أول يوم في ملبورن

ابو ثامر ...

تفضل اجابات لاسئلتك ...
1- تقدر تفتح حساب في بنك استرالبي وانت بالسعوديه وتودع فيه المبلغ اللي تحب
شوف الرابط هذا يفيدك ..
http://www.mbt3th.us/vb/forum111/thread88815.html

وتقدر تجيب معك شيك مصدق باسمك .. وتصرفه هنا ...

وتقدر تجيب معك كاش .. فلوس استراليه .. او امريكيه .. بس انتبه لاتصير اكثر من 10 آلاف دولار .. وتودعها بعد ماتفتح حساب ..

والافضل انك تفتح حساب .. وتودع فيه .. وتجيب مبلغ معك بسيط للحاجه ...

2- اذا وصلت ملبورن بالسلامه .. خذ لك فندق كم يوم عشان تريح ... والافضل انك تآخذ بيت احد بيسافر يعني بيتخرج . مع العفش اذا تحب .. لانه يسهل عليك كثير .. يعني اتفق مع احد قبل لاتجي بحيث انك تستلم البيت بعد كم يوم من وصولك ... او اذا جيت بتشوف البيوت على مزاجك وتقدم عليها ..
بالنسبة للملحقية فمايحتاج تروح لها .. موقعها بكانبرا .. ويكفي ترسل لهم اوراقك مع ختم الدخول بالبريد او بالايميل عشان تفتح حساب ..

3- شكلك نقزت الرقم هذا .. مو مشكله نروح لاربعه ..

4- شركات الاتصال .. في اكثر من شركة .. واشهرها وارخصها optus .. تقدر تآخذ عقد معهم .. ماانصح فيه .. والخيار الثاني هو شريحه مسبقة الدفع prepaid هذي 90% من السعوديين يستخدمونها .. وتشتريها من اي سوبر ماركت وقيمتها 30 دولار .. وتسجل بياناتك بالانترنت او انك تتصل عليهم وتشتغل علطول .. وبعد كذا تشحنها على كيفك حسب مكالماتك ..

5- يوم تسجيلك او دراستك .. تروح لمعهد RMIT بالسيتي .. قريب ومعروف . .. بيضبطون امورك وبتدا تدرس وماعندك مشكلة ..

6- مثل ماقلت لك .. تسكن بفندق كم يوم .. بالسيتي مثلا .. ولاتخاف البلد آمن بفضل الله .. ولافيه مشاكل ..
وكل واحد بحاله ..

وأخيرا .. اذا احتجت شي .. ارسل لي على الخاص ..

انا في ملبورن صار لي فترة طويلة .. واعرفها زين ...

ودعواتك لي بالتوفيق

Researcher
الله يبيض وجهكـ يا الباحث و الله يريح خاطركـ
و أشكركـ على الاهتمام و تأكد أني تشرفت بردكـ
و إن شاء الله ثم بكرمكـ ما راح أستغني عن مشورتكـ
و فقكـ الله دنيا و أخرة

اختي renad1979

تقدرين تفتحين حساب من الآن ... والافضل خليها قبل سفرك بأسبوعين .. وجهة نظر ..

بالنسبة للخطوط .. فالخيارات كثيرة ..

اذا كنتي من الرياض ..

الخيار الاول: الخطوط الاماراتية :
الرياض.. دبي .. سنغافوره (توقف ساعه) .. ملبورن ... وهذا ماانصح فيه لان تعامل سنغافوره تعبان .. وغير كذا مااحب اوقف ترانزيت ..

الخيار الثاني الخطوط الاماراتية:
الرياض..دبي...ملبورن (رحله متواصله من دبي لملبورن حوالي 14 ساعه) .. الكراسي اريح من اللي فوق .. والخدمة افضل .. بوجهة نظري ..

الخيار الثالث خطوط اتحاد :

الرياض..ابوظبي..ملبورن .. بصراحة ماجربتها ولا اقدر احكم .. لكن فيه بعض الشباب يمدحون خدمتهم

الخيار الرابع: خطوط كاثي باسيفيك ...

الرياض .. البحرين (ترانزيت اظن ساعه) .. هونق كونق ( 6 ساعات انتظار) .. ملبورن .. برضه ماجربتها
البعض يمدحها بحكم الخدمه والكراسي الوسيعة .. وبعض المرات يكون فيه كراسي فاضية مو زي الاماراتيه ماتطلع الا فللللل


الخيار الخامس : الخطوط السنغافورية ..

الرياض .. سنغافوره (انتظار من 8 -16 ساعه على حسب الطيارة) .. ملبورن .. برضه ماجربتها ..

خط الطيران جديد صار له سه تقريبا .. والخطوط السنغافورية معروفه بخدمتها المتميزة ..والطيارة مو زحمه ...

اما اذا كنتي من جده :

فتقدرين تسافرين نفس الخطوط السابقه (سواء لدبي ولا لسانغافوره ) .. او فيه الخطوط الماليزية ..
تروح من جده .. كوالالمبور .. ملبورن

بصراحه ماجربتها ...


نجي لموضوع السكن ..
انا سبق وان درست فترة طويلة بمعهد هوثورن ..

وافضل مكان للسكن .. اما السيتي . بحيث كل شي قريب .. والقطار ياخذك هناك (ربع ساعه) وبعدين تمشين ربع ساعه لحد المعهد
وجامعة ملبورن بالسيتي .. يعني مستقبلا ماتحتاجي تذكرة قطار ولا مشاوير ..

واسعار السكن تتراوح مابين 1500 الى 1800 دولار شهري بالنسبة للشقة الصغيرة لشخصين ...


او فيه منطقة هوثورن .. او Glenferrie وهذي قريبه مررره من المعهد .. بس مااعرف اسعار المنطقة هذي ..


اي استفسار انا حاضر ..

بالتوفيق لنا ولك

اختي ...
اذا كنتي موظفه حكوميه .. فلازم تسافرين بالخطوط السعوديه على ابعد نقطه .. بعدين تغيرين على خطوط ثانيه الى ملبورن .. واشوف ان الماليزية مناسبه للوضع هذا ..
اما اذا كنتي ضمن برنامج الابتعاث .. فتقدرين تسافرين على الاماراتيه ...

بالنسبة للسكن .. فيه عروض هنا لناس بيسافروا وسكنهم بالسيتي ..
مكتب عقار !! الوضع هنا مختلف شوي ... انتي تدوري بنفسك .. والعماير كثيره بالسيتي والسكن متوفر .. اذا جيتي اسكني مؤقت فندق مثلا كم يوم لحد ماتآخذي سكن دائم بعقد ... او انك تبحثي بالنت من الحين على سكن ...
او انك تتفقي مع احد بيترك سكنه .. وتاخذيه ...

بالنسبة للمكافأه .. الحمدلله فيها الخير والبركه .. اللي يعرف يدير امواله .. بتكفيه وتزيد .. خصوصا اذا كان معك مرافق

بالتوفيق لنا ولك

وفقك الله أخي researcher ردود جميلة واهتمام أجمل

اخوي Researcher يعطيك العافية على الاجابات وجزيت كل خير

بس ليش تقول الموظف الحكومي لازم يسافر على الخطوط السعودية ؟؟ ياريت تفيدني من فين هالنظام اخذته ؟
زوجي محاضر وبيحجز على الاماراتية