ايهما افضل الشقق ام البيوت يا اهل ملبورن

هلا اخوي ...

اذا كان معك عائلتك ,, فوجهة نظري ان الافضل لك بيت ..بيكون أوسع وتآخذ راحتك أكثر ,, وقريب من العوايل السعوديه ,, ومن ناحية الأمان البلد عموما آمن ولله الحمد (فيه حالات سرقة بسيطة بس الله الحافظ قبل كل شي , وتعتمد على موقع الحي ) ...

إذا كنت عزوبي .... أفضل لك شقة , لانها مؤثثة وقريبه من الخدمات بالسيتي ,, (الأمان بعد الله , ان الشقق فيها سيكيورتي والدخول بها ببطاقة وفيه كاميرات)

الاسعار .. بعض البيوت (3 غرف) خارج السيتي بسعر آجار شقة (غرفه وصاله) بوسط السيتي ,, وعليك الحساب

اذا كنت حاب تآخذ بيت مع عفش ,, أعرف أكثر من واحد بيخلصون وقت وصولك ,,

بالتوفيق لنا ولك

نفس السؤال
بس انا بنوته عزابية
نفسي في بيت بس احس يخووف مرة مافي ناس داخلين طالعين زي الشقق


الاخ Researcher ماقصرت

يا شباب ايش رائيكم
في مكاتب العقار
و لو سمحتوا اعطونا عناوين لاحياء فيها اخوة سعوديون
حتى نفقع عيون الغربة شققق و لا بيوت بس اهم شيء للعائلات

انت سألت سؤال من أصعب الأسئلة
ناس كثير تفضل السكن في بيوت برى الستي ولهم وجهة نظرهم وناس برضه كثير حابيين يسكنون في شقق الستي

بالنسبة لي انا ساكن في الساوث بنك قريبة من الستي في شقة طبعا امان وفيه حراسة 24 ساعة وماحد يدخل الدور الا ببطاقة وجنب الجامعة ربع ساعة مشي

لكن اللي معاه عائلة واطفال افضل لهم يسكنوا برى الستي خصوصا في حي باسكوفيل وماجاورها كلهم سعوديين هناك ماشاء الله

اذا لقيت اللي يناسبك مافي شي احسن من شي ..

احتمال تلقى شقه بمواصفات ممتازه تكييف ونظافه وامان وغالبا الشقق امان ومن الاساس كثير عماير ما يشتغل الاصنصير الا اذا كنت من السكان ومعك بطاقه .. واحتمال ما تلقى ..

وممكن تلقى بيت ممتاز ونظيف وواسع وسعره حلو ..واحتمال لا ..

مو على الكيف لان مو بكل وقت متوفر الشقق الممتازه ولا البيوت الممتازه ..

اذا تبي سعوديين فهم غالبا برزرفور وبندورا وفيه منهم ساكنين ببيوت ومنهم ساكن بعماره ..
اذا جيتو بتشوفون الوضع وبتشوفون وش اللي موجود وبتقررون ..

اول يوم بالجامعه بتتفاجئ بكثرة السعوديين .. مارح تحسون بالغربه ابدا ماشاء الله من كثرتهم ..
غالبا السعوديين برزرفور وبندورا وباسكو فيل ..
عاد اذا مره ما لقيتو عوائل وهذي مستحيييييييله تواصل مع الاخوه بالنادي السعودي وهم بيساعدونك باي شي تحتاجه ..

كم تقريبا يكون اجار الشقق

على فكرة فيه بيوت اصغر من الشقق او بنفس حجمها ماله دخل بيت اوسع من الشقة..هذه للفائدة

وبعدين فيه شقق نظام دبلكس مثل تكون كل اريع شقق بوحدة فما بوجد فيها اصنصير وتكون امنه . يعني البيت امن باذن الله والشقة اكثر امااان والله الموفق