استفسارات حول مدينة ملبورن وجامعة رمت

وعليكم السلام و حياك آبو عبدالله .. وان شاء الله ارد لك باجابات كآفيه !!

1_مستوى الجامعه من حيث اللغه والدراسه بالذات في تخصص المحاسبه ومدى الصعوبه والسهوله في الجامعه

الحق اني مآ آدرس بالجامعه ذي .. ولكن آذكر شبآب كآنوآ يمدحون وشبآب يسبون .. كمرحلة اللغه وآنآ آشوف مستوى
الطلاب اللي في مرحلة اللغه حلو وليس بالشي السلبي كمثل فكتوريآ !! ولكن آلجآمعه ليست بالسهله وليست بالصعبه !! ..
ولا ااعرف عن تخصصك صراحة

2_هل تتوفر عوائل في مدينه ملورن وهل هي بكثره وتعامل الشعب مع الناس وبالذات العربي او الخليجي

موجوده بكثره في ملبورن آلعوآئل وتلقى الزين وآلشين !! الشعب عآدي كآي دوله آجنبيه .. يغلبها الطابع الآحترام
اما العربي وآلخليجي .. تحتلف من شخص لشخص .. بآلنسبه لي اللبنآنين آلله يكفينآ شرهم بس هو اللي احتكيت فيهم
ولكن غيرها من الجنسيات ما احتكيت مع الآماراتيين وهم كمثل السعوديين

3_ حالة الطقس على مدار السنه وماهي اشهر الصيف والبرد وهل اتي بلامس شتويه ام صيفيه

والله ماهي حاره ولكن آلآغلب انها الوقت شتآء .. يعني الايام الحر الحر تامر عليك بما لا يزيد عن اسبوع في الفصل كآمل!!
ولكن آلجو بالشتاء تقريبا بآرد ؟؟ تحتاج الملابس الشتويه وآلصيفيه كلهن مطلوبات .. ولكن لا تكثر لانك راح تغير لبسك
وهذا الاغلب اللي مر على الطلاب لان يكون لبسنا مختلف شوي عنهم ؟؟ ولكن انت متى جآي لآن آلحين عندنآ صيف !!
ولكن مثل اليوم برد ومطر آغلب اليوم .. يعني يمر عليك اربع فصول بيوم وآحد .. الجو شوي مبهذل

4_ طبعاً اول شهر راح يكون على حسابي لاني تبع المؤسسه العامه للتدريب التقني والمهني ماهو المبلغ الذي يكفيني لمده شهر

حوآلي 3000 دولار ان شاء الله تكون كآفيه .. شامله كل شي بس مآ تبذر
السكن 1000 تقريبا احيانا ياخذون بوند 500 يعني المجموع 1500 لاول مره بعدين تقوم تدفع 1000 شهريا
الشحن جوآل 100
الترانسبورت 109 بالشهر
الآكل تقريبا 500 بالشهر
والباقي ما تدري وش يصير معك يعني تحطه احتياط

5_ هل تتوفر مطاعم عربيه وهل يوجد شارع للعرب
نعم وفيه مطآعم عربيه بالهبل هنـآ .. وفيه شارع اسمه سدني رود الآغلب محلاته عربيه ..حتى المندي والمظبي فيه مآ عليك
وكمحلات عربيه مثل السوبرماركت فيه العالمي وآلحسون ومؤسسة فرح وغيره ؟؟
وكحي سكني عندك رزفوار وبريستون شبه حي سعودي

6_ هل مدينه ملبورن جميله ويوجد بها اشياء سياحيه
وآلله حليله وليس بالمدينه الجميله ولكن تبقى افضل المدن في استراليا .. آنآ بآلنسبه لي مرتاح فيها ومروق !!


آن شآء آلله آكون آفدتك وعطيتك نبذه عن ملبورن

هلا ابوو عبدالله ,,, لا تشغل بالك كل الاموور انشاء الله زينـه ,,, بس تعال الله يحيكـ
ما قصر اخووي ~SnipeR

انا معااااااك فيصل بس تووصل كلمني اعرفك بالمنطقة ...

اسمع يا اخوي

انا ادرس حاليا بمعهد RMIT وان شاء الله بكمل فيها

بس بيني وبينك المعهد شوي شديد وخاصه المستوى السادس والسابع
لانه يدرسك اشياء اصعب من امتحان الايليس وفوق هذا درجة النجاح لازم فوق السبعين في هالمستويين
وبصراحه كثير من الشباب يعيدون في سته وسبع مره ولا ثنين ولا ثلاثه وهذا يخليهم يعدون سنه ويطلبون تمديد
وبالنسبه لكم يا شباب المؤسسه العامه للتدريب المهني
تكونون مضغوطين دايم بالوقت عشان المؤسسه ماتسمح لكم بالتمديد ولذلك نصيحتي لك تشتغل على الايلس وتجيب 6.5 وتدخل الجامعه على طول.
انا اعرف اثنين من المؤسسه درسو بالمعهد اكثر من 4 شهور وبعدها طلعو من المعهد وشغالين على الايلس اللحين عشان يستغلون الوقت
ولذلك لاتناظر طلاب التعليم العالي معاهم فرص يمددون اللغه الى اكثر من سنه!!

وباقي الاستفسارات ماقصر اخونا سنايبر بس ابضيف نصيحه
بخصوص استئجار البيت احسن لك تاخذ بين مؤقت من احد الاخوان السعوديين اللي يكونو في اجازه وراجعين للسعوديه لمده شهر ولا ثنين

وتجي هنا وتستأجر على كيفك وتبحث على كيفك.
احسن من جلوسك في الفندق يمكن تضطر تجلس فيه اكثر من اسبوع

وترى فيه كثير سعوديين يبون يأجرون بيوتهم بالاجازات

ابحث عنهم بموقع مبتعث ولا موقع النادي السعودي بملبورن


واي استفسار انا حاضر اخوي

الجامعة ممتازة ياخوي في تخصصات الحاسب ....وفيها مجموعة من الخليجيين