لسكان برزبن ضروري جدا .. الله يسعدكم

قبل أن اعطيك رأيي في المعاهد فيه نقطة حاب اوضحها لك ..
اللغة الانجليزية لا يمكن ان تتقنها اذا اعتمدت على المعهد ..
اذا ما اشتغلت على نفسك من دراسة وممارسة بعد ماتنهي الكلاس في المعهد .. أبداً ماراح تتعلم ..!!
المعاهد فقط توفر المواد .. والمواضيع اللي تساعدك في الدراسة ..
والباقي عليك اذا حاب تتقنها وتصير " فلته " في الانجلش ..

بالنسبة للمعاهد ..
معهد النافيتاس أحد معاهد الستي ( مركز المدينة ) ..
وهالمعاهد تمتاز فقط بأنها تطور عندك مهارة الكلام والاستماع ..
ومو فلاحة فيهم ..او لقوتهم في تطوير هالمهارتين .. لا !!
لان اغلب الطلاب المتواجدين في هالمعاهد جايين لـ " السياحة الدراسية " ..
وبالتالي سهل تكوّن صداقات معاهم ..
وبسبب احتكاك فيهم وخروجك معاهم .. غصب تتكلم انجلش .. وبكذا تتطور عندك مهارة الكلام والاستماع ..!
لكن مهارة الكتابة واتقان قواعد اللغة الله بالخير ..

عموما ..
خلاصة الكلام ..
معهد جامعة كوينزلاند ..
قبل ما اطلع لبريزبن قرأت عنه بعض المشاركات ..
والله يجزى بالخير اللي كتبو عنه ..
للامانة .. ان مالقيت احد يمدحه .. فماراح تلقى احد يذمه ..
معهد يطور عندك جميع المهارات ..
ومدرسين على اعلى مستوى ..( مع بعض الاستثناءات طبعاً )
الكلاس الواحد يدرسه ثلاث مدرسين في الاسبوع .. مؤكد راح تلقى الفايدة على الاقل مع مدرس واحد ..!!

Institute of Continuing & TESOL Education – ICTE-UQ - The University of Queensland, Australia
هذا موقعهم ..
والله يكتب لك اللي فيه الخير ..

بالنسبة للامور الثانية ترجع لك انت فين حاب تسكن ..
حاول تسكن بمنطقة قريبة من المعهد افضلك ..
ونظام المواصلات هنا جدا مريح ..

المعيشة في استراليا غالية ..
ولكن بريزبن اخفهم .. بنسبة بسيطة جدا ..
وحتى تكون مرتاح في المعيشة هنا ..
انت تحتاج الى مابين 12 الف الى 14 الف ريال عن كل شهر تقضيه في بريزبن .. شامل لكل شي .. دراسة ومعيشة وغيرها..!!
طبعاً غير التذاكر ورسوم الفيزا ..

موفق للخير ..

مشكووووووور وافدتني كثير بصراحة جزاك الله خير

اخوي بالنسبة للمعهد بـ 34 الف ريال لمدة 6 اشهر
وبالنسبة للسكن وجدت عائلة بـ 22 الف مع الاكل لمدة ست اشهر
والتذكرة ذهاب وعودة ب 8 الاف ريال
والتأشيرة في حدود 2000 ريال

وش راياك لو اخذ معي 2000 ريال شهريا في حسابي غير المذكور في الاعلى ؟؟

هل يوجد طلبات اخرى غير المذكور في الاعلى وجزاك الله الف خير

كل اللي ذكرته معقول ..
اما بخصوص المصروف الشهري .. هذا حسب صرفيتك انت ..
لكن بحسب لك الصرفيه بالمعقول ..
بالنسبة للمواصلات : اذا كنت ساكن بنفس منطقة المعهد ( الزون ) .. اسبوعيا راح يكلفك 35 دولار .. 140 دولار شهريا ..
وقد يكون اعلى من هذا السعر كل ماكنت ابعد عن منطقة المعهد ..
بالنسبة للاكل :
بالنسبة للغدى أكيد حتكون وقتها في المعهد .. وبتطلب وجبة غدى لك ..
والمتوسط تقريباً 15 دولار ( ممكن أقل وممكن أكثر .. حسب نوعية اكلك ) وهذي للخمسة الايام اللي راح تداوم فيها .. وتطلع عليك 75 دولار في الاسبوع .. 300 دولار في الشهر ..
هذا غير حسبة الويك اند والمتطلبات الشخصية .. والترفيه و الجوال وغيره .. !!
عموما حتى تكون مرتاح وتصرف بدون ماتضغط على نفسك .. أشوف ان 800 دولار مصاريف شخصية كافيه في الشهر .. وانت وشطارتك في التوفير منها ..
800 دولار .. على حسب سعر صرف اليوم وهو 3.62 ريال ..
الاجمالي .. 2900 ريال شهرياً ..

بالنسبة للسكن ..
لو ترسلي على الخاص منطقة سكنك بالضبط ( رقم البيت واسم الشارع والحي ) ..
حتى اشوف اذا كان مناسب لك من حيث التنقلات او لا ..
والله يسهل لك امورك ..
موفق ..

السلام عليكم
اخوي الكريم في البدايه الله يوفقك ويوفق جميع الطلاب
وبخصوص معهد نافيتاس انا بصراحه درسة فيه شهرين المعهد جيد لمهارات التحدث ونوعا ما للقراءة ولكن الكتابه فاشل جدا جدا الي درجة ان الشهرين اللي قضيتها فيه ما كتبنا الا موضوع واحد وبعد الحاح شديد على عليهم من قبلي وبعض الاخوه الراغبين في الدراسه بالجامعه والموضوع كان كيف تكتب ايميل يعني بس يسكتونا واذا تبي معهد ممتاز فيه مهارات القراءة والكتابه الاكاديمه انا اشوف معهد جامعة كوينز لاند للتكنولوجيا ممتاز جدا صح انه ضغط نفسي في المعهد ولكن بصراحه هم مركزين على المهارتين هذي لانه هي اللي تحتاجها بالجامعه ومهارة التحدث هذه تعتمد عليك وعلى ممارستك للغه مع الاخرين لانه ما راح تقدر تطور مهارة التحدث الا بالممارسه مع الاشخاص الاخرين .
وبخصوص السكن انا اشوف وبحكم تجربة بعض الاخوان العوائل نادرا ما تجد عائله تستفيد منها و تعتبر حظوظ بصراحه لانه كثير شباب ما مدحو العوايل ولكن ممكن تسكن في شير هاوس وهذا يكون عباره عن منزل وفيه كم غرفه وفيه طلاب من جنسيات مختلفه ولكن لا يوفر لك الاكل المجاني من ضمن الايجار وانما انت اللى تطبخ وتغسل ملابسك وكل شي انت تقوم به لوحدك وانا اشوف انه افضل شي بصراحه ,
وبخصوص المعيشه تعتبر غاليه ولا استطيع ان احدد لك مصروف معين لانها تعتمد عليك وعلي طريقة صرفك وانا اتكلم عن نفسي ومعي عايلتي وبصراحه اصرف كثير من ايجار وانترنت وجوال ومصاريف كهربا وغاز وماء وترفيه حوالي 5000 دولاار بالشهر .

اتمنى اكون افدتك بالكلام اللى قلته واعتذر عن الاطاله واتمنى لك التوفيق