اتمنى تنصحوني يا طلاب جامعة موناش او ويسترن سيدني

حياك الله أختي وبالنسبة لسؤالك صعب أن نقارن بين الجامعتين والمدينيتين في كل شئ لكن راح أعطيك المختصر المفيد:

- جامعة موناش من أقوى 8 جامعات في أستراليا وجامعة غرب سيدني ممكن أصنفها من أواخر الجامعات عندنا فما فيه مجال للمقارنة وعندنا في السعودية إهتمام بتصنيفات وقوة الجامعات فما أدري هل نفس الوضع موجود عندكم في عمان أو عادي مو مهم قوة الشهادة فحطي هالشئ في إعتبارك.
- بالنسبة للرخص والغلاء فأنا عشت في سيدني وعشت في ملبورن وماأشوف ذاك الفرق الكبير بالمعيشة لأنه نص المكافأة تروح على السكن فإذا ضبطت السكن المناسب واللي يناسب مكافأتك راح تقدرين بعدها تعيشين بالراحة وتوفرين.
- بالنسبة لوجود الجالية العربية والحياة العربية والمساجد والمطاعم والبقالات فسيدني أفضل بكثير من ملبورن.
- بالنسبة لنظام جامعة موناش في الدراسة ماعليه كلام والعكس موجود في جامعة غرب سيدني (يعني كأنك تقارنين سوبر ماركت فيها تنظيم ببقالة مكركبة )
- وبالنسبة للمدة فاللي بينهم فصل واحد والدنيا هنا تمشي بسرعة وإذا ماكانت عندك إرتباطات تشغلك في عمان وتتطلب منك ترجعين باأسرع وقت فنصيحتي تغاضي عن المدة لأنه مابينهم فرق كبير.

يعني إذا تبين شهادة قوية ودراسة على مستوى روحي موناش وإذا تبين شئ يمشي الحال وتتخرجين بسرعة روحي غرب سيدني مع أن تجربة الدراسة هنا علمتني أنه قوة الجامعة ليست شرط في صعوبة التخصص فقد تجدي تخصص يدرس بشكل متوسط بينما في جامعات متوسطة يكون التخصص فيها صعب لذلك المسألة توافيق من رب العالمين والشئ الثاني إن الجهد اللي راح تبذلينه في موناش راح تبذلين شبيه له في جامعة غرب سيدني مع إختلاف مخرجات الجامعتين بالطبع والله يوفقنا وإياك.

اختي الكريمه
انا احد طلاب جامعة ويسترن سيدني اذ حابه اي استفسار عن هذي الجامعه انا ممكن اساعدك باللي اقدر عليه وبخصوص المعهد ايضا اقدر اساعدك وانا راح امهد لك الطريق اي شي تبين تستفسرين عنه انا تحت امرك

ممكن ترسلين لي اي استفسار بالخاص اذا انتي حابه

السلام عليكم اخي B-cool انا ان شاء الله من طلاب جامعة غرب سدني سالتحق بدراسة اللغة في الجامعة في 28\11\2011 ارجو اطلاعي عن بعض ما تعرفه عن معهد اللغة وهل دراسته صعبة وهل انه مطلوب تحقيق الدرجة بالايلتس ام انه بمجرد تحقيق مستوى معين يتجاوزون عن الدرجة 6.5 وعن موقعه وعن ما يفيدني في السكن لان معي عائلتي حسب رايك وكم كلفة الايجار بمنطقة باراماتا واسف للاطالة مع جزيل الشكر والامتنان .

السلام عليكم
لماذا عدم الرد هل هو لعدم وجود المعلومات المطلوبة ام فقط لا تريدون الرد والمساعدة وان كان كذلك فلم يكن هذا هو عشمنا فيكم يااعضاء المنتدى وخاصة نحن عرب مثلكم واخص بالذكر من وجهت الاستفسار له مع بالغ الاحترام والتقدير