وش رايكم في معهد موناش؟وفي جامعة موناش؟

هلا اخوي

انا بجامعه موناش ومبتعث من جهه حكوميه
والله انا جديد بموناش يمكن صارلي اسبوعين .. بس الصراحه الاوضاع هنا حلوه مره وتدريسهم مره حلو\

طبعا فيه ستته مستويات وكل مستوى خمس اسابيع\

وبالنسبه للايتلس انا مثلك مطلوب علي عقب سنه 6 ونص لكن ااذا جبت سته يعطونك كورس شهرين وتعديه وتخش الماستر ع طول\

واذا تبي رايي احزم شنطك وتعال بس.. الامور زينه والاوضاع طيبه\
انا كنت متخوف ومتردد بس بالاخير جزمت والحمد لله مرتاح حيل

ولا تنسى موناش من الجامعات القويه قروب اوف ايت



ادري طولك بس قلت افيدك باللي اعرف\\

واي استفسار انا حاضر

والله يوفقك ويسهل امرك

ايه نسيت اقول لك

حاول تدرس بالسعوديه لغه في اي معهد اذا عندك وقت
لان هذا راح يفيدك كثير ويريحك هنا

نصيحه لا اقل ولا اكثر


وبالتوفيق

شكراً شمري حايل على ردك واحسه انه طمني شوي،،،
ودي انك تسئل الشباب اللي قبلك كيف وضع المعهد ؟وكيف وضع الجامعه ؟وهل تعرف احد تخرج او على وشك التخرج من تخصص تقنية المعلومات؟
وهل مدة خمسة اشهر تكفي للحصول على 6.5 في الايلتس لان العرض الذي استلمته تبدى الدراسة في 7/2011

حياك الله أخي الكريم

من واقع متابعة لبعض أخبار جامعة موناش , لاحظت إنه كثير سعوديين في موناش تخصصهم تقنية معلومات

وهذا رابط (برنامج سفراء موناش ) في منتديات النادي السعودي في ملبورن , الأخوان ما شاء الله تبارك الله جدا نشيطين وخدومين , الله يبارك لهم في أنفسهم واهلهم ومالهم

برنامج "سفراء موناش الرابع"... - منتديات الطلبة السعوديين في ملبورن

وموجود على الرابط عناوين الإتصال بطلاب( IT )تقنية المعلومات , وهدفهم خدمة الكرام أمثالك

وعليكم السلام ورحمه الله وبركاته

صراحه حتى انا جديدة في موناش بس المعهد مررره كويس والي يدرسو كمان كويسين انا عن نفسي مااشوف فيه اي مشكله

وانا الحمدلله مررره مرتاحه والدراسه فيه ممتعه

الايلس مو صعب بس اتوقع يحتاج مجهود من نفس الشخص يعني حاول ماتلتزم بالمنهج الي يعطوك هوا وبس

لا حاول تقرآ كتب وتتفرج افلام وتتكلم مع الناس ..... وان شاء الله مع الوقت يسير كل شي تمام

اتوقع سته شهور كفايه اذا كنت جاد في الدراسه وماعندك لعب

بالوفييييق للجميع