اخوكم الصغير .. بيكمل دراسته بالخارج وش تنصحونه فيه ؟

نصيحة اخو لكـ ..

اذا انت تقول ماشاء الله ممتاز .. وش تبي بالغربة والبهذلة وانت بهالعمر ترى الغربة شينة مرررة

وخصوصاً ان البكالوريوس سنواته مع اللغة بجميع الدول لا تقل عن اربع سنوات ..!

ادرس بجامعة الملك فهد للبترول ماشاء الله من أقوى الجامعات او الملك سعود بتخصص قوي ..

وبعدها كمل ماستر برى ..

طلب المشورة وهذا رأيي .. والله يكتب لك اللي فيه الخير ويوفقكـ ..

أضم صوتي لأبو مها والراي الاول والاخير لك ..
محبك شمووخ الذات

نصيحة أدرس البكالوريس هنا .. و جب معدل طيب و بعد كذا رح للخارج

القانون جيد و مستقبله طيب .. بس تحتاج إلى إنك تجيب معدل عالي عشان تستطيع تكمل الماجستير أما بدون ماستر فمالك إلا وظيفة على السادسة أو تعمل عند مكتب محاماة و إذا أنت محضوض عينوك في هيئة التحقيق طبعاً بعد ما تجلس سنتين تنتظر تعيينك فيها .

لكن مع المعدل العالي إن أردت تتوظف تحصل بسرعة و إن أردت تكمل ماستر فالمجالات متوفره ...

أضم صوتي لصوت الأخ أبو مها والغربة شينة مرة بهاذيل وصعبة وبالذات للي في مثل سنك ومايعرف مرارتها إلا من عاشها إلى قمت الصبح مالقيت حد حواليك ولا تلقاك تسمع إن أهلك متجمعين شوي وتصيح ولا الأذان ماتسمعه وفوق هذا كله شهر رمضان ماتصومه زي عندنا على سفرة وحده لا تلقاك في هالمحاضرات شغال وتكرف وفطورك سندويشة ولا عصير وعموما أحسب 5 سنين دراسة بكالورويوس مع اللغة والأفضل لك بالنهاية إنك تكون عند أهلك بصحة وعافية وأمن وأمان ومشيول فوق الراس ورزقك مقسوم لك بهالدنيا بتاخذه ببعثة ولا بدون فلذلك خلص البكالورويوس بالسعودية وإذا تخرجت ممكن تفكر بالبعثة والله يوفقك .