مساعدة مبتعث جديد في برزبن طالب فزعتكم

والله ي اخوي انا درست في برزبن لغه

لكن ما عندي اي خلفيه عن اللي سالته وبحاول استفسر لك

واذا حصلت شيى راح ارجعلك

انصحك تدخل على موقع realestate.com.au وتشوف لك شقة في احد هذه الاحياء Indooroopilly او Toowong ، الاسعار هناك مناسبة وتوجد باصات للجامعة ، وفيهم اسواق ومطاعم ، اعتقد انهم الانسب ، لكن لابد ان تاخذ بعين الاعتبار فيضانات نهر برزبن وتحاول تلقى لك شقة مرتفعة ، مثلا الدور الثاني .
بالنسبة لحضانة الاطفال ما عندي خلفية عنها ، لكن كل يوم وانا جاي للجامعة اشوف حضانة داخل الجامعة للاطفال بس ما اعرف تفاصيلها ابدا.

مشكورين أخواني على المعلومات

أفادك الأخو الفاضل بالموقع وتراه من أفضل المواقع إن لم يكن الأفضل



بالتوفيق يا عسل

اسأل الله لي و لك التوفيق ..


أنا ساكن حاليا ب indooroobily في شقه قريبه من الجامعه اللي تدرس فيها بس ما ادري كم تبعد بالضبط لأني ادرس بجامعه qut و الشقه حقت واحد من الشباب رجع للسعوديه و بيجلس من شهر الى شهرين و يمكن ما يرجع .. و الشقه مؤثثه لكن الرجال مطبق العفش كله .. و اذا ما جا يمكن يبيع العفش و يسلم الشقه ...

و راح اطلع منها بعد كم يوم لأني لوحدي و هي غاليه علي .. اجارها 450 شامل كل شي مويه كهرب نت .. غرفتين و صاله و بلكونه كبيره و دورتين مياه و انت بكرامه و مطبخ و غسالة صحون و غسالة ملابس و ثلاجه و بتوقاز و تلفزين الس سي دي 42 بوصه و أثاثها راقي .. و الموقع امام محطة القطار بشوي و حولك مولين كبيره و مطعم هندي و مركز مثل ميد اسمه 7 الفن مفتوح 24 ساعه .. و الوضع مره هادي .. يعلم الله لو اني جبت الأهل من البدايه كان أخذتها .. لكن بأجلس شهر و نص عزابي ... و ابحث عن الأرخص .. و الحضانه الله العالم انها قريبه 5 دقايق بالسياره .. لكن ما ادري هل هي حضانه أو لا ... ماني متأكد .


للإستفاده أكثر ادخل على ملتقى الطلبه السعوديين ببرزبن راح يفيدوك أكثر الشباب اللي بنفس جامعتك .. و اي خدمه نحنا حاضرين

السلام عليكم ياخ قرناس
انا ودي بها الشقة لكن تقدر تستناني لشهر فبراير وشكرا