الأعضاء الإشتراك و التسجيل

الملتقيات
ADs

ماجستير ملابس ونسيج

ماجستير ملابس ونسيج


NOTICE

تنبيه: هذا الموضوع قديم. تم طرحه قبل 5516 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية hoood
    hoood

    مبتعث مجتهد Senior Member

    hoood أستراليا

    hoood , أنثى. مبتعث مجتهد Senior Member. من السعودية , مبتعث فى أستراليا , تخصصى اكاديمي , بجامعة RMIT
    • RMIT
    • اكاديمي
    • أنثى
    • ملبورن, فكتوريا
    • السعودية
    • Feb 2009
    المزيدl

    February 21st, 2009, 12:20 AM

    السلام عليكم ورحمة الله وبركاتة
    اخواتي واخواني اتمنى من يعرف!!!
    س1 أي معلومة عن تخصص الملابس والنسيج للماجستير والدكتوراة ؟
    لأني معيدة وطالبين مني اني اشوف القبول في اي دولة واي جامعة معترف فيها عن هذا التخصص اللي انا متعينة عليه
    س2 وايش احسن جامعة ممكن الاقي فيها هذا التخصص في استراليا ؟
    واستفسار بسيط ايش افضل الدول كندا او استراليا لتخصصي


    اتمنى انكم تفيدوني ودعواتي من كل قلبي بالتوفيق والتيسير لكم من الله العلي القدير وجزاكم الله كل خير
  2. معقولة محد فاضي يرد علي ياناااااااااااااااااااااااااااااااااااااااس ياهوووووووووووووووووو الكل مشغول ومو فاضي والا عندكم اختبارات والا ايش
    ياليت احد يررررررررررد عليه



    خلاص انا زعلانة مع السلامة بالتوفيق للجميع
    7 "
  3. وعليكم السلام ورحمة الله وبركاته ,,

    في البداية عزيزي أغلب المبتعثين هنا في مابعد مشوا أو في بداية دراستهم للغة يعني صعبة يعرفون عن تخصصك وخصوصا لأنه نادر ,,

    وأنت سألت عن أفضل جامعة وفي نظري أنك تشوف أول وش الجامعات الموجود فيها التخصص هذا وبعدها تقارن لأني ماأتوقع راح تلاقي كثير ,,

    أما المقارنة بين الدولتين هذا يبغالها صفحات وفيها نواحي كثيرة بس باختصار قبولات كندا أصعب بكثير .
    7 "
  4. عشان لا تزعلي اقولك الي اعرفه و هي معلومه بسيطه
    من زمان اول ما قدمت عالبعثه يعني قبل سنيتن تقريبا في وحده قابلتها في الملتقى و قالت ان تخصصها ملابس و نسيج
    راحت ملبورن في استراليا
    الي فهمته منها ان ما عندهم تخصص ز يكده ملابس و نسيج ، بس في مثلا استخدام الحاسب الالي في النسيج يعني شي زي كده
    بمعنى التخصص يمكن لما تبحثي عنه ما رح تلاقيه تحت مسمى ملابس و نسيج ممكن تلاقيه تحت مسميات ثانيه

    و حتى في زميلتي اعرفها تخصصها تربيه فنيه هي الان في تزمانيا في استراليا كمان
    و بحثت كثير عن تخصصها لكن ما لقت و اخر شي اختارت اظن graphic design

    فان شاء الله تلاقي احد تخصصه نفس تخصصك و يفيدك اكثر لو ما لقيت يكل الي عليكي تعمليه هو
    انك تبدءي تدخلي على مواقع الجامعات المعترف بها لأنها هي الي تكون قويه
    و تدوري على قسمك

    اما افضل جامعه فمره صعب احد يقولك ..
    و الافضل بين استراليا و كندا و الله زي ما قال 1234 موضوع طويل يدخل تحته بنود كثيره و مقارنات

    لكن انا اقول اول تشوفي الجامعه و بعدين تفكري في البلد لأنه كندا و استراليا قريبين من بعض من ناحية انهم بلدان اجنبيه
    يعني مثلا ما قلتي كندا و مصر !! في فرق

    استراليا بلد حلوة و شعبها طيب و جوها مناسب لنا كسعوديين ، صح شويه فيها غلى و مشكلة سكن و حضانات بس عموما كويسه

    كندا برد هذا الي اعرفه عنها و اهلها طيبين زرتها مرتين و ما قد صارت لنا مشاكل فيها ، مسالمين يعني
    زميلتي رح تروح بعد شهر لها و قالت لي انها سالت عن المعيشه و كده و لقيت انه المعيشه هناك تعتبر معقوله و مهي غاليه و حتى دولارهم اظن بريالين و شويه يعني يوصل 3

