انا في برزبن اي استفسار حاضر طالب في qut

اول شي اشكر روحك الطيبه اخوي وهذا دليل على طيب اصلك ..

انا من ضمن المقبولين في برنامج خادم الحرمين المرحله الثالثه في استراليا

ماجستير تسويق // استراليا

وارغب بمدينة برزبن .. لكن عندي مشكله بالقبول ما ادري كيف احصله

إذا تقدر تساعدني علشاان اخلص اوراقي واجي بسرعه اكون ممنون لك ..

ومحتار بين جامعتين جامعة كوينزلاند و جامعة جريفيث طبعا حسب البرنامج الافضل ..

الله يعافيك اخوي ..

الله يوفقك
ابعد عن جامعه كوينزلاند صعبه و تطلب اختبار الايلس
عليك بجامعه جرفت سهله و مرنه و يحبها قلبك
للاسف تخصصي غير موجود في الجامعه لذا انا طالب في كوينزلاند للتقنيه
بخصوص القبول سهل جدا لو تروح اقرب مكتب يعطيك القبول و انت واقف
انا في كلفن جروف qut
القبول اما عن طريق الانترنت او عن طريق مكاتب القبول اللي في السعوديه كل الشغله بزنس
الله يوفق الجميع

مجود اذا ودك تراسل كونيز لاند كلمني على الخاص انا راسلتهم يوم الاحد الذي مضي ورسلولي قبول اليوم على البريد

هلا اخوي اتمنى انك تروح الى جامعه جرفث لان معهد qut كله سعوديين يعلم الله ان المستوى الاول في اللغه ان عدد الطلاب السعودييين ثمانيه من اصل تسع طلاب يعني الفصل صار ضحك و كلام عربي و لا تتوقع ان احد بيسال عنك و الا بيقول فهمت او لا
نصيحه من القلب لا تجي الا و لغتك قويه على الاقل تدرس سنه في الرياض مكثفه مع مدرسين
لان الغربه ما فيها دراسه فيها تطبيق
بتشوف طلاب كورييين و يابانين ماكلين القواعد و الرايتنج ما ينقصهم الا التطبيق
الغربه تراها شينه مره مره مره و خاصه اذا صارت اللغه ضعيفه
او ل ما توصل للمعهد يسوي لك تحديد مستوى اذا مستواك كويس يختصر عليك غربتك و يوفر وقت و نسبه النجاح تكون مرتفعه
طبعا يعتمد على عمرك و على جهدك بس صدقني تجي لغه ضعيفه ببتعب و بقوه تحتاج الى صبر
الغربه ملعونه الله يهون غربتنا و يرجعنا الى بلدنا ناجحين
من ناحيه الخطوط الاتحاد افضلها لانها مباشره او الامارتيه يمكن تجلس يوم في دبي طبعا على حسابهم
المبلغ الكاش يختلف معك عائله او عزوبي اذا كنت عزوبي مافيه مشاكل ممكن تسكن عند عائله ب 200 دولار او شير هاوس 150 دولار
اهم شي جب معك ملابس و جزم و كتب و دفاتر و شنطه ظهر او على جنب لان الاسعار هنا غاليه
الله يسهل امرك و امرنا

بخصوص المدينه مثل المكائن يعملون من الصبح حتى 5 عصرا كل شي مسكر
ايام الاجازات يوجد تجمع للسعوديين العوائل
برزبن في الاجازه السبت الاحد يشربون الاستراليين
طبعا لا تسمع لهم صوت و لا شي مثل الاصنام لا يتكلمون في الطرق و لاشي
الشعب في حاله لا يهش و لا ينش ما عنده اي سالفه انطوائين
اتوقع هم احسن من البريطانينن بس مو مثل الامريكان

ابوليان بصراحة حطمتني- انا جاني قبول من qut-rmit-نيوكاسل واخترت من الثلاث qut لغة مع ماجستير مالية بس صدمتني من ناحية عدد السعوديين معقول 8 من 9 سعوديين - انا لغتي اقل من وسط لاني درست في الرياض في المعهد المصرفي الى المستوى الثامن وجبت في التوفل 450 وبصراحة انا ودي بqutبس خايف من كثرة السعوديين حتى اني مقدم على جامعة سدني للتكنولوجيا وافكر لو جاني قبول منها اني اروح لها وش رايك لان جامعة رميت ونيوكاسل كلها مليانه سعوديين

أخوي aboليان الله يعطيك العافية بصراحة والله صدمتني من جد انا جايب قبول نهائي ودراستي في فبراير وإنشالله أموري خالصة بس حكاية المعهد هاذي بصراحة تضيق الخلق لو جيت واجتهد بإذن الله ماتكون اللغة سهلة وللدرجة هاذي كثرة السعوديين ياساتر .


بالله طمني ياشيخ وشكرا وإذا كان الشخص حريص وعنده قابلية للتعلم.

اخوي انا ان شاء الله قريب راح اجي برزبن

انا مقبول بجامعة قريفت it لكن احب اسالك عن السكن ايهم افضل

السكن مع عائلة او الشيرينج ؟؟

وهل سهل الحصول على سكن لاني بالصراحة محتااار مره وشايل له هم

لاكن يعن الله ان شاء الله