استفسار جامعة بالارات طلبوا مني أدفع رسوم التخصص وأنا محتاج آخذ كورس إنجلش بالأول

السلام عليكم

أخواني جامعة بالارات عبيت الأبلكيشن الخاص بهم وكان من ضمن البيانات الي محددينها Do you need to study English language هل أنت محتاج إنك تدرس لغة إنجليزية وحطيت Yes نعم وأيضاً كان في سؤال آخر يقول Do you have an ITELS or TOFEL score حطيت No لا وعبيت الأبلكيشن كامل وأرسلته لهم على الإيميل مع كافة الوثائق المطلوبة فقاموا وأرسلوا لي Offer وأطلعت عليه ولقيت إنهم ما حطوا أي شيء يتعلق بالغة الإنجليزية مجرد على طول أدفع فلوس التخصص كيف كذا أنا لازم آخذ كورس إنجلش بالأول وبعدين أدرس التخصص وخصوصاً أنا ماعندي لا آيلتس ولا توفل وأنا موضح لهم هذا الشيء في نفس الأبلكيشن الي أنا عبيته وأرسلته لهم . مع العلم إني أطلعت في موقع الجامعة وفتشت فيه زين عن شيء يخص اللغة الإنجليزية ولقيت ولكن كل الي لقيته متعلق بالطلاب الي عندهم درجة إختبار آيلتس ما لقيت أي شيء يتعلق عن الطالب الي يبي يدرس إنجلش من البداية وما عنده لا آيلتس ولا توفل ياليت يا أخوان الي درس في الجامعة يفيدني بهذا الخصوص وألف شكر جزيل له .
والي جرب السكن فيها ياليت لو يعطينا رايه في السكن هل هو فيه خصوصية ولا لا يعني عندكم على سبيل المثال هل بإمكاني آخذ غرفة لي لوحدي ولا لازم يكون معي روميت وعندكم دورة المياة وأنتم بكرامة هل هي مشتركة ولا لكل غرفة دورة مياة خاصة فيها .