جاي سياحية وابغى افضل المنتزهات في سيدني

اخوي الكريم ... ارسلت لك رساله خاص بخصوص الاكومديشن ..

الاماكن الحلوه بسدني :

- منطقة السركل كي ... وهذي الي فيها الاوبرا هاوس ,, ومنظقة الروكس المكتضه بالمطاعم والمقاهي الجميله .
وانصحك تروح لـ pancake المووجود هناك وهو 24 ساعه محل وجبات وكيك جميل جدا .

- شاطئ مانلي ... من اجمل الشواطل الموجوده بسدني وتروح له عن طريق استخدام الفيري من منظقة السركل كي ياخذ نص ساعه تقريبا ... بس جميل جدا ويستاهل . بس عاد الله يعينك على البرد .

- دارلنق هاربر ... ميناء المحبين . وهو ميناء جميل ومنطقه رائعه فيها سوق جميل ,, وحولها بعض الانديه الليليه . وستاربكس وجلسات على الميناء والعاب للاطفال .

- حوض الاكورايم ... وهذا موجود بالدارلنق هاربر ... وفيه عرض للحيتان والاسماك جميل جدا ..

- حديقة الحيوانات ... ترونقا زووو ... حديقه جميله كبيره جدا ... يبغالك تروحها من الصبح عن طريق الفيري من منطقة السركل كي .. 10 دقايق ... بس يبغالها يوم من الصبح ... واذا دخلت الحديقه احرص على انك تاخذ الخريطه وفيه كل ساعه عرض معين لا يفوتك هو احلى شي خصوصا عرض الفقهم ... وعرض الطيور ... جمييييييييييييل جدا . وافتكر ان عرض الطيور على الساعه 12 والفقمه بعدها على طول . وفيها مطاعم وكفايهات بالحديقه ولكن ممنوع التدخين...

- مونا بارك ... . ملاهي للبزراين اذا كان عندك عوائل واولاد مناسبة جدا ... ماهي كبيره مره بس معقوله وماهي بطاله . وتروح لها من السركل كي برضه ...

- منطقة البونداي ... منطقة جميله ويسكنها غالبا اليهود والطبقه العليا (الريتش بيبول) فيها سوق جميل جدا وبامكانك تروح للشاطي عن طريق الباص من هناك شاطي اسمه شاطي البونداي جميل جدا ايضاً .

- محل جميل اسمه max burner محل طبعا عباره عن مقهى شوكلت جبار ... قريب من منظقة السركل كي .


هذي غالب الاماكن ولو افتركت شي رجعت كتبتها لك ... موفق وانجووووووووووووووي ذا هولدي على قولهم.

لبى قلب سيدني ياناس

واذا تقدر تتأجر سيارة في مكان يبعد عن سيدني تقريبا ساعه اسمه ( كياما) مكان راااااااااااائع بصراحه


موفق