طلاب مدينة سيدني، تكفون لا تخلوني !!

معقولة ولا رد ؟
يا جماعة الخير طلبتكم تعاونوا معي ..

لا تحاتي ان شالله بشبع فضولك واجاوب عاللي اقدر عليه .. لي رده

الله يوفقك ويبيض وجهك، بأنتظارك

١- هل الجامعة تعتبر سهلة ؟ أو معقده ..
أذكر قبل فترة ، تعرفت على واحد بلقاء تنويري عندنا بالكويت ، يدرس بنفس الجامعة ويا جم زميل له ، ومن كلامهم وضحو لي ان هالجامعة حيييل تريح وسهلة ومرتاحين فيها

٢- معهد اللغة كويس ولا تعبان ؟
ماعندي أي فكرة عنه ، بس شوف أنت بدش تدرس لغة وياك بالكلاس طلاب من مختلف دول العالم فا راح تضطر تتواصل انجليزي وياهم ومنها تكتسب مهارات تصير بلبل! متى ماحسيت إنك جاهز
ومستواك زين قدم عالـ ielts وفالك التوفيج

٣- وش نصايحكم اسكن مع عائلة ولا لحالي ؟
عن نفسي ، اول شهرين بقعد فيهم مع عايلة ، أتعرف عالمكان اللي أنا فيه ، اسالهم واشوفهم واتكيف ، وفترة الشهرين اتعرف على زملاء بالجامعة أكسبهم ويمكن اطلع وياهم سكن مستقل !
منها تجربة حلوة ، ومنها فوايد وايد بالنسبة للغة وملامح شخصيتي تبرز أكثر ، ومنها تعطيني قابلية اتكيف ..

٤- هل الجامعة بوسط المدينة وحولها مواصلات او لا ؟
الجامعة تقع بمدينة Ultimo بعد 2 كيلو متر عن Sydney CB ، موقعها ممتاز وجميل ، عن المواصلات عندك بنفس المدينة قريب جامعتك محطة Central Railway وتعتبر اكبر محطة بأستراليا كلها ..

٥- كم يستغرق الالتحاق بالبعثة ؟
ماعرف شنو النظام عندكم بالسعودية ، سوري ..

٦- هل المدينة كويسة بالنسبة للترفيه، يعني فيها اماكن كويسة ؟
شلون مافي يعني ، كل وسائل الترفيه يمك !

هذا كل اللي أقدر عليه
السموحة عالقصور
وإنشالله نشوف تعقيب من الأخوان أو كومنت يفيدونك أكثر مني

وفالك التوفيج

يارب يارب ياررررررررب انك تتوفق في كل امورك
ورب البيت ما انساك من دعواتي ..


الله يريحك كانك ريحتني ..


يعني الجامعة سهلة بأذن الله ؟

بأذن الله سهله وماعليها كلام

بالنسبه للمعهد يعتبر من افضل المعاهد في سدني وفي الاول والأخير يعتمد علي المدرس الي يدرسك اذا كويس امورك راح تكون طيبه ولا سي الله يكون في عونك. بالتوفيق

حياك الله

واضح انك ماقريت لا عن الجامعة ولا المدينه وهذا خطا كبير ياعزيزي

١- الجامعه ليست بسهله واذا عندك سنة تحضيريه تحتاج للاجتهاد
٢- ممتاز
٣- ارجع لموضوعي الخاص بالسكن مثبت في قسم الاستفسارات
٤- الجامعة في قلب سدني ومحاطة بالمواصلات من كل اتجاه
٥- ٦ الى ٨ شهور
٦- سدني ! سدني يارجل سدددددددددددني !!! هههههههههه

ياخي أمداني أنبسط بأن الجامعة سهلة