استفسار اش حصل لايميل لجنة الطلبة الجدد في ملبورن ؟؟

السلام عليكم انا جاية زيك عن قريب ودي اسأل لو قدمت وارسلت على لجنة الطلاب الجدد لملبورن موجودين او لأ ؟

صراحة ذي فترة انتقالية واستلام العمل من النادي الحالي لأعضاء النادي الجديد ..
وفي كثير عوامل أخرى تسبب حالة الركود والبيات المؤقت .. ومنها انشغال معظم الطلاب بالإختبارات ذي الفترة .. واللي خلصوا على طول انشغال بإجراءات العودة للوطن،،

فعاد لا تعمتد على لجنة الطلاب الجدد كثير .. وخصوصاً لظروفهم الحالية،،
بس عاد احنا كلنا في الخدمة .. واللجنة ماهي إلا عبارة عن مجموعة طلاب متطوعين بيتغيروا دائماً مع الوقت ..
المهم ... أنا متواجد بمشيئة الله بملبورن حتى 20 نوفمبر .. بعد هذا التاريخ هااكون انشاء الله بمدينة جدة ..
فلو احتجت اي خدمة خلال فترة تواجدي داخل أو خارج ملبورن .. أبشر .. على الأقل راح ارسلك على شباب كثير فيهم الخير والبركة والرغبة بخدمة اخوانهم المبتعثين.

بالنسبة للتذاكر .. عشان مايتم خصم أي مبلغ عليك مفترض انك تروح لمكتب الخطوط وتغير تاريخ الحجز .. بس لو زوجتك ماحضرت معاك فطبيعي لن تستطيع تسجيلها في ملفك بالملحقية وبالتالي لن يصدر لها أي رواتب!!

وتوصل بالسلامة ان شاء الله،،

بخصوص بطاقة الصراف .. كل بطاقات الصراف الآلي تعمل هنا .. لكن على صرافات معينة عادةً بتكون متواجدة بكثرة وخصوصاً داخل المولات والأسواق التجارية،،

اهلا اخوي
جزاك الله كل خير والله يكثر من امثالك وربي يفرج عنك دنيا وآخرة

انا بكون باستراليا بإذن الله في 16 ديسمبر لعام 2010
فياليت تعطيني ارقام وايميلات شباب اراسلهم واتفق معهم
انا لأول مرة اجي البلد وكنت محتاج من يستقبلني بالمطار واليوم الثاني اروح اعمل اجراءات المعهد والحساب البنكي
واتعرف على البلد بصفة عامة

بالنسبة لزوجتي انا اعرف انها ماراح تتسجل في ملفي
لكن بالنسبة للتذاكر أنا استلمت تذكرتي وتذكرتها لكن هي ماحجزتلها اصلا فهل في مشكلة ؟؟
وهل الملحقية تعوضني عن سعر تذكرة الزوجة وهي اصلا ماحضرت معي ؟؟

طبعا ماراح يعوضوك عن شيء طالما انه ماتسجل عندهم .. ولكن تستطيع في حال قدومها واضافتها المطالبة بالتعويض ..

عموما أنت راح تبدأ دراستك بأي معهد .. عشان نشوفلك شباب من نفس المعهد..

جزيت كل خير اخوي

انا حدرس بمعهد جامعة فكتوريا بإذن الله
اشكرك جدا على تعاونك

توصل بالسلامة ان شاء الله

انت حاول تبحث حاليا عن سكن مؤقت عن طريق المواضيع في المنتدى هنا او منتدى الطلاب السعودين في مبلورن ونسق مع الاخوان لان الفترة الجاية شباب كثير راح يرجعوا وكل ما عليك ياطويل العمر تاخذ العنوان بالضبط واول ما توصل تعطيه للتاكسي وتتفق مع الرجال يقابلك وانتهى الموضوع .. وبالنسبة للمدينة فمبلورن مره سهلة وخلال ثلاث ايام راح تكتشف اشياء انا ماعرفها بالتوفيق وتوصل بالسلامة ان شاء الله

الاخ نهر صافي حياك الله في ملبورن وفي جامعة فكتوريا
زمثل ما قال الاخ تشيرمان اذا اللجنة مشغولين او ماردوا ترى كل المبتعثين هنا في خدمة بعضهم البعض
انا ادرس بمعهد فكتوريا واذا احتجت اي خدمة راسلني على الخاص وانا تحت امرك