ماذا تعرفون عن جامعة فكتوريا بملبورن؟؟

اللي أعرفه بالنسبه للدوام من 9 الى 3 وفيه يوم طلعه بدري الساعه 12 .

الالزام بالتعامل ماأعتقد عندهم تحفظ بهذا الخصوص الى اذا كل مره تشرحين للمدرس هذه النقطه ووجه نظرك كطلب انه مايحرجك انا أشوف انه ممكن يتفهم وحطي ببالك الدكتور بكرا بالاعمال الجماعيه ماراح يتفهم وممكن يعتقد انه تهرب من الشغل والمسئولية .


أتمنى لك التوفيق

شكرا الكابتن خالد على الرد
انتظر تفاصيل اكثر

السلام

جنسيات الطلبه .. تايلند .. تايوان .. فيتنام .. الصين .. السعوديه .. كوريا.. ايران .. تركيا

طبعا الي يدرسوون نساء ورجال

محد راح يجبرك بس بعضهم مثل ماقال الي قبلي يعتبروه تهرب مو بس بهذي الجامعه كل الجامعات

والتعامل بينك وبين الجنس الاخر راح يكوون جداا بحدود وكزملاء دراسه مافيها شي بس بحدود مثل ماقلت

يمكن تنضمي لقروب فيه اولاد ولا بنات ويطلبو منكم بحث يعني احس مافيها شي

وفي استراليا احسهم يحبوو سالفه الدراسه في مجموعات (( قروب )) والي يلاقوه متحمس لها يحسوه احسن طالب

ودليل ان ماعندهم مشكله على سالفه الحجاب مبنى اللغه فيه مصلى للمسلمين


بالتوفيق

اي سعال حاظرين

صلملم

هل يعني ذلك اخي الفاضل نه ليش هناك شيفتات بمعنى ان الدوام محدد من التاسعه صباحا حتى الساعه الثالثه مساء
اما بالنسبه للتعامل مع الجنس الاخر فالظاهر لابد من التعود على ذلك في مرحلة اللغه لانه لابد من ذلك عند بدء الماستر ولاشك

تسلمي عالرد نملة مغروره
الصراحه جميل جدا انه لايوجد تعليق عالحجاب ..ماذا عن اللتمه؟؟ هل فيه تعجبات بخصوص ذلك؟؟

السلام عليكم مرة اخرى اخواني واخواتي
لدي سؤال اخر اضمه الى اسئلتي السابقة الا وهو:
اغلب الجامعات لديها في مرحلة اللغه للمستوى الواحد a+b
ماذا عن جامعة فكتوريا ؟؟
وهل هناك امكانيه لدراسة اللغه كنظام جزئي
بمعنى اخر هل من الممكن ان التحق للدراسة في معهد اللغه بجامعة فكتوريا لثلاثة ايام في الاسبوع فقط وذلك بسبب ارتباطي بأطفالي لباقي الايام
اتمنى ان اجد منكم الرد الشافي وجزاكم الله الف خير

هلا اختي رفال

انا ادرس في فكتوريا صراحه الجامعه ومعهد اللغه يعني تمام طبعا المجموعات شي اساسي في التعليم عندهم يعني اكيد رايحه تجلسي مع شباب وبنات ومثل ماقالوا الاخوان هاذي شي سهل بالنسبه للحجاب الحمدلله مافيه اي مشكله اتحجبي بالشكل اللي تحبين سواء نقاب او غيره مافيه اي تحفظ عليه وهو حريه شخصيه بحته ، بالنسبة لحكاية دراسه جزئيه اعتقد انه صعب ومافيه والدراسه يوميا تبداء 9 تنتهي 3 ونص باستثناء يوم واحد يكون فيه مكتبه ونطلع بدري يعني على 1 ونص طبعا هم عندهم اربع مستويات وممكن تكون مقسمه طبعا كل شي حسب مستواك لانهم رايحين يختبرونك تحديد مستوى في البدايه ويحطونك بالمستوى المناسب لك طبعا غير مستويين بعد كذا للاعداد للدراسه في الجامعه. بالنسبه للاطفال اكثر العائلات السعودية يحطون اولادهم في حضانات وهي متوفره وان كانت اسعارها غاليه .

على العموم الامور سهله ان شاءالله وبسيطه وربك يحلها باذن الواحد الاحد فتوكلي على الله واتمنى لك كل التوفيق واحنا في الخدمة في اي وقت لك ولجميع الاخوان هنا.

الي قبلي كفت ووفت

نعم مافي مشكله على اللثمه في ملبورن عموما لان اعرف بنات ملثمات وهذي حريه شخصيه مافي احد راح يتدخل

بالنسبه للدوام مثل ماقالت لك من 9 لـ 3:30 وفي يوم نص دوام من 9 الى 1:30

طبعا اذا عندك اطفال راح تخلينهم بالحضانه وهذا الي يسوونه جميع العائلات السعوديه الي يدرسون

واكثر الحضانات تبدأ من 8 الصبح الى 6 المغرب يعني الوقت جدا مناسب لك لاتخافي

وتوكلي على الله واذا تبغي ارقام حضانات حاظرين

بالتوفيق

صلملم

تسلم اخي على الرد
الله يسهل اموري يارب
بالنسبة للحضانات انا دخلت اطفالي الروضه هذا الشهر لايام متفرقه بشوف بيناسبهم الوضع ولا لا
بس الصراحه مبلغ جامد ومصروف تاني الله المستعان
بالنسبة للمستويات مثل الجامعات الاخرى من 1 الى 6 مقسمه الى A+B ماعدا 7
ايش التخصصات المرتبطة باللغه الانجليزيه والتخصصات المفيده في مجال التربية والتعليم في جامعة فكتوريا ان ممكن تفيدني جزاك الله خير