طلب من الاخوه والاخوات الدارسين بمعهد اللغه بجامعة فكتوريا ..

السلام عليكم

يا قمر لا تشيلي هم مره ترا الدراسه هنا مره حلوه وبصراحه البنات مره قلوبهم على بعض ويساعدوكي كتير تعالي وحشوفي كل شي يسرك باذن الله

سؤالك الاول جاوبت عليه نمله مغروره وما يحتاج اي زياده غير انو الكتاب مو هوا اللي يطورك انتي تطوري عمرك والمدرسين كتير يساعدوكي على دا الشي لدرجه سرت اخترع واجبات عشان اطور نفسي

السؤال التاني اضيف على اخت مغروره تجربتي انا من جده واهل جده يعرفو معهد وول ستريت وقبل ما اسافر انا حددت مستوايا عندهم ولما جيت هنا انحطيت في نفس المستوى صح حسيتو سهل عليا بس اكيد استفدت منو

وانتبهي في الاختبار الشي اللي ما تعرفيه سيبيه ولا تالفي او تخمني فيه لمصلحتك اقولك الكلام دا

بالتوفيق

نمله ربي يسعدك على الجواب ..
الكتب هم يوزعونها ؟؟ يعني شكلي ما رح القى الكتب تنباع برى ؟؟

ومن ناحية المستوى.. المشكله اني مو عارفه وش مستواي وهم رفضو يسوون لي اختبار تحديد وقالو لي اذا بديتي تدرسين رح تختبرين ..وانا نفسي اعرف كم يبيلي باللغه علشان ارتب اموري من الحين ..

اتمنى احد يفيدني برضو ..ومشكوره يالغاليه ..

Soha H B
ربي يطمن بالك والله انا واثقه انو البنات بيكونو روعه وانتي طمنتيني اكثر ..
بس استغربت شي ..يعني صار مستواكي نفس اللي سووه لكي بالسعوديه ؟؟

اش رايك اسوي اختبار مستوى هنا بمعهد لغه غير الجامعه ؟؟تتوقعي تطلع نفس النتائج ؟؟
وانا والله بحاول اطور نفسي بس مو عارفه كنت اتمنى اطور نفسي بالكتب اللي معتمدينها بالرايتنق وغيره لحدما يجي وقت الدراسه ..
والف شكر يا قلبي على الرد ..