الالتحاق بالبعثه

اخوي نهار كفى ووفاء يعطيه العافيه

اخوي دودي ترا الموافقه من وزارة التعليم العالي ماتاخذ شي بـساعتين مخلص امورك ويمكن اقل

بس اهم شي جيب معك :
صورة شهادة الثانوية
شهادة حسن سيرة وسلوك
صورة بطاقة الاحوال
صورة الجواز
وعبي البلكيشن تبعهم

وبالتوفيق اخوي

يعطيكم الف عافيه

وفي حالة انكم حاصلين على دبلوم والجامعه الي انتم رايحين لها اعتمدت لكم اكثر من 30 ساعه ,

تدرسون ترم واحد ويحق لكم انكم تحولون على البعثه


والمعذره على المداخله

السؤال ياشباب بعد اخذ الموافقه من الوزاره وبعد وصولك لبلد الدراسه هل يلزمك الاتصال بالملحقيه التابع لها ام بعد اكمال 30 ساعه يتم ذلك؟ ارجوا الاحابه لمن لديه خبره لتعم الفائده وبالتوفيق للجميع

السلام عليكم ورحمة الله وبركاتة

1--اخواني لو سمحتوا ابطلع ادرس على حسابي الخاص وبعدين احول للبعثة ومتخرج من الثانويه منذو مايقارب 6 سنوات بنسبة 70% هل ستواجهني مشكله لاني متخرج من فترة طويلة وبهالنسبة.

2-- بالنسية لتخصص التجارة الالكترونية ليس موجود في برنامج خادم الحرمين الشريفين للابتعاث هل استطيع الانضمام للبعثة لدراسة هذا التخصص والا سأكون مجبر بالتخصصات المطروحة في موقع الوزارة للدارسين باستراليا ياليت تفيدوني ودمتم بود.

يا حبيبي .. الوزارة تأخذ شعار حنا شباب اليوم

مهما كانت النسبه ومهما كان وقت التخرج ..

اهم شيء انك تجيب معدل .. يبيض الوجه .. مايبون مرتفع بس اهم شيء انك ما تطيح وجيههم هناك .. واهم شيء انه من جامعه معترف فيهاا عشان تلتحق ..

وتدرس في الجامعه سميستر واحد بس وبعدين تلحق بالبعثه ...

لاكن ... يمكن الصعوبه الي راح تواجههااا في القبول لانه واحد اعرفه ..

نسبته في السبعينااات .. وخريج قبل سنة .. << ما اظنهم همهم وقت التخرج هناك

بس بالموت حصل قبول في جامعه يقولون انهاا في التصنيف الأخير في استراليا

بس انا ما اتوقع انه صادق لانه في خلال كم اسبوع ما اتوقع انه خاطب 40 جامعه ...!!!

على العموم .. الله يوفقك .. وترى امورك بتتسهل انشالله بس ادع ربك وتوكل عليه

سلاااام

تسلم عزيزي العاني انا ان شاء الله سيأتيني القبول خلال هذا الشهر من 3 جامعات بإذن الله 1 -- جامعة كوينزلاند
2-- جامعة ولونجوج

3-- جامعة كوينزلاند تكنولوجي

الله يعطيك العافية اخوي لو تكرمت بالنسبة لتخصص التجارة الالكترونية اقدر ادرس هذا التخصص عن طريق البعثة لأنه في موقع الوزارة لم يذكر تخصص التجارة الالكترونية بس اللي ذكر عدة تخصصات مثل التأمين والمحاسبة والتسويق ...... الخ ودمت بود

على حد علمي تقدر تدرس التخصص الي تبي .. طالما الجامعه معترف فيها

لاكن ما اصرح بهذا .. ولا احط بذمتي .. وتقدر تسألهم لو بغيت

بس الوزارة حاطه ضمن البرنامج ابتعاث لتجارة ألكترونيه لاكن لأمريكا فقط

وسمعت انهاا ما اظافتها للدول الثانيه كخطأ تقني والله اعلم

على العموم ربي يوفقك بس تقدر تسأل عن كل هذا للوزارة

ولاكن عندي لك سؤال

بخصوص جامعة ولونجوج

وش تعرف عن الجامعه ..؟؟

ومن جاب لك القبول فيها ؟؟

ابي اخبار عنهااا

انا اعرف انها تقع في مدينه تعليمه .. عدد سكانهاا 32 ألف

وساحليه وتبعد عن سيدني 91 كيلوا ..

واحسن مافيها انهااا رخيييييييصه بالنسبه للولايات والمدن الاخرى ومتوفر فيها كل شيء

ومدينه حلوه حلوه حلوه ويكفيك ان كل الموجودين فيهااا متعلمين ..

ع العموم لو جتك .. تراها حلوه .. من ناحيه المكان لاكن كـ قوه ومكانه ما اعرف

وع فكرة انا ما قد رحت لها بس قريت عنها ...

وربي يوفقك انشالله

وتكفى ادع لي .. انه يطلع قبولي ... واروح انا وياااك انشالله .. لهاا


اخوك
العاني