جامعة مكواري يا اهل الخبره

هلا والله كنق الشمال

لا الجامعه ممتازة جدا

بس وانا اخوك باقي مادخلت باذن الله مارش الجاي

والمنطقه واصلها القطار وهي بشمال سدني ومافيها عرب واجد بس المنقطقه جميله وفيها سوق كبير
وحلوة ومن ناحيه السكن والله ما افيدك انا ساكن بمنطقه بعيدة عنها
والله يوفقك

انت من وين من الشمال

هلا اخوي

أنا إن شاء الله بعد أسبوع تبدأ دراستي في جامعة ماكواري ( تخصص ماجستير ) .

انا ساكن بأقرب منطقة على الجامعة تقريبا

الجامعة تقع بمنطقة اسمها NORTH RYDE

انا العائلة اللي ساكن عندهم في الـ ( RYDE )

فيه شوبينج سينتر خاص بهذه المنطقة , جديد و كبير , و شي نظيف .

بالنسبة للمسافة , فيه باص واحد , يوديك للجامعة يعني بين الـ 10 دقايق إلى 20 دقيقة , يعتمد على الزحمة و الوقت اللي بتطلع فيه .

بالنسبة للجامعة , انا امس خذتلي فرتين فيها .

كبيرة جدا و حلوة

اعتبرها ممتازة جدا , يعني مناظر حلوة , كلها خضار و نوافير .

مباني قديمة بس بطراز جديد , ما ادري اذا فهمت قصدي .

فيه مطعم داخل الجامعة و مطاعم سناكس , حق الفطور و الغدا و كذا .

فيها وكالة طيران , و فيه مكتبة قرطاسية ( ادوات و اقلام و الخ .... ) .

فيها أيضا مكان كبيييير مرة , فيه كراسي و اشجار , جدا رائع .

و فيه محلات حق الباصات ( يعني تشتري منها التيكيت ) , و طبعا فيها محطة عشان ينزلك الباص فيها و تطلع من عندها بعد .

فيه قدام الجامعة مجمع كبيييييييييييييييييييير مرة اسمه ( ماكواري شوبينغ سنتر ) , تقريبا 7 دقايق مشي من الجامعة للمجمع .

في هذا المجمع تحصل كل شي , من الألف إلى الياء .

يعني اللي بيسكن مثلا بسكن الجامعة , أو بنفس الحي حق الجامعة اللي اهو ال ( NORTH RYDE ) , ما يحتاج أبدا أنه يروح السيتي ( الداون تاون ) .

و فيه سينما أيضا في المجمع نفسه .

و فيه هناك محطة قطار , و محطة باصات .

بالنسبة للمطاعم اللي في المجمع , طبعا ما ادري عنها كلها و لا لاء , بس الظاهر كلها , لما يكون معاك بطاقتك الجامعية , يعطونك بيبسي ببلاش , بتضحك انت تقول اصلا البيبسي رخيص , 3 دولار , تجمع تراها .

هذا اللي اعرفه لحد الحين .

بالنسبة للمعهد , ( أنا لازم أدرس 20 أسبوع انجليزي قبل ما أبدأ الماستر ) :
رحت لهم و رزيت وجهي , قالولي تعال يوم بداية دراستك .

فيعني ما عندي فكرة كافية عن المعهد و لا عن الجامعة من الناحية الدراسية .

بس اللي اعرفه انه ترتيب الجامعة على استراليا ( التاسعة ) , و احتمال في التصنيف القادم , تكون ( الثامنة ) .

بالنسبة للسكن , تتراوح الأسعار حسب ما فهمت .

يعني أنا ماخذ غرفة عند عائلة , بـ 1000 دولار بالشهر , تشمل فطور و عشا , حمام مشترك , و طبعا بإمكانك أنك تستخدم التلفزيون و تقعد مع العائلة و عادي .

و فيه عوائل على حسب ما فهمت تستقبل متزوجين , بس ما ادري عنهم بالضبط .

المكان اللي انا فيه , يملك ميزة رهيبة , انه هادي جدا , مافي زحمة ناس .

و 80 إلى 90 % من اللي ساكنين الحي ( استراليين + نيوزلنديين ) .

يعني قليل حتى تحصل عوائل غريبة عن المنطقة .

العرب هنا قليلين جدا مقارنة بغير مناطق .


____

طبعا هذا اللي عرفته من خلال أسبوع واحد بالضبط .

و إن شاء الله أكون أفدتك باللي أقدر عليه

و اذا بغيت تستفسر عن شي معين , أو تبيني أسألك عن شي , إن شاء الله بكون بالخدمة


تقبل أطيب التحيات

أخوك ( أحمد )

Alfamous الله يعطيك العافية ماقصرت مشكور يا الغالي
أخوي أحمد كمال وجمال كفيت ووفيت الله يعطيك العافية ماقصرت والله معلومات شامله ومفيدة ويا عسانا ماننحرم منكم ومن أمثالكم النشامى أنت والفاموس .
أنا من تبوك أخوي الفاموس والتشرف بمعرفة الناس الطيبين أمثالك .أنا حاليا في كانبرا في اخر مستوى في اللغة في المعهد التابع لجامعة كانبرا UC وكنت خايف اني ما اجتاز المستوى قبل الاخير في هذه الجامعة وعشان كذا فكرة جديا في النقل الى مكواري بس الحمد لله الامور مشت على احسن ما يرام ولله الحمد . وايضا سمعت ان جامعة مكواري تقبل شهادة اللغة التابع لجامعة كانبرا عشان كذا احتمال النقل الى مكواري باقي معي ان شاء الله لدخول جامعة مكواري ماستر .
اكرر شكري لكم الفاموس و مجرد انسان >>>(حقيقة انت لست مجرد انسان بل انسان عظيم حفظك الله ورعاك وفقك في دراستك ).