الأعضاء الإشتراك و التسجيل

الملتقيات
ADs

حوار فضفضـة >> أدخل وفضفض وفرفر وفرفش .. نبي الكل يشارك

حوار فضفضـة >> أدخل وفضفض وفرفر وفرفش .. نبي الكل يشارك


NOTICE

تنبيه: هذا الموضوع قديم. تم طرحه قبل 4661 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الفتى الألماسي
    الفتى الألماسي

    مبتعث مستجد Freshman Member

    الفتى الألماسي أستراليا

    الفتى الألماسي , ذكر. مبتعث مستجد Freshman Member. من السعودية , مبتعث فى أستراليا , تخصصى علوم بيئية , بجامعة Macquarie University
    • Macquarie University
    • علوم بيئية
    • ذكر
    • سيدني, نيوساوث ويلز
    • السعودية
    • Sep 2010
    المزيدl

    June 25th, 2011, 04:23 PM

    السلام عليكم ورحمة الله وبركاتهـ

    يالله إنك تمسيهم وتصبحهم بالنور والسرور .. دقيقة بس وأجيكم

    فررررررررررررررررررر >> يعني يجري جهة المطبخ >> القهوة ياوررع

    حياكم الله وبياكم .. كيفكم جميعاً عسى الجميع بخير .. كيف الدراسة وكيف الأجواء وكيف

    البرد !!

    حبيت من خلال هالموضوع نجتمع كلنا أبناء السعودية المبتعثين وبالأخص في ولاية نيو ساوث

    ويلز .. ونفضفض بهالموضوع ونفرفر ونفرفش .. اللي طفشان واللي يبي يسأل واللي يبي يستفسر

    واللي يبي يفضفض .. فبنخلي هالموضوع زي المرجع .. وفوق كل هذا من ناحيتي بخلي هذا الموضوع

    زي اليوميات بالنسبة لي .. وراح أحاول قد ماأقدر أنزلكم صور وتقارير .

    في البداية معاكم أخوكم / محمد بن كذا بن كذا الـ كذا

    مديني طبعاً يالبى أهل المدينة .. ولا تهون بقية مدن المملكة .. أدرس بسيدني بجامعة ماكواري طبعاً توي

    عليمي لغة إنجلش هههههههههههه لكن ماشاء الله أنا من الناس اللي أتعلم بسرعة ولي فوق الشهرين

    الحين وماشي تمام الحمدلله .. طبعاً أنا طالب ماستر علوم بيئية >> هذا بما يخص شخصي الكريم .


    الحياة في سيدني بصراحة بشكل عام رااااائعة جداً .. سواء من ناحية السكان أو الجو أو الدراسة .. أماكن

    تفتح النفس .. يمكن العيب الوحيد الأسعار مرتفعة والدولار الأسترالي طاير بالسماء يامال البلا .. واحد يصيده

    يخليه يطيح بالأرض .


    عجبني شيء واحد بصراحة .. إنه عندهم مختلف الأعمار مثل بعض .. يعني الشايب تلاقي حياته زي الشاب يطلع ويروح

    ويجي .. يعني شايب كول .. والله كنت بصورلكم صور من بعض المطاعم .. عجوز إن ماخاب ظني يمكن عمرها 70

    ماشاء الله برجر وبيبسي وحركات وكووول وفالتها .. مو مثل عندنا للأسف بالسعودية .. تلاقي الشياب والعجايز لا وصلت 70

    ولا 60 تلاقيها تصارخ في البيت بموووووووت بموووووووت واااااااااا واااااااا >> تقول واحد مهددها بمسدس هههههههه .

    وفي النهاية بعد أمر الله تموت من الوهم ههههههههههه .



    أحب أطلع أتمشى بس ماأحب أطلع لحالي .. عندي أصدقاء .. بس الأغلبية منهم عوائل وصعبة كل شوي ناقزلهم وطالع

    معهم .. لأن وراهم أهل وصعب يتركونهم أو مايتمشون معاهم .. طبعاً أنا لحالي ماغير ساكن مع عائلة وما غير التسدح

    في البيت على النت والتلفزيون ههههههه .. مليت من وجيه العائلة أبي أطلع أبي أتمشى في الويك إند .




    دقيقة بطلع فوق أشوف طولت بالكتابة ولا لا >> فرررررررررررررررررررر >> يعني يجري طلع فوق



    أوووووه أوووووه >> تعبت عطوني مويه


    يوووووووووووو اش كثر كتبت هههههههههههه .. شكله ما أحد بيقرأ الموضوع ههههههههههههه .


    ماأطول عليكم حبايبي .. الموضوع للفرفشة والفضفضة واللي عنده صور ولا شيء يسدحها هنا .. واللي

    يحب الفرفرة في وشسمه أستراليا يكلمني عشان ما غير أعزمه على مندي ولا بروست >> يحسب نفسه بالسعودية .

