لماذا هذا التجاهل يا إدارة النادي السعودي؟

والله معك حق تنقهرين ..انتي هدي بالك الحين وشوفي ردهم يمكن حتى هم ما يدرون ..؟؟
بس غريبه جدا والله دائما اسمع انهم متعاونين ..

تدرين ..ارسلي ايميل للملحقيه شوفي الشخص المسؤول وارسلي له ايميل وان شاء الله بتلقين رد ..

مايدرون؟!!
بالنسبة للملحقية
كلمتهم وعجزت ، عن طريق الإيميلات والتلفونات ، وكل واحد يقطني على الثاني ، وكل يوم يعطوني وعود ، وفي كل مرة أسمع الكلام المتعارف:
خلاص اتطمني راح نسوي لك حل
راح نكلم إدارة الأكاديمية بشكل رسمي
اصبري علينا يومين وبنتصل فيك
اعطينا إيميلك وبنرد عليك
لالا أكيد مايجي اليوم الفلاني إلا عطيتك الخبر
100% بيصير حل خلال هاليومين
ما نقدر نعطيك الخبر اليوم ، وبكرى إجازة
كلمي إدارة النادي السعودي
كلمي إدارة الأكاديمية بجاكرتا مباشرة
كلمي السفارة السعودية

وبالنسبة للنادي السعودي ما لقيت منهم رد نهائياً لحد الآن مع أني أرسلت لكذا شخص من الإداريين بدون فايدة
اللي ردت عليي فقط ( غادة ) من هذا المنتدى ، ماقصرت جزاها الله خير ، و كلمت كذا شخص ونفس الشي ما حد رد عليها غير واحد ، تكرم عليها وأعطاها رقم جاكرتا ، وطلعت بنتيجة خسارة الكردت بس
وأساساً رقم جاكرتا عندي إياه من موقع الأكاديمية نفسه

وطبعاً قضيتها هالشهرين كله اتصالات وإيميلات لعدة جهات بدون فايدة ، حتى أني آخر مرة شديت مع اللي كلمته ، قال لي من حقك ولا يهمك أنا متفهم الوضع اللي انت فيه ، وإن شاء الله اليوم الفلاني أنا متصل لك أخبرك ويش صار ، وكررت عليه عدة مرات ، أكيييييد؟ لأن بكل مرة يعطوني موعد ، قال لاااا أكييييييييييييد 100% ، وللآن لا حس ولا خبر!!

أعتقد إن وسائل الاتصالات الآن متطورة ، يعني الرد إذا ما يجي في نفس اللحظة بيجي على الأقل بعد أسبوع أسبوعين ، مو لهالدرجة

بالله عليكم ، قربت الامتحانات ولحد الآن حتى ما تكرموا يطلبون مني معلومات عن أبنائي ، ولا حتى المناهج اللي طالبتهم بها ، وشرحت ليهم صعوبة الوضع كون المناهج جديدة عليهم يعني بحاجة إلى وقت مو قصير حتى يتأهلون للامتحان.

لكن ويش أقدر أقول غير الله يسامحهم على تلاعبهم بأعصابي طول هالفترة مخلييني في قلق الانتظار.

http://www.mbt3th.us/vb/t147554.html

http://www.mbt3th.us/vb/t154979.html

هذان الموضوعان ما هما إلا إثبات لمعاناة الأهالي بخصوص امتحانات أبنائهم ، وللأسف الشديد ، فالكثير منهم لايزال تحت رحمة التفكير في الرد عليهم!

الله يعينك ان شاء الله

يؤ يؤ يؤ ..لو انا بمكانك كان انفجرت وخلصت ..

ياليت يا اخوان تردون لو تعرفون موب معقول هالمرمطه اللي الاخت فيها ..


ومن جهه ثانيه الملحقيه غلطانه صراحه ..انا ابي اعرف ليش كل شي بالاتصالات والحوسه ؟؟ ليش نفس السفاره ما تحط جدول مواعيد وكل شي يصير واضح ..مدري الى متى هالطريقه ..

الله يعينك يارب ..

السلام عليكم ورحمة الله وبركاته
اعتقد مرحلة التغيير للنادي السعودي الجديد تعطينا العذر لكي نعطي العذر لهم بعدم الرد على رسايلكم واكيد في حال الانتهاء من مرحلة ترتيب اوراقهم رايحن تلاقي اجابة لكل سؤال..

أولاً لازم نتفهم انه النادي بكامل طاقاته ووحداته ماهو إلا عبارة عن طلاب وطالبات متطوعين .. فلو حصل أي تقصير أو تأخير في انجاز الأعمال .. لايعد ذلك مبرراً بأن نقوم بالتشهير به أو انتقاده بدون وجه حق .. وهم ليسوا متجاهلين .. كما تدعين .. ولكنهم فقط مازالوا في بداية التأسيس وفي مرحلة استلام وتسليم أوراق وملفات النادي السابق .. وملف دراسة الأبناء موضوع في أولويات اهتمامات المتطوعين الحاليين.
ولكن المشكلة تكمن في أن الرجل السابق المسئول عن هذا الملف في اجازة .. ولم يعد لملبورن حتى الآن .. ولذا فأعضاء النادي الحاليين لايعلمون الغيب حتى يقومون بالرد على اي استفسار.
إذا فالمطلوب هو فقط الانتظار حتى تتضح الأمور .. وستقوم ادارة النادي بإعلان كل المواعيد المتعلقة بدراسة الأبناء .. وبنفس الوقت الرد على كل الاستفسارات.
اضافة إلى أن موضوع تسجيل الأبناء في اكاديمية جاكرتا ليست من اختصاص النادي اطلاقاً .. حيث أن التسجيل يتم من خلال الأكاديمية بجاكرتا فقط .. وان لم تجدي رد من الأكاديمية .. ((وهذا مستحيل.. لأن جميع الطلاب السعوديين المبتعثين سبق لهم تسجيل ابنائهم وبدون وجود أي مشاكل مع الأكاديمية)) .. فالنادي غير مسئول في مثل هذه الحالات.. وليس النادي إلا جهة تنظيمية تطوعية .. ولايملك أي سلطات أخرى.
وعموماً تنحصر مهام النادي بالنسبة لدراسة الأبناء .. في استلام وتوزيع المناهج .. واعلان مواعيد الاختبارات .. وحجز وادارة قاعات الاختبارات .. فقط لاغير.

تحياتي،،

الله يكون بالعون اختي

هلا أختي مرة ثانية .. وأنا مازلت متابعة موضوعك والجدير بالذكر أن حالة الأخت الوحدة قاتلة مختلفة حيث أنهم من مملكة البحرين ولا أعلم كيف تكون الإجراءات لـ الطلاب من الدول الأخرى
عموماً ياليت تشيكي عالخاص أرسلت لك رقم أحد المسؤولين هنا في ملبورن وإن شاءالله راح يحاول يساعدك

بالتوفيق