


    المشكلة الحين من وين تلقى الشخص اللي يصدق على الصور
    Justices of the Peace
    تدخل موقع
    http://jp.lawlink.nsw.gov.au/public/...tcodePublic.do

    وبعدين تدور على أرقام هواتف أقرب واحد ساكن في نفس الحي تتصل عليه وتأخذ منه موعد علشان تتقابلون ويصدق لك على الاوراق
    ملاحظة: لا تدفع له فلوس لانها تعتبر رشوة التصديق مجانا وهم وظيفتهم عمل تطوعي من الدولة

    وبعد ما تخلص ترسل كل المستندات الى عنوان الشخص المسؤل عن تجديد الفيزا
    تلقى عنوانه في الإيميل
    لا ترسله له الأوراق بالبريد العادي او المسجل
    لاني ارسلتها وضيعوها

    رح بنفسك أقرب مكتب هجرة وعطهم الاوراق وعنوان المسؤل وهم يرسلونها بريد داخلي
    وخذ ورقة إيصال انهم استلموا الأوراق

    وإحتمال بعد اسبوع او لإثنين يطلبون مستندات إضافية مثل سي في بالإنجليزي أو ابلكيشن
    ارسلها ايميل وبعدها بإسبوع تطلع لك الفيزا الجديدة

    الموضوع أخذ معاي تقريبا شهر علشان ارتب الأوراق والترجمة والخرابيط وكل يوم أقول بكره
    وسلامتكم
  2. ملاحظة مهمة

    تعبئة نموذج رقم 1229

    وما أدراك ما 1229

    هذا تعهد لازم تعبيه للي معه بزارين
    المهم مطلوب توقيع الأب والأم

    ولازم تروح لجستس أوف بيس ويشهد انكم وقعتوها قدامه
    يعني لازم تروح انت والمدام وتوقعون النموذج قدامه مو توقعنوها بالبيت

    وهو يبي يشوفكم توقعونها قدامه ويتأكد من جوازاتكم وبعدين يصادق عليها النموذج تحت كل توقيع بختمه وتوقيعه

    النموذج هو عبارة عن تعهد ان بزارينك إذا صاروا اكبر من خمسة تدخلهم مدارس وما يجددون لك الفيزا حتى تعبيه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.