    وتكفون أدعولي أنضم للبعثة أموري كلها تمام الحمدلله .. بس لا زلت على حسابي الخاص .



    أطيب تحيـــــــه للجميع .
  2. أفاااا ياذا العلم حتى قهوتي تركتوها

    مشاهدات ولا رد واحد .. ياشباب تكفووون اللي عنده خبرة يطمننا

    في انضمام ولا مافي ؟؟؟

    أنا لي شهرين ونص بأستراليا وعلى حسابي وفاتح ملف بالملحقية

    وأوراقي وصلت للوزارة وبعدين رجعت للملحقية ثاني يوم الجمعة ولحد

    الآن مافي رد ؟؟ تكفوووووون طمنوني .
    7 "
  3. طول بالك وان شاء الله يضمونك بس عليك بالدعاء والالحاح بالدعاء وبأذن اللله راح تلتحق والله يعينك علي مصاريف سدني وبخصوص معهد سدني أنا دراستي ٢٨الشهر الجائ بالمعهد والله يسهل علينا وعليك وترا نفس الجامعه. See you soon
    7 "
  4. هلا اخوي محمد
    حبيت اسألك بما انك ساكن مع عائله هل استفدت من العايله كاتحدث معهم في اي وقت تريد ام يكون بينك وبينهم وقت للتحدث يعني بالضبط كم عدد الساعات التي تتحدث معهم في اليوم
    وهل انت حاسس بالحريه او تحس بقيود وانظمه مع العائله
    وشكرا على الموضوع الجميل
    ابو مهند جامعة uws
    ,;وشكرا
    7 "
  5. يالله إنك تحييهم .. ياهلا ويامرحبا باللي دخلوا موضوعي ونوروني

    شاهي ولا قهوة ياشباب ؟؟

    الله يوفقنا جميعاً وننضم بأسرع وقت ياااارب .. لأنه بجد المصاريف هنا

    بسيدني عالية .. والله يكون في العون .. وتوصل بالسلامة ياااارب وبإذن الله

    نتقابل بالجامعة .


    بالنسبة للسكن مع عائلة .. إنت ماتقدر تحدد .. لأنه كل عائلة مختلفة عن الثانية .. بس

    بكلمك عن العائلة اللي ساكن عندهم .. بصراحة عائلة رائعة جداً .. وأنا عايش معهم بجد

    وبدون مبالغة معاملتهم لي كأني أحد أبنائهم .. أهرجهم وقت ماأبي .. وأجلس معاهم وقت

    ماأبي عادي يعني .. وبالنسبة للتحدث من الممكن بأن تواجه صعوبات في البداية ولكن

    بعدين كل شيء يصير تمام .. بالنسبة للقيود والأنظمة .. بالعكس يمكن لو تتقيد فيها

    لمصلحتك إنت .. زي مثلاً يقولوك إذا طلعت حاول ترجع قبل 10 ونص بالليل لأنه آخر

    الليل الدنيا خطر .


    وأي سؤال ثاني أنا حاضر .



    ياللييييييل يالبرد هههههههههه .
    7 "
  6. وعليكم السلام يالله حي اخونا محمد هع

    كيفك وش اخبارك ؟؟ ان شاء الله تمام

    كيف مستوى الدراسه هناك تحس فيه فرق عن هنا خخخخ اكيد فيه فرق الارض عن السماء لووول

    بس حبيت اسئلك كم صرفت حتى الان ؟؟ مصاريف رسوم سكن الخ وياليت تفصل كل شئ لحاله يعني كم كلفك السكن والدراسه الخ ..
    7 "
  7. يالله إنك تحييه .. ياهلا ومرحبا باللي نور الموضوع .. عليك بسيدني والمندي

    جاهز عندي ههههههههه .. بالنسبة للدراسة من جد مافي مقارنة .. الله يخلف

    بس على تعليم السعودية .


    بالنسبة للصرف بصراحة أستراليا غالية جداً .. وماأبالغ لو قلت الحين لي شهرين ونص

    صرفت مايتجاوز الـ 60 ألف .. بس تراني أنا مدلع أصرف كثير وماأسكن إلا بأحلى الأماكن

    وماأشتري إلا أحلى الاشياء هههههههههه .. يعني تقدر تقول لو تكون شوي ماسك يدك وماتصرف

    كثير بإذن الله تكفيك ميزانية أقل من اللي ذكرتها .

    السكن تقريباً في سيدني مابين 150 - 320 دولار أسبوعياً .. هذا بالنسبة للفرد الواحد .

    المعاهد تأخذ بالسعودي على الأربع أشهر تقريباً من 20 - 30 ألف سعودي على حسب المعهد .

    المواصلات تقدر تقول القطارات والباصات أسعارها معقولة .. لكن التكاسي غالية جداً .

