أستفسار عن كرت المواصلات Myki

السلام عليكم ورحمة الله وبركاته

كرت مايك اوفر من بطاقة ميتاكارد القديمة بكثيرررر

لان كرت مايك تشحنه برصيد عن طريق النت او من الاجهزة بالمبلغ اللي تبيه حتى لو دولار بس

كرت مياتا كارد القديم له انواع كثيررر ه منها الشهري ابو 120 دولار تقريبا استخدمتها او لم تستخدمها راحت عليك خلال شهر
وفيه النوع اللي ب 10 مشاوير وهذي كنت استخدمها
كل استخدام ياخذ منك 3 دولار ونص بغض النظر عن المسافة وتستمر لك لمدة ساعتين قدام
لكن كرت مايك يحسب بالوقت المستغرق يعني لو مشوار اقل من 5 دقائق ماياخذ شي
ابو 10 دقائق ياخذ دولار
او نصف ساعة تقريبا 2.5 دولارين ونصف
وهكذا
اطول مشاور ياخذ مني ثلاث دولار
يعني هي وفرت علي كثيرررر لانه مشاويري ليست شبه يومي

ويوجد خصومات في الويكيند والاجازات الرسمية
البطاقة اول مره تشتريها ب 10 دولار وفيها رصيد 10 دولار
وبعدين سجلها في الانترنت على موقهم علشان تقدر تشحن وانت في البيت مهم (لمن تشحن عن طريق النت يستغرق اتمام العملية 24 ساعة)
وممكن تشحنها من الاجهزة اللي عن المحطات كاش
طريقة استخدامها
اول ما تركب تمررها على الجهاز ويطلع لك لون اخضر معناها نجاح العملية
والاصفر نجحت والرصيد منخفض
اللون الاحمر تم رفض البطاقة ممكن لانه لايوجد رصيد
ومهم انك قبل لاتنزل من الترام تمررها مره اخرى على الجهاز علشان توقف الحسبة ، واذا نسيت حيحسبوها مشوار كامل اللي هو 3 دولار
وفيه منشورات باللغة العربية عند المحطات ممكن تقرءها

الله يجزك خير يا خد القمر .. شرحك وافي ومفهوم الله يعافيكِ

بس لا هنت ِ عندي سؤال

من وين تشترى بطاقة الـ MyKi بالضبط ?

الشيء الثاني سمعت أنو فيه إمكانية كتابة الأسم على البطاقة حتى لوضاعت ؟ هل صحيح وكيف ؟

الشيء الأخير ومعليش ع الأزعاج .. ممكن تضعين رابط الأنترنت لم أشحنها


وبس أسف مرة ثانية والله يوفقك دنيا وآخرة

الله يعافيك

إذا تبيها مسجلة بأسمك لازم تشتريها عن طريق الانترنت وتوصل لك عن طريق البريد خلال اقل من 10 ايام
لكن لو مستعجل
ممكن تشتريها من محطات القطارات مثل ملبورن سنترال او فلندرز وغيرها
لكن البطاقة هذي مايجي فيها اسم لكن تقدر تسجلها عن طريق الانترنت وحتى لو ضاعت تقدر تبلغ ويرسلون لك وحده بدالها وفيها نفس الرصيد من وقت التبليغ

وعلشان تشحنها لازم تسجل في الموقع وتقدر تشحنها عاي واسم عملية الشحن top up

وهذا موقع الشحن اذا مو مسجل https://www.mymyki.com.au/NTSWebPort...topupmyki.aspx
وهنا اذا مسجل البطاقة بالانترنت https://www.mymyki.com.au/NTSWebPortal/Login.aspx

وأي سؤال انا حاضره
وأشكرك على الدعوات ولك مثلها يااااارب

تحمست والله أشتريها
شكلها أحسن وأوفر بكثييير من الميتكارد

لا هنت ِ يا أختي على الجواب الوافي .. والله يسهل أمورك ويوفقك وويرزقك ويسهل دربك .. أبد ما قصرت ِ

الصراحه افضل واوفر من ميتاكارد