إستشارة: جامعة الـ U.Q والـ Q.U.T

مرحبا اختي
وكما قلتفي الموضوع السابق
جامعه UQ اساسا درستي او ما درستي في معهدهم ما راح يقبلون الا بالايلتس ولا راح يقبلون باقل من هذا
اذا انتي تحبين تسمعين ارا الناس الناس ما تفضله لعده اسباب ومنها انه كثره السعوديين فيه لدرجه محد يتصورها لانها هي الجامعه الوحيده في كوينز لاند المفتوحه
بس على ما اعتقد فيه معاهد ثانيه قويه وتحضرك لدرجه الايلتس

اما جامعه QUT اللي انا اعرفه موقفه لتكدس الطلاب السعوديين وهي حلوه وتقريبا نفس درجه الصعوبه جامعه UQ وفيها معهد بس المعهد من انصح فيه بتاتا من باب التجربه سيئ بما تعنيه الكلمه من معنى مو من ناحيه التدريس بس من ناحيه المعامله وطريقه المعامله وغيروا الكولتي حقه خلوه معقد بشكل ممل بدرجه فقوا ماتتصوري
وهو صحيح انه بعض الكليات اللي بالجامعه تقبل بدرجه المعهد والبعض لا
على كل القرار لك
والتوفيق بيد رب العباد
وموفقه خير

أخي الكريم الرويلي حفظك المولى عزوجل ...تشكر كثير على جهدك الطيب وتعاونك مع الأعضاء الجدد..
قرأت ردك السابق وكذلك ردك على الأخت لين ...

نوعا ً ما بدأت اقتنع بمعهد الـ Q.U.T وسبب ذلك لآنه تخصص الرياضيات بنفس الجامعة هو ما أريده بخلاف جامعة الكوينزلاند...
وكما ذكرت للأخت ...تعليم اللغة يعتمد على مجهود ذاتي من قرأت صحف وسماع الاذاعات المحلية ..تقريبا ً في ذلك لا يوجد لدي أي أشكالية فلغتي البسيطة ولله الحمد تساعدني قليلا ً ...
ولكن الذي أود معرفته تجارب أُناس في المعهد حتى يطمئن قلبي بأن هناك تجارب ناجحه ...وبإذن الله قادرة على تحقيق النجاح في أي مكان كان ...

عامة أسأل الله أن يكتب مافيه الخير ويسهل بقية إجرائتي ...

وأشكرك مرة أخرى وجزاك الله خير الجزاء ...

اختي انا تكلمت لك عن تجربتي بالمعهد انا من الصعب احكم على المعهد لان يمكن الصعب عند سهل عندك وعند ناس كثر
بس اختي نصيحتي المعهد قوي ناس كثير طلعوا منه على حافه النجاح ويوم فكروا يختبروا ايلتس سبعهة بالايلتس وانا اقولها بكله صراحه ما فيه اقوى من تدريس الاكادمي في معاهد برزبن مثل معهد الجامعه
صدق تحسين نفسك اكاديميه لدرجه ما تتصورينها
بس الجنرال انقلش سيئ الى ابعد الحدود
وااا قريت ردك على الاخت لين
واحب اقول لك اختي المشكله في المعاهد هنا وخاصه اللي تابعه للجامعات ماديه الى ابعد الحدود
لانهم يعرفون نظام الملحقيه السعوديه لك سنه ونصف وثلاث شهور يعطونك مكافئه بس بدون دفع رسوم المعهد
وهم على هذا الاساس يلعبون على السنه والنصف واذا اضطروا لعبوا في الثلاث شهور
اما اللي جاي على حسابه الخاص له معامله خاصه ويعرون من وين توكل الكتف
انا اسف على الاطاله
انا من ناحيه تجربتي كانت مريره بس الحمدلله عدت
وانا نصيحتي تعالي له مسسه نفسك صح واختبري اختبار EAPاذا عديتي الحمدلله واذا قالوا لك لا ما عديتي ادرس عندهم كم شهر وبعدين ادخلي EAP اما انك تدخلين من اول والاوفر كله تجبينه عندهم لا والله ما انصحك نهائيا
لانه ضياع للجهد ومال
ونصيحتي لاي شخص والله الخمسه والنص بالايلتس مو صعبه وهي تاهلك انك تدخلين EAP وهذا كل ثلاث شهور وتدخلي الجامعه واذا جبتي سته لك برج عشر اسابيع وتدخلي الجامعه على طول
انا ادري لحست مخك بس وربي نصيحتي لك رتبي اوراقك ولكل حادث حديث


التوفيق بيد رب العالمين

أستاذ رويلي ..جزاك المنان غفراناً يمحو به خطاياك ويجزل به عطاياك..
تسلم على هذا الجهد الملموس فبارك الله فيك ..

