الأوضاع المادية ضعيفة- uts

الله ييسر أمورك
أعرف ان الجامعه توفر لك خيارات سكن للطلاب حتى لو معك عائله بس هذا الكلام في ولاية كنساس بأميركا
انت ممكن تراسل نادي الطلاب المبتعثين السعوديين في استراليا و تشوف ايش يقولو لك
و أكيد الملحقيه ما بتقصر معاك
و بالنسبه لأدوات التجميل و كذا اتوقع عادي بس ما تكون كبيره و هذا اللي اعرفه

وعليكم السلام
الأمور إن شاء يسيرة
بودي لو تتواصل معي عن طريق الايميل وإذا عندك آيفون أفضل للتواصل صوتيا عن طريق التانقو أو غيره من البرامج
الايميل abohagar09@hotmail.com
انتظرك

انت جاي لسدني سدني فيها كل شي مايحتاج سهاله
بالنسبه للمطار عادي الكريمات مو ممنوعه الي ممنوع الاكل والنباتات وبالنسبه للاكل لو انه مغلف في علب مسكره وعليها تاريخ انتهاء يدخل غصب عليهم ههههه بس اهم شي ان قولهم معي اكل وكدا بيسالونك ايش ويشوفونه ويمشوك باذن الله طبعا في ورفه صفرا تعبيها في الطياره موضح فيها هذي الخيارات
استراليا ممنوع تدخل معك اكثر من 10 الاف دولار لازم تقلهم فاي مبلغ تحت حتي لو 9999 مسموح المطار سهاله بتحصل لبنانيين والتكاسي برا المطار بتحصل صوماليين يهرجون عربي
من المطار الي السيتي الي هو مكان الجامعه والمعهد الانسيرش واليو تي اس التاكسي ياخذ منك 25 الي 30 دولار تقريبا
السكن في السيتي شقه جديده غرفتين حوالي 600 الي 800 دولار في الاسبوع ونادرا تحصل مفروشه اغلبها مو مفروشه الي ان كان تشتري عفش من واحد سعودي يكون بيسلم الشقه وكذا
اذا تبي تسكن بعيد عن الستي والجامعه وفي بالك تشتري سياره وتبي منطقه عربيه في منطقه اسمها اوبن auburn بعيده عن السيتي بالقطار 20-25 دقيقه فيها عوائل سعوديه كثير وغرفتين فيها ب 400 - 500 اسبوعيا طبعا انا اقول الستي لان الجامعه والمعهد في السيتي وفي مجمعات كمان في مناطق مثل الروزبري والوترلوو هذي مناطق اقرب من اوبن للستي وفيها سعوديين
السكن في سدني مختلفه طريقته شوي اول شي تدور بالمكاتب بعدين يحددون موعد تشوف الشقه وتقدم طلب وبعدين يوافقون طبعا سعودي وضعك بالسليم يوافقون وهم ما يشوفون الدرب بس اهم شي خذ من الملحقيه ورقه تعريف ان راتبك وقدره. افضل شي للسكن انك تشوف واحد من السعودين ماشي وتاخذ شقته بالعفش طبعا يبيلك تدور طبعا السكن في شي اسمه بوند لازم تدفعه الي هو تامين غالبا اسبوعين من قيمه الشقه الي 4 اسابيعز
المواصلات في سدني مو غاليه ابدا ومتوفره طبعا ما اتكلم عن التكاسي لان التكاسي غاليه شوي في عندك الباصات للتنقلات في الستي طقريبا ب 2 دولار الطلوع مره وحده وفي كرت اسبوعي ب 36 تقريبا والاماكن الابعد في القطار اغلي شي للقطار لخط واحد رايح جاي ب 8 تقريبا وفي اسبوعيه كروت حول ال 30 دولار فمو مكلفه تقريبا
بالنسبه للزوجه اللبس الاسلامي افضل شي هع :P بالنسبه للحجاب مافي اي مضايقات لان البلد مثل ما قلت لك فيها لبنانيين وعراقيين وكذا ومسلمين فمتعودين عادي جدا المنطقه الي اسمها اوبن لو تلبس عبايه وبرقع طبيعي جدا لان اغلبها عرب ومسلمين .
الحساب في بنك اسمه commonwealth Bank لونه اصفر واسود هو الي تتعامل معه الملحقيه طبعا يفتحون لك حساب في 5 دقائق فقط وخدكتهم مره ممتازه افتح حساب طالب عندهم من غير رسوم (اسهل شي)
Commonwealth Bank - Personal Banking, Business Banking and Corporate Banking - Commonwealth Bank Group موقعهم
الاتصالات في عندك فودافون واوبتس انصحك من المطار تاخذ اوبتس optus لونها اصفر https://www.optus.com.au/ مرره ممتازه في شرايح الشحن الي اسمها بري بيد prepaid ورخيصه جدا مكانهم بالمطار
النت قدم ع شركه اسمها TPG في البيت نت غير محدود شهريا ب 59 دولار