    ايش كمان ممممممممم الأكل فيه مطاعم رخيصة وفيه مطاعم غالية .

    التسوق عامة مو غالي ولا رخيص بس أقرب للغلا من الرخص هههههههه .. يعني الأسعار

    نص ونص .


    وأي استفسار ثاني أنا حاضر .



    يالله إنك تحييهم .. المندي ياورع >> وقت غداء هههههههه

    >> والله مالك غير البرجر .



    شكلي بتصل على أهلي وبقولهم أرسلولي عن طريق DHL صحن مندي

    ونص بروست مع حمضيات هههههههههههههه

    >> عاد الحمضيات فقدته هنا مافي .

    بس حبيت بيبسي ماكس .
    7 "
  8. لاتكثر بيبسي ترى يضرك <<< لاتسوي فيها عاد امه وتجلس تنصح هع


    ترى ببسي استراليا اصلي موب نفس الي عندنا لمن رجعت السعوديه خذ معك كرتونين هههههههههه

    وبخصوص المندى احلم يكون عندكم مندي << جاي تكايده يعني خخخخخ

    واذا الدعوه 60 الف خخخخخخخخ انا ميزانيتي ماتوصل 60 الف هههههه الله يفرجها بس

    ومو رايح لسدني بروح لولاية كوينزلاند وتحديداً مدينة Brisbane

    ناس كثير تمدحها لي وان شاء الله انا الحين انتظر القبول ويعادلون لي مواد في جامعة الــ QUT

    الا ياخوي بسئلك كيف تشيل فلوس معك ؟ هل فيزا الراجحي تمشي هناك ؟؟

    والالحاق كيف اموره والاوضاع الاقتصاديه والمزاجيه للملحقيه خخخخخخخخخخخخ
    7 "
  9. المشاركة الأصلية كتبت بواسطة دبلوم صيدله
    لاتكثر بيبسي ترى يضرك <<< لاتسوي فيها عاد امه وتجلس تنصح هع


    ترى ببسي استراليا اصلي موب نفس الي عندنا لمن رجعت السعوديه خذ معك كرتونين هههههههههه

    وبخصوص المندى احلم يكون عندكم مندي << جاي تكايده يعني خخخخخ

    واذا الدعوه 60 الف خخخخخخخخ انا ميزانيتي ماتوصل 60 الف هههههه الله يفرجها بس

    ومو رايح لسدني بروح لولاية كوينزلاند وتحديداً مدينة Brisbane

    ناس كثير تمدحها لي وان شاء الله انا الحين انتظر القبول ويعادلون لي مواد في جامعة الــ QUT

    الا ياخوي بسئلك كيف تشيل فلوس معك ؟ هل فيزا الراجحي تمشي هناك ؟؟

    والالحاق كيف اموره والاوضاع الاقتصاديه والمزاجيه للملحقيه خخخخخخخخخخخخ
    60000 بشهرين ونص كثيرة عموما صرفيات الناس مو زي بعض
    من خبرتي البسيطة تقدر تسجل في معهد 5 شهور بمبلغ لا يتعدى 15000ريال
    المواصلات اذا انت في الستي تقدر تمشي والباص ارخص من الترين
    قيمة تكت الباص ل10مرات 16$ و غالبا تاخذ اسبوع منك
    الاكل من برا 10$ لوجبة وحدة
    الكوفي 3 الى 4 $
    افضل اسعار السوبرماركت كولز
    وبالنسة الي ميزانيته محدود افضل انه يطبخ
    السكن الغالب من 250$ شيرنغ اول لحالة 450$ طبعا في الستي
    بصفه عامة و الاقتصادي يقدر يمشي اموره بميزانيه 60000ريال الى 70000ريال في 5شهور
    مع قليل من الترفيه ايضا بس من غير شوبينغ

    بالتوفيق والله يكتب لنا ولكم مافيه خير لديننا ودنيانا
    7 "
  10. أشكركم جميعاً أحبتي على المرور والردود العطرة .. الله يوفقكم جميعاً

    ويسهل أموركم .. بالنسبة للفلوس حاول تصرف من السعودية .. أنا

    أخذت معايا من السعودية تقريباً 800 دولار أسترالي .. ولمن أحتاج فلوس

    أهلي يحولولي على نفس بطاقة الراجحي السعودية وأسحب من هنا .. طبعاً

    يآخذون رسوم على كل سحبة على حسب المبلغ .. وكل مازاد المبلغ كل مازادت

    الرسوم .


    أهم شيء .. لا أحد يتورط مثلي .. لا تطلع من السعودية إلا وإنت مضبط أمور السكن

    تمام عشان ماتحتاج تسكن في فندق مثلي .. فالفنادق أغلبها غالية جداً .




    موفقين ياااااارب .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.