افضل طريقة لأستخراج الفيزا !!!!!

طيب وش الاوراق المطلوبه

لاني رحت لمكتب ارامكس وقالوا لي جب القبول النهائي هل احد حصل معه مثل هذا الامر

انا عندي القبول المبدئي وقالوا لازم تجيب قبول COE

تكفون ياجماعة الخير والله اني منحاس وابي احد يوقف معى تكفوووووووووون الله يوفقكم

اتمنى احد يتواصل معي عن طريق الايميل حتى استفيد من تجربته وتفاصيل القديم على الفيزا تكفون بدون ماازعج احد

al_sultan11 هذا ايميلي على الهوتميل والف شكر ،،،

انا انتظر الرد الشافي الكافي او التواصل معي شكرا لمن صدق ،،،

اخوي سلطان ..

لازم تجيب قبول نهائي COE عشان يطلعوا لكـ الفيزا ..(( ويجي بعد ماتفد الفلوس للمعهد اللغه او الجامعه )) انا دفعت للغه

وبدونه ماتقدر ..

والأوراق المطلوبة :
# تعبئة نموذج 157A ةتطبعه من هالموقع ((بعد الضغط على الرابط احفظه عندك واطبعه))23 صفحة
http://www.immi.gov.au/allforms/pdf/157a.pdf

# 3 صور مكشوف الراس 4*6 خلفيه ابيض

# صورة الجواز

# أصل للقبول النهائي COE

# كشف حساب لمدة 6 اشهر ويفضل ان يكون نفس المبلغ كبير شويه علشان تضمن ان مايردونك ويقولوا المبلغ قليل (طبعا جيبها للي يبغا يصرف عليك مثلا الوالداو اخوك الكبير او الوالده اذا كانت موظفه)

# خطاب تعريف من العمل ( الوالد او الوالده اذا كانت موظفه او اخوك الكبير اللى يبغا يجبلك كشف حساب ويكون الخطاب موجه للسفارة الاستراليه ومترجم بالانجليزيه)
صورة لآخر مؤهل دراسي ( كشف الدرجات + الشهادة =للدبلوم والبكالريوس) للثانوي = شهادة الثانويه فقط

#صورة للسجل الأكاديمي ( خذي ماعارفها وش هي لكن اول مرا اسمعها وانا ماطلبوها مني )

#شيكـ مصدق(ركزو شيك مصدق وليس تحويل = ويكون هذا في فروع التحويل مثلا عند الراجحي له فروع عامه وفروع تحويل تسوي الشيك منه ((( ترى انا حولت بالغلط وراحت عليا الفلوس واللى الحين مارجعت ركزوووووا شيك مصدق وليس تحويييل ))) ) بقيمة 1365 درهم امارتي مسحوب على اي بنكـ في دبي .. وتأكد أن اسم المستفيدVFS (GCC) LLC

لاتغلط فيه ..

# تقوم بالكشف الطبي عند احدى العيادات المعتمدة من السفارة الأسترالية
والسعر الجديد على حظي وحظكم الحمد لله كان قبل مااجي 900 وعليها ماادري كم المهم بعد ماجيت انا
قالولي 595 ريال + والكشف الطبي يطلع بعد اسبوع من عملك للفحص + وانا عملت فحصي عند غسان فرعون وهم مخصصين يومين في الاسبوع للفحص وهو الاحد والثلاثاء ولازم تتصل قبلها علشان تحجز وقت لك (وطلباتهم المبلغ + صورتين شمسيه ماتفرق كاشف الراس اول لا + جوازك )

والعيادات ع هذا الرابط
Saudi Arabia - Panel Doctors

#وهم سيقومون بأرسال الكشف الطبي للسفارة وسيعطونك رقم الأرسالية (بعد اسوبع تطلع النتائج وتمرهم او تتصل عليهم تاخذ الرقم)
وتعطيه ارامكس عشان يسجلوه عندهم على اوراقك الباقية ..

واحتفظ بكعب الشيكـ + ايصال الكشف الطبي لكي يتم تعويضكـ من الملحقية إن شاء الله ..

وأتمنـى مانسيت شي ..