الفيزا الاسترالية

وعليكم السلام ورحمه الله وبركاته. الفيزا الاستراليه ما فيها مواعيد.

أفا
لا تقول لي أصف طابور في ها الشموس

كيف يعني نروح على باب الله للسفارة ؟

وش يروحك للسفاره؟

انتي الظاهر فاهمه الموضوع غلط. الفيزا الاستراليه ما تحتاج مقابله ولا شي مجرد ما تقدمين تنتظرين الين تجيك الموافقه

ما فيها لا طوابير ولا شي انتظر الين تجيك الموافقه

الاغلب يقولون انتظروا حول ١٤ الى ٢٠ يوم وطلعت وانا للحين صار لي حول ٢٥ يوم وارسلت ايميل ولا حياة لمن تنادي

الله ييسر ويفرجها

أنا أخذت فيزا دراسية من السفارة الأمريكية
و أخذت فيزا عمل من فرنسا
و كلها كان فيها روحة للسفارة (الأمريكية كان فيها مقابلة و أظن علشانها دراسية)
فتلقائيا حسبت الموضوع بديهي أني لازم أروح للسفارة

و الله حلو و شي مريح
مجرد اقدم اون لاين و انتظر و السلام


طيب الحين انا سويت الفحص الطبي
و لما جيت اخذ النتيجة من عندهم قالوا لي وين الرقم الفلاني (اظنه prn أو trn مدري يمكن ما سمعت زين)
فقالوا لي انه رقم يؤخذ من التقديم على السفارة
طيب ايهم الاول الحين ، السفارة او الفحص ؟؟
او المقصود اني اقدم على السفارة تقديم كامل ، ثم اخذ هذا الرقم و اعطيه للمركز الطبي ، ثم المركز الطبي من نفسه يعطي النتائج للسفارة ، هل هذا اللي راح يصير و لا كيف ؟

كثرت عليك اسئلة اخوي و المعذرة لكن فعلا تلخبطت و المشكلة الحين مضطر اسافر اليوم اجازة ثلاثة اسابيع يعني لازم اترك المركز الطبي ، فاذا كان المركز هو اللي يزود السفارة بالفحص فتمام ، اقدم اون لاين على السفارة و باذن الله ما تنتهي الاجازة الا و الفيزا جتني
اما اذا لازم انا اخذ الفحص و اقدمه على السفارة اون لاين ، فالله يعين ، ما راح اقدر ابدا في الاجراءات الا بعد ثلاثة اسابيع

و شكرا

بعدم ما تقدم يطلع لك رقم TRN وتفحص وتعطيهم الرقم وهم يرسلونها للسفاره