استفسار للخبراء في استراليا

أهم الأشياء اللي تحضرها معك وماتلقاها هنا بسهولة من وجهة نظري هي:

1- المستندات الهامة لك كلها جمعها في ملف وترجم اللي يحتاج يترجم للغة الأنجليزية لأنه ممكن تسأل عن أوراقك في أي جهة ما وماتلقاها مترجمة.

2- أهم شئ طبعا القرآن الكريم ويستحسن بتفسير ميسر خاصة أنه بتقضي أوقات كثيرة فاضي فتحتاج تشغل نفسك بشئ مفيد.

3- كتب متنوعة بالعربي أو بالأنجليزي في أي مجال تحبه (وأنصحك بكتاب الرحيق المختوم ففيه سيرة الرسول صلى الله عليه وسلم وتسرد السيرة باأسلوب مشوق).

4- حسابك في السعوية يكون جاري ومفتوح في حال حبيت تحول له في أي وقت.

5- قاموس عربي إنجليزي وإنجليزي إنجليزي وأشتر قاموس إلكتروني.

6- لاب توب وكاميرا تصوير.

7- خذلك جوالين في حال خرب واحد تلقى الثاني جاهز لأنه الجوالات هنا ماتدعم اللغة العربية ماعدى الأيفون.

8- شواحن الجوالات.

9- مقابس كهربائية للأفياش الأسترالية وخذلك ثلاثة أو على حسب مزاجك وتلقاها في ساكو ب 5 أو 10 ريال للحبة.

10- ملابس وخاصة أن الملابس هنا غالية.

11- العزبة (بيالات, فناجيل وترامس وقدر ضغط إذا أنت راعي طبخ) يعني جب عزبة بر كاملة معك عشان ماتحتاس هنا بالتدوير على كل حبة ويمكن ماتحصلها إلا بشق الأنفس أو تلقاها غالية.

12- البن (يفضل 5 كيلو درجة أولى بالخير وتحمسه بس ومن دون طحن لأنه الجمارك الأسترالية يدققون على المطحون كثير ويمكن يحجزونه عندهم بعكس البن العادي) والهيل (من المغلفات الجاهزات واللي عليها تاريخ صلاحية) والتمر السكري (مغلف تغليف حراري وعليه تاريخ صلاحية وإنتهاء) إذا تحب الكيف وطاحونة القهوة.

13- شطاف المياه وخذلك أثنين واحد تلقاه بساكو وإسمه شطاف المسافر وقيمته 75 ريال والثاني شطاف متنقل وتلقاه في السنيدي للرحلات وقيمته أتوقع بين 30 و 50 ريال.

14- ثوب وشماغ سعودي ومن الأشياء هذي لا إحتجتها في المناسبات أو الأعياد.

أتوقع هذي أهم الأشياء اللي من خبرتي يحتاجها أكثر الطلاب المبتعثين ويتندمون إنهم ماجابوها وتوصل بالسلامة وإليك روابط مواضيع فيها نفس تساؤلاتك وممكن تفيدك تفضل الروابط:

http://www.mbt3th.us/vb/forum13/thread135009.html

شــــنــــطة مــــبـــتـــعــــث [للمسافرين للمرة الاولى / احتياجاتهم / اغراضهم / كل] - منتديات شبكة الاقلاع ®
http://www.mbt3th.us/vb/forum128/thread325675.html

http://www.mbt3th.us/vb/forum128/thread267146.html

http://www.mbt3th.us/vb/forum8/thread92282.html

دعواتك وبالتوفيق.

صالح الغنيم

March 4th, 2012, 06:04 AM

رد مع اقتباس

7 "

استفسار للخبراء في استراليا