الأعضاء الإشتراك و التسجيل

الملتقيات
ADs

ايش الافضل للمبتعث الجديد

ايش الافضل للمبتعث الجديد


NOTICE

تنبيه: هذا الموضوع قديم. تم طرحه قبل 5327 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية badr alkaidy
    badr alkaidy

    مبتعث جديد New Member

    badr alkaidy أستراليا

    badr alkaidy , ذكر. مبتعث جديد New Member. من أستراليا , مبتعث فى أستراليا , تخصصى كمياء , بجامعة king saud
    • king saud
    • كمياء
    • ذكر
    • melburne, ولاية فكتوريا
    • أستراليا
    • Aug 2009
    المزيدl

    August 27th, 2009, 10:28 PM

    السلام عليكم
    شخباركم كلكم وش علومكم كلكم طيبين كلكم
    المهم ندخل في الموضوع .....
    اخواني وخواتي اناء مبتعث جديد علي حسابي عملي لمدينة ميلبرون في معهد embassy ces
    في وسط المدينة والان جالس اسوي اجرات الفيزا وكل شئ يخص السفر
    المهم ابي ابدا في اول شئ من السعوديه الي ميلبرون في استراليا
    ودي اعرف لي شغلات كثير هناك نبدا في اولها الي اخره واللي يعرف لا يبخل علينا بشي ومشكور واناء متاكد محد بيقصر ابداااا......
    1. بالنسبه للملابس وش الوضع هناك ووش نشتري ووش مانشتري ماله داعي .
    2. النظام حق استراليا وش هوو من ناحية الانظامه والقوانين ماودي اعرف كل شئ بس ودي اعرف المهم ومن ناحية الجهاز سمعت انهم يسون تشيك عليها .
    3. المواصلات كيف ووش الطريقه .
    4. اهم شئ السكن لي اناء مبتعث جديد وش الافضل اسكن مع عائلي ولا سكن جامعي والاسعار من كم الي كم .
    5. اخر شئ عندي وهو نصيحة من كل واحد مبتعث يعلمنا فيها لانه مانستغني .
    واخر شي اشكركم وماعليش اخواني وخواتي علي كثرة الطلبات لكن تحملونا وماننسها لكم ومشكور وشهر عليكم مبارك .


  2. بالنسبه للملابس وش الوضع هناك ووش نشتري ووش مانشتري ماله داعي .


    مدري ليش الناس يشيلون هم الملابس.
    ملبورن فيها الفصول الأربع .. يعني جيب معك جميع أنواع الملابس .. أو اشتري لما تجي هنا.. لكن حالياً الجو بارد



    النظام حق استراليا وش هوو من ناحية الانظامه والقوانين ماودي اعرف كل شئ بس ودي اعرف المهم ومن ناحية الجهاز سمعت انهم يسون تشيك عليها .

    إلى الآن ما قد سمعت انهم شيكوا جهاز أحد .. أنا شخصياً ما قد سألوني أو شيّكوا على لابتوبي

    المواصلات كيف ووش الطريقه .

    ماشاءالله المواصلات في ملبورن أشكال وأنواع .. فيه القطارات و الباصات و الترامات
    تشتري تذكرة سواء يومية أو اسبوعية أو شهرية أو سنوية .. وتقدر تستخدم نفس التذكرة لركوب الباص أو القطار أو الترام


    اهم شئ السكن لي اناء مبتعث جديد وش الافضل اسكن مع عائلي ولا سكن جامعي والاسعار من كم الي كم .

    مدري صراحة ما قد جربت سكن مع عائلة أو سكن جامعي
    لكن الي أعرفه انه سكن العائلة أرخص

    اخر شئ عندي وهو نصيحة من كل واحد مبتعث يعلمنا فيها لانه مانستغني .

    نصيحتي ..اختر الصحبة الطيبة!


    وبالتوفيق أخوي
    7 "
  3. بصراحة وبكل وضوح اخوي العزيز الأمر سهل جداً جداً .

    أهم نقطة شف لك أحد يستقبلك وخله يحجز لك في فندق رخيص بحيث يكون 70 دولار يمومياً اسكن في فندق مبدئياً ثم ابحث عن خياراتك الأخرى .
    اما الملابس فعلى حسب نظامك أنت اذا كنت راعي جلسة بيت فلا تنسى نفسك من القمصان والشرابات وغيره والوضع كله يرجع لك .
    اما التنقلات فهي أسهل مما تتوقع وسوف تتذكر كلامي بعد ما تجي ... المهم يكون عندك خريطة عشان تعرف اسماء الاماكن وغيره بس .
    موفق ان شاء الله .
    7 "
  4. مشكور الله يعطيكم العافيه يااخواني كلامكم مطمن والامور انشالله كلها طيبه
    بس اناء افكر اني انسق سكن مع عائلي وش رايكم ؟ من هنا قبل لا اسافر عن طريق المعهد
    وبعدين يا اخت غادة اشتري من ميلبرون يعني الاسعار حقت الملابس كيف في فرق عن هنا عندنا في السعودية ؟
    والبنسبه للتشيك اناء عندي زميل لي من اول ما وصل في استراليا تقريبا قبل ست شهور شيكو علي جهاز في المطار ؟ تعرفي هنا في السعودية مافي غير البرامج المكركه ؟ بس هو ترى راح شهر عسل ؟
    7 "
  5. هلاااااااااااا اخوي

    بالنسبه للجهاز ان شاء الله مافيه مشكله ماتعرف شيكو على جهاز احد ولكن شيء مهم سيديات التعريف لاتنساها
    الشيء الثاني المواصلات سهله ورخيصه جداااااا
    الملابس الحين مثل ماقرات في الاعلى فصل الشتاء وعلى نهايته يعني لاتجيب شتوبه كثير بس المهم الصيفيه
    الامور يسره ان شاء الله ولو احتجت اي شيء نحن بالخدمه
    7 "
  6. الله يعطيكم العافيه ماتقصرون والله يااخوان

    طيب اذا احد من اهل الرياض يعرف لي احد يعبي لي طلب الفيزا ويكون سعره معقول جدااااا
    لاني موظف وممكن تكون المعلومات مختلفه جداااا عن الطلب حق الطلاب الجديد
    ومرره ثانيه مشكور ويعطكيم العافيه
    7 "
  7. المشاركة الأصلية كتبت بواسطة badr alkaidy
    الله يعطيكم العافيه ماتقصرون والله يااخوان


    طيب اذا احد من اهل الرياض يعرف لي احد يعبي لي طلب الفيزا ويكون سعره معقول جدااااا
    لاني موظف وممكن تكون المعلومات مختلفه جداااا عن الطلب حق الطلاب الجديد

    ومرره ثانيه مشكور ويعطكيم العافيه
    روح مكتب ال idp يعبو لك طلب الفيزا مجانا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.