استفسار ما الفرق بين Master in IT و Master in IT extended في جامعة UTS

بشكل عام اللي اعرفه ان الاكستنديد يعني غالباً زيادة فصل دراسي واحد وتكون فيه مواد أكثر وبعض الجامعات الاستراليه تضع امامك خيارين لدراسة الماستر ام انك تاخذ البرنامج العادي او الممدد وهالشي يعتمد على توجهك والكورسات اللي في البرنامج الممد

فلازم تتطلع عليهم وتقرر وش الانسب لك

وبالتوفيق

أخي الكريم

اللي اعرفه البرنامج المطول لغير المتخصصين في مجال الحاسب الآلي هذا اذا كان تخصصك في البكالوريوس غير حاسب الي
لكن اذا كان تخصصك حاسب ما تحتاج البرنامج المطول تأخذ البرنامج العادي

تحياتي لك

عمي انا طال باليوتي اس وقبولي حاليا المطول (اكستندد)وغلقت ترم ولله الحمد
لفرق يا طويل العمر ان العادي سنه ونص تدرس فيها 12 ماده الاكستندد زياه ترم واحد يعني 4 مواد زياده صار المجموع 16 ماده
طبعا 8 مواد كور (اساسيه) لازم تدرسها والبقيه اختياريه انت تختار من مجموعه من المواد سؤاءا 4 مواد للعادي او تختار 8 مواد للاكستندد

هذا الفرق فقط وفقط وفقط في ناس يقولك انا والله ابي ادرس مثلا شبكات واتعمق فيها فاخذ 8 مواد اهتياريه في الشبكات وبكذا يصير معاي ماجستير تقنية اي تي وشبه متخصص بالشبكات او ملم بالشبكات تقريبا

ومثل ما قالوا الاخوان الي بكمل ماجستير مو نفس التخصص ياخذ سنتين

شوف نصيحه مني لك عشان ما توقع بنفس وقعتي وتحتار
شوف المواد الدراسية الى تعطيها الجامعه واقرا الشرح حق كل ماده وشوف وش المواد الى تبي تاخذها وسوي لك خطه حق 4 اترام عشان لا تحتار كل ترم وش تنزل مواد ... << طبعا هذا اذا تبي تاخذ الاكستندد

تقدر تشوف المواد عن طريق UTShandbook

بصراحه انا ما اشوف ان في فائده انك تاخذ الممدد الى اذا عندك خطه دراسيه ومواد تبي تتعمق فيها وعشان كذا شوف المواضيع الى انت تبيها هل هي موجوده ولالا وبكذا تتضح لك الصورة باذن الله


دمت بود ،،،
تحياتي

زي ماقالوا اخواني اذا الماجستير امتداد لتخصصك في البكالوريس خذ عادي

ماله داعي الممدد الا اذا مغير تخصص الى حاسب فيفضل تاخذ الممدد عشان اذا رجعت يعادلونه لك ماجستير

الاخوان wide vision و f101 و almwar3i و pJLcJI جزاكم الله خير على الردود

الحمد لله جاني الضمان المالي لكن عندي استفسار

مكتوب في القبول المبدئي وتوني لاحظتها بأن مدة الدراسة هي سنة ونص وان الجامعة عملوا
Recognition of Prior Learning (RPL) granted
وهي ترم واحد وبعدها عطوني مدة الدراسة بعد RPL سنة واحدة فقط

الان ما هو Recognition of Prior Learning (RPL) granted اللي فهمته أنهم قاموا بمعادلة بعض المواد التي درستها من قبل؟

وكيف اعرف المواد المعادلة؟ وشكرا

حبيبي هم عملولك معادله مثل ما تقول بالضبط
طبعا عادلو لك 4 مواد وهي
business application development
data base
enabling enterprise
lans & routing

اذا غلقت الماجستير في سنه وحده ب 8 مواد لمن ترجع السعوديه رح يعادلونه لك ع اساس انه دبلوم عالي فانت المفروض تسوي زي كذا

يوم تجي وقت الاوريانتيشن للجامعه الى هو وقت التسجيل رح يقلون لك الجامعه احنا عادلنا لك 4 مواد تحب اننا نخليها ولا تبي تدرس منها طبعا انت قلهم لا ابي ادرس اثنين عادلو لي 2

ادرس الانز والراوتنق طبعا ماده مو سهله ماده شبكات يبغالها شغل مرررررررررره ولكن مرره ممتاز انك تاخذها لانها مفيده تعطيك مبادي في الشبكات وكذا او اي وحده فيهم اذا تبي سهله خذ الداتا بيز

فبكذا انت رح تدرس 9 مواد

قسمهم ع 3 اترام كل ترم ماده بكذا غلقت في سنه ونص ويعادلونه لك ماجستير لانه مو 8 مواد صار 9 يعني العب عليهم

انا انصحك طبعا انك تشوف لجنة المعادلات وتسالهم لكن الكلام الى اقوله لك خوياني مسوين زي كذا وماشيه الامور تمام التمام

والله توني أدري على هالمعلومة الله يجزاك خير طيب

ولي عودة معك اخوي

السلام عليكم
حياكم الله جميعا انا حالتي مثل حال الاخ الانيق 2008 بالضبط

اذا كنت بأقسم على ثلاث اترام عدد الوحدات الدراسية حتزيد بدل ما كانت 48 حتكون 72؟؟؟؟
أتمنى الاجابة

حبيبي

الماده هي ب 6 وحدات وانت رسميا كطالب "فل تايم" لازم تاخذ 24 وحده كل ترم يعني لو اخذت اقل رح يصير لك مشكله "بالايميقريشن"

لكن بما انك عندك فيزا صاله وكافيه لمدة الدراسه فماعليك لانهم مايسألون الى وقت التجديد ومو شيء كبير او يدعوا للقلق

وبما انك في الاصل الماجستير تبعك سنه نص اي 72 وحده فدراستك فعليا سنه ونص 3 اترام

وانت تبي تعادل منها 3 مواد اي 18 وحده

اي عدد الوحدات الي لازم تغلقها كالتالي 72 - 18 = 54 هذا المطلوب انك تغلقه

فبالتالي رح تاخذ 4 ثم 4 ثم 1 وبرضه ماده في الترم الجامعه ما تقبل اصلا

عشان كذا انت تصلح الحركه هذي وتاخذهم 3 مواد كل ترم بمعدل 18 وحده كل ترم

18 * 3 = 54 وبكذا ماجستير باذن الله

هذا الي اعرفه ولكم التحيه والشكر

دمتم بود