استفسار بخصوص الحياه بالعائله في كوينزلاند برزبن (تكفون)

السلام عليكم ورحمة الله وبركاته

اخوي بالنسبه للعوائل لا تشيل هم الوضع تمام والعوائل مرتاحه والمدينه امنه جدا سواء لك او لزوجتك

من هالناحيه لا تشيل هم مره

افضل مكان لسكن العائلات على حسب جامعتك وكل جامعه يوجد شقق تجمع سعوديين والامور طيبه وهذي برظو لا تشيل هم والاسعار على حسب الجامعه مبدئيا الاسعار من 400 دولار في الاسبوع الى 550 دورلار تقل او تنقص

بالنسبه للحاضنات فهذه اكبر مشكله تواجه السعوديين من ناحيه غلاء الحاضنات واذا كنت تبغي اي خدمه من ايناحيه راسلني خاص وابشر بعزك باي شي تبيه

برزبن مدينة دراسية هادئه ....

وهذا من اهم الأسباب اللي خلتني اختارها، طبعا زوجتك راح تتعرف على نساء كثير طبعا تجمع النساء حسب الحي القريب من الجامعه
مثلا جامعة الكيوتي..

الاربن فاليج هذا حي قريب مره من الجامعه ومليان سعوديين لدرجة انك تمشي وكل شوي مسلم على واحد
يتراوح الإجار من ٤٠٠ الى ٦٠٠
شقه غرفتين الخ

جامعة قريفيث اقرب حي لها الربرتسون وتجمع السعوديين كثير هناك وفيه حي يبعد ربع ساعه اسمه كربي وفيه سعوديين بعد
كربي يؤجروا بيوت اجارها من ٤٠٠ وفيها

جاري التكملة عن إذنك صلاة

بانتضار مشاركاتكم

بانتضار مشاركاتكم اايضا

كوينزلاند ولاية جميلة جداً من ناحية الطبيعة ، والنزهات فيها لها طعم آخر ..

السكن يعتبر غالي نسبياً في برزبن ..

الأمن ممتاز ولكن يجب على الشخص الابتعاد عن اماكن الشبهه ، يعني الشوارع اللي فيها اماكن للسهر مثل الكلوبات حاول تبتعد عنها في آخر الليل .

بالنسبة للأسواق فهي كثيرة وكبيرة ، هذا بالنسبة للعائلات لأن السعوديات مايعرفون يتمشون الا بالسوق !

الجو بارد شتاءاً ولكن ليست برودة شديدة يعني بالعشرينات درجة الحرارة
وفي الصيف بالثلاثينات وآخر العشرينات ،، مع ان بعض الأحيان يكون الجو بالفعل حار صيفاً ،،، (عاد مدري هو صدق حار مره والا قمنا نتدلع من تالي)

النقل هناك وسائل نقل عامة وهي رخيصة وفعالة ، وهناك نقل خاص مثل التاكسي ولكنه غالي

السعوديين يفضلون ان يشتروا سيارة خاصة حتى يتمكنوا من التنقل والتنزه بحرية ..


واذا تبي سيارة مستعملة ونظيفة راسلني على الخاص.

الف شكر والله يعطيك العافيه