الرجاء المساعده ((دراسه المرافق))

معقوله الله يهديكم مافيه رد

والله يا خي المرافقيين للمبتعثين اللي من وزارة التعليم العالي صاروا يشددوا عليهم شوي انصحك تتصل بالوزارة وتسألهم

انا ماعندي اجابة بس حيت اقول كل عام وانت بخير وانشاء الله تلقى الاجابة بالوزارة او من الاخوان اللي عندهم معرفة بالموضوع

شوف يالغالي يحق لك تواصل دراستك على حساب الملحقية حتي لو عمتك على حساب وزارة الصحة، اللي عليك تسويه تطلع تأشيرة سياحية لانه نظام التأشيرات الاسترالية ما يعطيك الحق بفيزا مرافق لانك طالع مع عمتك وفيزا المرافق فقط للزوج او الزوجة والاطفال.
بعد ما توصل لاستراليا باذن الله تلتحق ببرنامج اللغة ويحق لك دراسة ٥٠ اسبوع بدون اي تمديد المرافق لا يحق له تمديد اللغة اكثر من سنة بعد الانتهاء من اللغة تحصل على قبول نهائي لدراسة الماجستير وتقدمه للملحقية وتعمد الجامعة للبدء في الدراسة الاكاديمية بس هذا له شروط انه دراستك لن تتجاوز في المدة دراسة المبتعث الاساسي اللي هو عمتك الا بحد اقصى ٢٥٪ من مدة برنامج المبتعث الاساسي بمعنى دراسة المبتعث الاساسي باللغة نفترض سنتين دراستك انت باللغة المفروض ما تتجاوز سنتين ونص.

يعني اللي عليك تسويه انك من الآن تراسل جامعات في نفس مدينة المبتعث الاساسي على اساس ما تضيع وقت وتحصل على القبول المبدئي وتقدم على تأشيرة سياحية وبمجرد ما توصل تطلب من الملحقية تعطيك ضمان مالي لدراسة اللغة تقدمه على جامعتك وتبدأ الدراسة وتباشر عملية تحويل التآشيرة السياحية الى دراسية.

وبالتوفيق واسمح لي على الكلام المبعثر واتمنى تكون الفكرة وصلتك واي استفسار في الخدمة.

تحياتي

وكل عام وانت بصحة وسلامه
الله يهديك ويصلحك ترفع موضوع له اكثر من ستة شهور، وردينا وتعبنا وفي الاخير بدون فائدة.

تحياتي