أخي لا يهمني مدى سهولة وصعوبة الدراسة ..على قدر كبير من التركيز ..الذي دفعني لمعهد اللغة Q.U.T هو التخصص بعد ذلك في نفس الجامعة ..لا أريد أن أشتت نفسي من البداية لذلك رسمت مسار مستقيم يبدأ بمعهد اللغة ومن ثم الدراسة في نفس الجامعة ..كلامك مفيد جدا ً وهذا مايزيدني إصرار على المواصلة وتحقيق الذات مهما كانت الصعوبة التي ستواجهني ..كل ذلك جهد يعتمد عليه ..متى ما اجتهدت وركزت سأحقق ذلك بأقصر مدة ممكنه بإذن الله عزوجل.

الخطوة المهمة الآن هي .. أود معرفة النقاط الأساسيه من البداية..ماهي الأجراءت المطلوبة لي كطالبة مستجدة في المعهد؟ نظام الكورسات والعلامات؟..وما إلى ذلك من أسئلة عامة ..سأجعل المجال لك مفتوح لتجاوب مايخطر على بالك ..لآن الأسئلة كثيرة التي تدور في ذهني ولا أريد أن أقيدك بها ..سأتعبك لمعرفة بعض التفاصيل ...

سأدعو لك قبيل صلاة فجري ..وفقك الله في دينك ورأيك وجعلك لكل خير سببا ...

بسم الله الرحمن الرحيم
اول ابي ابدا اول ما تجي المعهدد
اكيد كل خمس اسابيع راح يبدأ السشن في المعهد
في اول يوم راح يصير تحديد مستوى شيء طبيعي راح يقولون ابداء من اول بس مع المحاولات يمكن يغيرون الفل اللي انتي فيه اذا انتي لغتك كويس
ابي ابدا لك باللفل كل لفل ينقسم الى قسمين من 1 الى 5 هذا مدته خمس اسابيع ومن 6 الى 10 وهذا كمان خمس اسابيع
طبعا اول اسبوعين بشكل عام يبي يكون اول اسبوعين دراسه عاديه في الاسبوع الثالث والرابع يبدأ التقييم
الخمس اساسا تحصيل حاصل لانك راح تعرفي بدايه الاسبوع الخامس انتي بااقيه ولا طالعه للفل اللي بعده
نبدأ نتكلم على الاسبوع الثالث والرابع
التقيييم يبدأ في السابق طبعا لان الحين تغير الكولتي عندهم
تختبرين قرمر ومن ثم تسوين برزنتيشن وبعدها فيه اختبار الكتابه وبعده اختبار الريدنق
في السابق يقولون اذا عديتي بالريدنق والرايتنق ما عندك مشكله تطلعين للمستوى اللي بعده بس الحين يقولون لازم تعدين تعدن بمهارتين الريدنق والراتنق وبالاضافه الى مهاره ثالثه
وكذا حتىتوصلي للمستوى بري انتر ميدت من 6 الى 10 عشان يحق لك انكتقدمي على اختبار الاكاديمي EAP طبعا اذا انتي توك جديده راح يدخلونك فيه اساسا يقولون لك انتي توك جديه وما جبتي الدراجه اللي تأهلك تدخلينه الاختبار يتكون بس من مهارتين الكتابه والقراءة فقط ولازم تجبين 5 من 10 درجات عشان تدخلين هذا البرنامج اللي مدته 12 اسبوع وله فترات بالسنه يعني مو دايم او انك تجبين اربع ونص او اربعه من عشره عشان تدخلين الابلس اكاديمي ومدته 24 اسبوع وفي كل البرنامجين فيه اختبارات في الاسابيع الااخيره
ولازم تجبين درجه النجاح وهي 65 من ميه اللي تأهلك تدخلين الجامعه وفيه تخصصات بالهندسه تقبل الخمسين المهم
اذا جبتي اقل من 65 فيه برنامج اسمه برجنق ومدته ثلاث شهور وهذا البرمامج فيه مادتين لغه انجليزيه وبالاضافه الىماده وحدهمن تخصصك وبعدها كذا تدخلين الجامعه ( ملاحظه: اهم شيء انه لا تقل مجموع درجاتك عن 50 من ميه واذا قلت راح تعدين البرنامج الاكاديمي من جديد ان شاء الله لو نص درجه لانهم متشددين بقوه )
وانتي كذا تلاحظين انك ماطين اللغه مط على الفاضي بس عشان يمصون اللي يقدرون عليه


