مغتربه في عالم كوينزلاند ارجو المساعده

بسم الله الرحمن الرحيم
السلام عليكم ورحمة الله وبركاته

حصلت على قبول لغة وماستر من جامعة كوينزلاند للعلوم والتكنولوجيا

والتخصص في الماستر هو العلوم الرياضيه

مع اني حاولت البحث عن تخصصات أفضل مثل التفاضل والتكامل والمعادلات التفاضليه وفي الأخير قلت يلا اهم شي حاجه مطلوبه في الجامعه اللي اعمل فيها لكن الحمدلله قدر الله وماشاء فعل هذا اللي توفر مع انو جامعتي بالبدايه اعترضت عليه لكن هداهم الله ووافقوا وانا ماني مرتاحه لهالتخصص كثير لكن هذا اللي حصلت

المهم أبغى استفسر عن عدة أشياء::

كيف الجامعه من ناحية الدراسه حلوه ولا صعبه بالحيل؟؟

التخصص هل أحد عنده خلفيه عنه أبغى أعرف عنه أكثر من ناحية مستوى السهوله والصعوبه وهل فيه تخصصات أدق لما أدرسه أقدر أتخصصها ام انو هو تخصصي الدقيق؟؟

هل الجامعه فيها نظام كورسات ونظام بحث في الماستر وكيف اختار ولا هم يحددولي؟؟

أنا أحس نظام الكورسات أسهل وأسرع لكن هل أقدر أدرس دكتوراه بعد الماستر إذا اخترت نظام الكورسات لأني فيه ناس قالولي انك اذا بتكملي دكتوراه فأختاري نظام البحث أو الرساله أما الكورسات فما تقدري هل هالكلام معقووول؟؟

اذا حبيت اكمل دكتوراه لازم من نفس الجامعه ولا عادي <<<ادري بتقولون بدري على هالكلام بس ودي أعرف؟؟

هل اذا جبت معاي كتب رياضيات وانجلش من السعوديه يصادرونها ولا لا بأس؟؟

ــــــــــــــــــــــــــــــــــــــــــــــــــ ـــــــــــــــــــــــــــــــــــ

خلصنا من الأسئله الخاصه بالدراسه الحين نجي للإستفسارات الخاصه بالمعيشه:::



اولاً: الحجاب كيف وضعه في الجامعه والمدينه نفسها هل عادي البس عبايه لونها اسود ونقاب اسود وهل عادي البس عباية راس ولا الكتف احسن والسؤال هذا ابغى اعرف في الجامعه نفسها وفي المدينه بشكل عام؟؟

انا عندي طفل عمره سنتين نفسي اجيبه معاي بس خايفه عليه مادري كيف الأوضاع والحضانات الكويسه والحليب ودكاترة الأطفال انصحوني والله ما اقدر استغني عنه مع انو الاغلبيه يقولون خليه عند اهلك ابغى نصيحة مجربات؟؟

كيف الاجواء من ناحية البروده والحراره طول السنه عشان اللبس؟؟

وبالنسبه للسكن كيف الايجارات واسعارها هل هي مناسبه وكيف احجز سكن قبل ما اجي؟؟

اي صح بسألكم الحين هالجامعه وين تقع في برزبن ولا برزبن تقع في كوينزلاند فهموووني..

اسفه جدا جدا جدا عالإطاله بس وش نسوي مانعرف شي نهائيا عن هذا العالم



شكرا جزيلا مقدما لكل من يتجاوب او يمر في متصفحي

جزاكم الله كل خير

انتظر ردودكم