وش رأيكم في سعر الدولار اليوم

اخوي كيف ايش السبب في اختلاف الاسعار بين المواقع ..

هذا بيع وشراء .. يعني لو انت مثلا بتروح بندهـ ولقيت عندهم كيس الرز بـ 50 ريال

ورحت بعدها على الدانوب او وطني ولقيت سعر كيس الرز بـ 55 ريال

هل راح تسأل ليش سعركم ماهو واحد ؟؟

كل محل يبي يتكسب فالعمله .. ولو تبغى العمله بأقل الاسعار انزل باب مكه والصرافين الي في شارع قابل .. هذا لو انك من سكان جده

ولو انك من سكان الرياض اعتقد ان الصرافين في البطحاء اذا ماني غلطان


عموما سعر الصرف مناسب جدا الآن ولو انت محوش فلوس انصحك تحولها من الآ ماتدري بعد شهر او اثنين ممكن ترتفع مره ثانيه وبالتالي تخسر 300 او 500 دولار وانت محتاجها فالسفر

بالتوفيق

الف شكر مستر ملبورن
اسال الله ان يفتح عليك وييسر امرك .

شف يالغالي ..
بالنسبة للصرف : نوعين ..
الأول : تصرف عملة كاش يعني بتاخذها بيدك فأفضل شيئ عندك العمودي اللي بالبلد او اللي بالمساعدية ..
لأنه ياخذ نسبة بسيطة بعكس غيره ..
الثاني .. تحولها لعملة دولار وتاخذها شيكات بنكية مصدقة .. فأفضل شيئ بنك الجزيرة لأنه أرخص بنك ..
أمس أنا مريت البنوك ووجدت ان الراجحي يبيع الدولار الاسترالي ب 2.60 وبنك الجزيرة ب2.51 وهذا فرق شااااسع ..
وبالنسبة لموقع xe فهذا يعطيك قيمة العملة الفعلية للي يتعاملون بالعملات ( تجارة العملات) من دون فائدة البيع ..

تمنياتي للجميع .. بالتوفيق والنجاح ..

محبكمـ الهاويـ

الهاويــــ
الله يسعدك والله كنت اتوقع ان الراجحي هو الافضل , لكن زين بروح ادور على العمودي
لكن عندي سؤال
بما اني اقدر افتح حساب بنكي في استراليا من هنا على كلام الشباب
هل اقدر احول فلوس على نفس الحساب قبل لا استلم البطاقه

انا اشوفه مررررررة مناسب

والحين الدولار الاسترالي في صعود

لأني العام لما حولت كان الدولار الاسترالي 3.55 يعني اكثر من ريال

وعلى فكرة قبل اسبوعين كان الدولار الاسترالي اقل من سعر اليوم

الان اتصلت على البنك الاهلي حصلته ب 2.68

احد جرب يحول في الرياض ؟؟؟
ابي احول عند ارخص واحد كاش الحين
وعصفور باليد خير من عشرة على الشجرة افيدونا يا اهل الرياض
ابي اسم محل

هذا اسم محل في البطحاء في الرياض
امس اتصلت ليه وقالي سعر الدولار الاسترالي 2.65
اسمه العقيل للصرافه
رقمه 012871288

أنا الي اسئل وانا الي اجاوب (ما حك جلدك مثل ظفرك )