وان شا ءالله اكون شرحتلك البرنامج شرح وافي
قبل كل هذا تاكدي من قبولك هل كليتك تقبل البرنامج الاكاديمي اللي في جامعه الكيوتي ولا لا
لان فيه بعض الكليات الصحيه ما تقبله ما تقبل الا ايلتس

السلام عليكم ورحمة الله وبركاته
شكرا استاذ رويلي على تفاعلك بالمنتدى ومساعدتك للغير
بالنسبة لسؤالك اختي فنصيحتي لك جامعة QUT فهي اسهل بالنسبة للغة ودراسة الجامعة ثلاث اترام مما يساعدك على اكمال دراستك مستقبلا بكل سهولة وبداية سنة 2010 سهلوا الخطة الدراسية بجميع مجالات الرياضيات
تحياتي

أستاذ/ رويلي
شكرا ً كثيرا ً على التوضيح ..ماقصرت كفيت ووفيت
سؤال أخير: هل بإمكاني أخذ اجازة خلال فترة اللغة ؟
اذا كان الجواب ..بنعم، كيف السبيل الى ذلك؟
أحتاج العودة بعد خمسة أشهر لمناقشة الرسالة ؟ فهل يمكن استقطاع وقت من دراسة اللغة للذهاب الى السعودية؟

---------

أستاذ/ عاشق بنت الرشيد
شاكرة مرورك الكريم... ونصيحتك سآخذها بالطبع في عين الإعتبار..
جزاك الله خير الجزاء ووفقك في دينك ودُنياك ...

ههههههههههههههههههههههههههههههههههه قلت قبيل صلاة الفجر قلت يا ربي صلاة الفجر هي تصلى مره بالاسبوع ولا لا
ولكن حمدلله على السلامه يا اختي

طبعا تقدرين وهذا يكون التنسيق بين المرشد الطلابي اللي بالمعهد التابع للجامعه والمشرف الدراسي
بالملحقيه واللي انا اعرفه جميع المشرفين على جامعه الكيوتي وربي انهم متعاونين بس المعهد ما راح يعطيك من الباب لطاقه اجازه عندهم نظام وهو على ما اعتقد ان لكل ثلاث شهور لك اسبوع بس فيه ااستنئات وكثيره الاستثئات لانهم يراعوا الناحيه النفسيه للطالب
انتي متى ما فكرتي ان شاء الله راح نفهمك بمداخل ومخارج المعهد والجامعه
وصدقيني انتي معزمه انك تبين تعدين كل هالصعوبات ومتاكده راح تبدين بدايه قويه بمعهد متشدد انا متاكد انك راح تعدين
انتي واصلي والله يرعاكي

لم أفهم ماقصدت في السطرين الأولى ..ولكن عامة أحببت أن أخصك بدعوة في أفضل الأوقات... إنها ركعتي السنة قبيل صلاة الفجر ولمعرفة فضلها فهذه أحاديث رسولنا الكريم ..

رُويَ عَنْ ابنِ عُمَرَ رَضِيَ اللهُ عَنْهُ قَالَ : قَالَ رَجُلٌ : يَا رَسُولَ اللهِ دُلَّنِي عَلى عَمَلٍ يَنْفَعُنِي اللهُ بِهِ ، قَالَ : « عَلَيْكَ بِرَكْعَتَي الْفَجْرِ فَإِنَّ فِيهِمَا فَضِيلَةً » . أخرجه الطبراني في الكبير

وَفي رِوَايَةٍ لَهُ أَيْضَاً قَالَ : سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ : « لا تَدَعُوا الرَّكْعَتَيْنِ قَبْلَ صَلاةِ الْفَجْرِ فَإِنَّ فِيهِمَا الرَّغَائِبَ » .

وَعَنْ عَائِشَةَ رَضِيَ اللهُ عَنْهَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ : « رَكْعَتَا الْفَجْرِ خَيْرٌ مِنَ الدُّنْيَا وَمَا فِيهَا »


أشكرك مرة أخرى على كرمك ونُبل خُلقك ...حفظك المولى عزوجل ..