أستراحات شباب سعوديين في أستراليا

March 20th, 2009, 11:55 PM

السلام عليكم

الحقيقة ما احب اكتب بشكل رسمي وحتى لو بغيت اكتب بشكل رسمي ترا ما اعرف

المهم قريت رسالة كتبها الصحفي في الاقتصادية نجيب الزامل

الحقيقة شيء جميل اهتمام نجيب بالمبتعثين في انحاء العالم

ولكن وصلته رسالة من طالب مبتعث في استراليا يذكر فيها


___________________________________________
"لقد اشتد سوءُ الوضع هنا في أستراليا، أكثرُ زملائي من الطلبة عابثون، ويسجلون علاماتٍ منخفضة، ويقضون أوقاتـَهم فيما لا يسرّ ولا ينفع. وأنبئك بأن الشِلل القبلية والمذهبية صارت واضحة للعيان، وباختلافاتٍ أكثر ضراوة مما عهدناها في بلادنا، وأنبئك بأن صرعة الاستراحات أيضا انتشرت في مدنٍ مثل سيدني وملبورن مع ظاهرة تدخين الشيشة. في كل مدينة تُستأجَر شققٌ أو وحداتٌ تكون بمثابةِ استراحاتٍ شللية يسهر فيها الشبابُ المبتعثون حتى ساعات الفجر تاركين جامعاتهم ومذاكراتهم في سبات في عقولهم.. وصارت أكثر من شكوى وخلافات مع الجيران وقاطني المناطق التي يكون فيها استراحة لأي من الشباب السعوديين. وأنا كسعودي شاب، أحرصُ على أن يبقى اسمُ وطني عالياً، يندي جبيني خجلاً من تلك التصرفات، وأشعر بالأسفِ العميق كيف يهدر هؤلاء الشباب فرص حياتهم في العبثِ، وهي فرصة عمرٍ يتمناها أيُ شابٍ في عمرهم كأمنية حياة ولا يحصل عليها، وهم بها يعبثون.. وحاولت أن أتصل بأي جهةٍ رسمية لنا في أستراليا ولم أستطع أن أجد صدى، فأنا أتوجه لك هنا كي يُعالج الموضوع من جذوره.. ". الطالب المبتعث: ح. ع.
_____________________________________________


الصراحة ماكتبت الموضوع دفاعا ً عن السعودين او ضدهم فهذا شيء يخصهم
يعني يمكن اتدخل لو شفت سعودي يطلب مساعدة او متورط باللي اقدر عليه


لكن اني اشوف سعودي جالس يسوي شي خطأ فأكثر شي يمكن اسويه اني انصحه


ولكن الجرذان هم اللي يسون فيها انا عريف الفصل وقام يفتن على هذا وعلى هذا


والمشكلة لو ركزنا في رسالته راح نكتشف الكثير من الاخطاء والافتراء


أولا ً درجات الطلاب هذي لو أتصل ابوك من السعودية واثبت للجامعة انه ولي امر الطالب ماراح يعطونه الدرجات حتى شفت برنامج ان الاستراليين يشتكون انفسهم ان الدرجات سرية أكثر من الازم المهم ماعلينا كلنا عارفين هذا الشي مايقدر يطلع على الدرجات الا الملحقية

الشي الثاني قصة الاستراحة هذي افتراء لأن وزي مانعرف لو كان بيزعج الجيران بكل بساطة الجار ومع تكرر الازعاج اتصال واحد على الشرطة راح يحل المشكلة واحتمال كثير يخلون بيته
اماااا استراحات مرة وحدة ياكبرها عند ربي العوائل مو لاقيه سكن وشباب يقطون في استراحة
بالقوة هنا يأجرون البيت لعزوبي عشان يأجرونه لشلة شباب


ثالث مشاكل مذهبية واضحة للعيان هذي الصراحة ماشفتها لكن اللي صاير انه فئة الناس تنعزل عن الباقيين وكلنا عارفين الشي هذا ومين هم والصراحة ما اعرف ليه ولا ودي اعرف الا بعضهم



ياشباب بيننا جرذان
والملحقية تعرف كيف التعامل معهم بشكل سليم
لكن الصحافة تبحث عن هذه الحشرات
وقد يكون غرض زامل من نقل الصورة سليم ولا اختلف معه

لكن يجب التحقق من الموضوع قبل نشره

كلنا نعرف عن بعض السعوديين ممن يشتكون في الخفاء على السعوديين انفسهم ولو انه بشكل غير صحيح مثل بعض من نصب نفسه هيئة استراليا


وهم كثيرين

احكي لكم قصة صغيرة
انتهى الدرس قام المحاضر يحضر وكان في القاعة سعوديين
واثنين منهم غايبين والباقي حاضرين وبالغلط قام المحاضر وحضرهم فرد عليهم الجرذي السعودي وقال تراهم ماهم حاضرين رجع وتأكد وغيبهم والسبب !!!!!!!



عشان اتجاوز ال plagiarism وهيشو ما يشطب على الورقة

المراجع :
مجلة الاقتصادية الالكترونية

• نشر عبر تويتر
• نشر عبر فيسبوك
• نشر عبر جوجل