    الحجاب في استراليا الحمدلله ما في مشاكل و حتى في كندا عشان الجاليه العربيه موجوده بكثره
    و الاكل متوفر في كندا و استراليا ما في مشاكل

    فيعني شايفه ما في فرق كبير
    الفرق رح يكون في الجامعه و بس مين الافضل و ان شاء الله تلاقي الخبراء الي يفيدوكي
    7 "
  5. الف شكر على مرورك اخ 123 , اخت هايدي كفاية انكم كلفتم انفسكم الرد على استفساري وجزاكم الله كل خير وجعل التوفيق حليفكم في الدنيا والاخرة
    بس معليش بغلسها شوي لكن ما وجدت غير هذا المنتدى الطيب يوضح لي بعض الاشكالات وهي
    1- اذا ممكن تدلوني على مكتب في جدة قدمتو من خلاله على الابتعاث في استراليا ويجيب قبول من جامعات كويسة ؟
    لأن حصل ليه مقلب الله لا يوري مسلم اخذ مني مكتب 3000 وقال بجيب لك قبول وعينكم ما تشوف الا النور كل شي راح ( زحلطن و زحلطت معاه الفلوس )
    7 "
  6. و الله المكتب انا رحت لمكتب IDP
    و هذا موقعهم
    Study in Australia – IDP Education – 75 student offices in 29 countries
    هو مكتب معتمد من الجامعات الاستراليه
    و تجربتي معاه كانت كويسه ، لكن بعض الناس صارت لهم مشاكل شويه ، يعني انت و حظك
    لكنه مو مكتب تجاري و هذا شي طيب

    و اذا تقدري قدمي بنفسك ، او خلي احد يساعد يعني من عائلتك مثلا اذا توفر
    و الله يختار لك الخير

    على فكره مكانهم على حد علمي اتغير ، المكان الي اعرفه كان مكتب قدام المساعديه ، اظن عند فندق موفنبيك ، هناك كان مكانه ترى ما اعرف اوصف

    بس سمعت ان المكتب اتغير و نقل فأسألي عنه و الله يوفقك
    7 "
  7. انا زيك تخصص ملابس ونسيج وحكمل ماستر بإذن الله في نفس المجال وشوفي جامعة RMIT في مدينة ملبورن لان انا جاني القبول فيها وفي مجال خاص بالأزياءfashion and textiles
    ويارب اكون افدتك
    وكويس عشان انا نفسي يكون احد معايا في نفس المجال
    بس ترا ها انا لسى ما طبيت استراليا واذا ربي يسرلي حاسافر في منتصف شهر مارش
    دعواتك
    7 "
  8. ما اقول غير ياشين اللقافة ممممممممممم (امزح )كخ كخ كخ كخ
    ولا يهمك يا عزيزتي انا متخرجة من سنتين وانا من جامعة أم القرى
    كمان عندي استفسار بسيط يا ريت نتعاون مع بعض للاستفادة الجماعية ,,,,
    اولا :انتي ابتعثتي تبع الجامعة والا على حسابك او على بعثات الملك عبدالله
    ثانيا : كيف قدمتي على هذه الجامعة عن طريق مكتب؟ والا عن طريق النت عبيتي الابلكيشن لوحدك ؟وياترى هذه الجامعة مقبولة في وزارة التعليم العالي وتخصصها قوي لأنهم في الجامعة يقولو لي لازم على الاقل يكون رقمها 4 أو 5 كمان معلش على كثرة اسئلتي لكن والله ما حسبت لقيت وحده نفس تخصصي وبشبط فيكي سامحيني عاد

    بعد انا صراحة محتارة اروح كندا او استراليا لكن في بريطانيا لقيت نفس تخصصي بس عندي بعض الملاحظات عليها
    زي المعيشة غالية( وانا مو لوحدي معي عائلتي ) اولا
    كمان يقولو فيها عنصرية وبرضو ياكثر العرب والسعوديين فيها يعني بالعربي ما بتستفيدي لغة كثير اذا كان معاك عرب
    واكثر ما اسمع في المنتديا ت ينصحوا اولا كندا بعدين بريطانيا ثم استراليا انتي ما حاولتي تسألي في كذا دولة كمان

    بس الى الان افضل كندا ولسه بروح مكتب عسى يفيدني اكثر اسمه اديكون وبرضو مكتب ثاني قالو لي عنه بعض الزميلات اسمه المنتدى العربي ما قد سمعتي عنه في جدة
    تحياتي لك ومعلش عالغلاسة اتحمليني
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.