اللي جاه قبول بجامعه نيو انجلاند يدخل

السلام عليكم ورحمة الله وبركاته
انا جاني قبول ماجستير في نفس الجامعة وبداية الدراسة في فبراير 23 2009

اتمنى اني اتشرف بمعرفتك دام اننا رايحين لنفس الجامعة

هذا ايميلي للتواصل

(تم حذف الإيميل لأن عرضه مخالف لشروط المنتدى)

انا بعد قبولي في 23 فبراير
اتشرف بمعرفتكم

السلام عليكم ورحمة الله وبركاته

أنا قدمت على هذه الجامعه ماستر ادارة اعمال والقبول بالطريق ان شاء الله

وكلي شرف بمعرفة ابناء بلدي الاكارم ومستعد بالتضحيه والفزعه بالي اقدر عليه

تقبلوا تحيتي وتقديري

اهلا وسهلا بكم وانشاء الله نتقابل هناك عالعموم انا الحمد لله خلصت اموري وانشاء الله يوم 28 من الشهر الحالي اكون متواجد هناك لو احتجتوا اي خدمه انا حاضر

ما تقصر أخوي سلطان ويعطيك العافية

والله يوفقكم اجمعين

تسلم أخوي سلطان

بس حبيت أسالك الله لايهينك بالنسبه بعد مااخذ الضمان من الوزراه

وش الخطوات الباقيه مثل الكشف الطبي وغيره وهل تطووول

وأبي تعطينا جدول الرحله وأى الخطوط رحت

نبي السالفه من طقطق للسلام عليكم

اخوي سي يو

عندك حلين يا انك تقدم اوراقك عن طريق مكتب او عن طريق اراميكس

والفحص الطبي تقدر تسوي في المراكز المعروفة

انا سويت الفحص في مركز ترانسايد بالسليمانية على شارع الدشوش خلف مبنى الصالحية

هو ارخص شي

لكم تحياتي

أفلاطون زمــانه

يعطيك ألف عــافيه على معلوماتك وخدماتك الجليله وجزاك الله خير

والنعم مليووووووووووووووووووون يا شهري انا ولد عمك انا (عمري) والنعم بكل الأخوان والأخوات يشرفني أكون زميل لكم بهالجامعة وبالتوفيق للجميع.
أنا جاني قبول ماستر بنفس الجامعة IT (تقنية معلومات)وبداية دراستي 16/7/2009 بالتوفيق للجميع,,,,,,,,,,,,,,,
بس عندي اسئلة تكفون اللي يعرف يجاوبني لأني بجد محتااااااج أعرف الإجابة:
1-اول شي وين موقع الجامعه بأي ولاية وهل هي قريبة من جامعة نيوكاسل؟
2-كيف المعيشة هناك غالية او لا؟
3-كيف السكن مع عائلة وكيف الأجارات؟
4-كيف الجامعه قوية او لا وكم ترتيبها وهل الدراسة فيها شديدة ولا سهلة؟
5- كيف دراسة تخصص الحاسب فيها سهل او صعب وهل هو معترف فيه من هالجامعة؟
6-هل جامعة نيو انقلاند افضل من نيو كاسل اولا ووش الفرق بينهم؟

معليش اعذروني عارف اني غثيتكم بأسئلتي بس تحملوني,,,,,,,,,,أخوكم / خالد