اذا في اي استفسار انا تحت امرك تقدر تكلمني ع جوالي السعودي (طبعا استقبالي للمكالمات مجاني) ويحسب لك مكالمه داخليه
0555440337
رامي

^
^
الله يجزاك الجنه ويوفقك دنيا واخره
بصراحه قدمت معلومات مفيده جدا جدا
ولا يهونون باقي الشباب


اخوي على وشك
باينانك شايل هم السفره
خاصه ان معاك عيالك من البدايه
انا ان شالله بداية دراستي بتكون في
نفس وقت دراستك في الانسيرش
الله يوفقنا

توكل على الله
ولا تستصعب اي شيء
بالنسبه للسكن
فيه هنا مواضيع لبعض الطلبه
تقدر تستاجر منهم سكنهم مؤقتا
يعني تستاجر شهر او اقل
لين تلقى لك مكا مناسب لك


انا اشوف ان هالطريقة هي الانسب لك
لانك بتبعد عن الفنادق وغلاها

عموما الشباب هناك فيهم الخير والبركه
الله ييسر لك امورك ودائما توكل على الله
ولا تستصعب الامور

اخوك محمد

سلام حبيت اضيف على كلام اخوي

ان العطور ماتطلع الطائره بشنطة اليد لازم تكون بشنط الشحن ولا راح ياخذونه
لانه صار معاي كذا

والحجاب عادي حجاب اسلامي عباية ولثمه بس يفضل يكون ملون ولون الحجاب غير عن لون العبايه لمنع لفت الانتباه

والاكل ممتوع يكون بيدك بالطائره حتى لو كان من اكل الطائره او حتى مكسرات او غيرها

افضل طريقة للاغراض الي تجيبها معاك مثل البن والهيل والبهارات تحطها بالشحن اقصد شحن مكتب مثل مكتب الطيار او تي ان تي اوفر لك اذا كان عندك شحن كثير

واذا زوجتك عندها اي استفسار وحابه انها تتواصل معاي ماعندي مانع

المهم رتب السكن شوف فيه شقق لشباب قبلك تلاقيهم يبون ياجرونها او للتنازل ....علي العموم كل شي بالبدايه صعب شوي لاكن مع الوقت كلش يتسهل

هي المشكلة في السكن والصراحة غالي .. في حد يعرف مناطق في اطراف سدني تكون رخيصة حتى لو تبعد 40 دقيقة عن جامعة UTS

[QUOTE=على وشك أدعو لي;1061664589]السلام عليكم أخواني الله يعطيكم العافية وويفقكم وييسر جميع اموركم وجهودكم مشكورة وبيض الله وجيهكم
انا دراستي في 6/2/2012 في معهد انسيرش

تكفوون الله ييسر أموركم انا معي زوجتي وطفلين ومادري وش اسوي كم مبلغ لازم اجيبه معي من السعودية

1- السكن ثم السكن ثم السكن مادري وين اسكن وكيف انا اوضاعي المادية صفر ولا ابغى اسكن في فندق لا شهر ولا عشر ايام ابي سكن مستقر على طول كييف تكفون وقريب من الجامعة عشان اوفر التاكسي والنقل
2- هل كريمات التجميل والمكياج والعطر ممنوعة في المطار وهل اذا اخذت مكواه ملابس وطابعة ياخذون جمرك او هي ممنوعة
3-ابي في سكني نت ضروري كييف والله اني مادري وش اسوي

( فتح حساب + شريحة نت + استقبال في المطار + السكن السكن السكن+ التنقل في مدينة سيدني كم أخذ معي مبلغ + زوجتي وش تلبس ) هذي امور ما افهم فيها

المصدر: http://www.mbt3th.us/vb/forum110/thr...#ixzz1hQoKueRe
حفاظاً على حقوق الكاتب نرجو عدم حذف المصدر مبتعث[/QUOT






بالتوفيق اخوي ان شاء الله وتوصل بالسلامه اعتقد الاخوان ماقصروا واعطوك الاجابات كافيه وامورك ان شاء الله كلها سهالات

بالنسبه للسكن موجود والاثاث موجود والامور طيبه وعين من الله خير وفي الاماكن اللي تخدم دراستك بالانسيرش

وطبعا فيه سكن موقت مو بعيد مره في منطقة ويست ميد وايضا فيه في منطقة باراماتا والاقرب للسيتي ولمعهدك ومناسبه ايضا منطقه اوبن وباذن الله يتدبر لك فيها سكن

والاغراض من كريمات وغيرها حاول انك ماتكثر عشان الوزن اولا وثانيا انت في ديره كل شي متوفر وتلاقي خيارات عده واسعار معقوله

وباذن الله وقت وصولك نرسل لك سياره لاستقبالك على سكنك اذا الله اراد

تواصل معي لو بمسج وانا راح اتصل فيك 61420273773+

اخوك ابو نايف
دعواتك فقط

شاكر لكم جميعا وانا سوف اتواصل معكم ومع من وضع الإيميل والجوال وغيره للتواصل قريبا لأني الان في المستشفى وبيض الله وجيهكم وجعلها في ميزان حسناتك