استفسار مخالفة الوقوف الطويل في الشارع ، لماذا علي تسديدها ؟

اخي الكريم ... المواقف لو اجتزت الفترة المسموحه لو ساعتين مثلاً وجلست اكثر من ساعتين اكيد راح يعطونك مخالفه ..
اذا كنت بتتاخر ممكن بعد ساعتين تخرح تغير الموقف حق السياره او توقف في الجهه المقابله ... او فيه طريقه اخرى لو مرو الـ ranger الي هم يشيكون ع المواقف ,, المره الاولى راح يحطون طبشوره ويكتبون الوقت على احد كفرات السيارة من فوق ويضعون كم علامه بالطبشوره البيضاء .. تفقد آطارات السيارة ... اذا شفت هيك علامه بس حركه السياره شوي قدام او وراى بحيث تختفي العلامه ...


لو تجاهلت المخالفه راح يرسلون لك المخالفه ثاني ,,, وثالث مره راح يرسلون لك final bill
في حالة انك تجاهلت اخر مخالفه ... راح يجيك دعوة للمحكمه .. بتاريخ ووقفت فلاني ,, وعاد المحكمه الله يعينك توقف يوم كامل تنتظر دورك لانه فيه مليون واحد هناك .. وراح يسحبون رخصتك 3 شهور .. ويدبلون المخالفات .

فانسى انك تتجاهل المخالفه ....


فيه خيار موجود بالمخالفه ... وهو عباره عن تسديد مبلغ او جزء بسيط من المخالفه ... يعني تقسط عليهم المخالفه وهذا حل ممتاز .. اقرا المخالفه ستجدها موجود باحد الصفحات...

فانسى حكاية انك تسحب عليهم ... هذول ماهم اوبتس ولا فودافون ... والله يعينك ويوفقك ان شاء الله

ما اعتقد فيه احد مجرب كلنا ندفع المخالفة من اول او ثاني رسالة لهم

لانه بلد مو بلدنا وجايين دراسة وبنرجع ان شاء الله وما نبي شئ يعكر هدفنا من الجية هنا

فادفع والله يعينك

اخي الكريم

من الافضل تسديدها وعدم تجاهلها

وحسب معرفتي وبالاصح خبرة مع احدالزملاء

تم ايقافنا من قبل الشرطه وطلبوا منا ايقاف السيارة وعدم تحريكها نهائيا وذلك بسبب عدم تسديد غرامة سابقة على صاحبي ادت الى ايقاف ترخيص السيارة ((المشكلة المنطقة التي تم ايقافنا فيها لايوجد فيها سيارات اجرة ورفضت الشرطه ايضا توصيلنا الى اقرب مكان نستطيع فيه ايجاد تاكسي والحمد لله تم الاتصال باحد الزملاء وفزع لنا))

عموما ان عدم تسديد اي غرامة يجعلها تتضاعف اضافة الى احتماليه ايقاف الترخيص لسيارة واذا بتسالني وش دخل الترخيص يوقفونه اقولك لان اكثرنا معه الرخصة السعودية يعني ما تنقص نقاط وما تتلغي الرخصة ولا تحرم من القيادة لمدة معينه وغير ذلك من الجزاءات

دمتم بود واسال الله العلي العظيم ان يكفناهم وان يردنا الى اهلينا سالمين غانمين

أشكر الجميع للتفاعل ...

أنا حريص على عدم تجاوز المدة ، حتى ان في أغلب الأحيان عندنا أرى أن مدة وقوفي ستتجاوز الوقت المسموح كنت أخرج من الجامعة إلى السيارة لأيجاد موقف آخر في شارع آخر و أعود للجامعة مع أن عملية تغيير الموقف يأخذ مني حوالي النصف ساعة لبعد موقف السيارة عن قاعات الجامعة

الله المستعان على هالبلاد النظام حلو و أكيد ما أحد يزعل منه إذا كان يطبق على الجميع و بالتساوي .
مو مثل بلادنا الله يصلحها ، كلما سمعت شخص تلقى مخالفة هناك قالوا له أصحابه روح كلم فلان عنده واسطة في المرور

الشكر للجميع للتفاعل