حوار تحصص المحاسبة

هلا اخوي ..اتمنى يفيدونك الجميع ..ويستفيدون منك

السلام عليكم اخوي انا حالياا ادرس بكالوريس محاسبه في اخر سنه ولو عندك اي استفسار احنا حاضرين بصراحه عن نفسي استمتع بدراسه المحاسبه والصراحه انبسطت فيها

ثانكس ع التعليق خيتو ^^
##
وعليكم السلام ورحمة الله وبركاته
يا هلا ومرحبا اخوي عبودي الله يوفقك يا رب ويسهل امرك ونفرح بتخرجك ان شاء الله يارب

انت بجامعة swinburne صوح

سؤالي انت كان معك دبلوم او بديت من الدبلوم
ويا ليت تعطيني نبذة عن مواد البكالريوس يعني اللي تقدر عليه وش تعتمد عليه المسائل الحسابية او كلام نظري او ابحآث ..


ولك كل الود والاحترام

يالطيب انا تراني خيو مو خيتو
صوح عليك , سوينبيرن
انا يا عزيزي بديت بدون دبلوم يعني فرش
المواد حقات المحاسبه فيه شي مسائل حسابيه بحته لكن مو رياضيات زي ما الناس تتخيل, يعني اصعب شي بيجيك 1+1=2
والابحاث هذي ماعنك وعنها يعني بكل ماده من بحث الى بحثين وبعضها ثلاثه
وبالنسبه للنظري فيه بعض المواد كلها نظري زي Accounting therory وفيه اشياء تحليليه زي management accounting
ف كل انواع الكرف بتسويه
وعلى فكره اذا انك توك جاي لاستراليا يعني في مابديت جامعه : نصيحه لوجه الله غير جامعتك
واذا عندك اسئله ثانيه اسدحهن وانا حاضر

توني اكتشف اني متنح (ترا ماعنده Taxation's exam يوم السبت) خخخخخخخخخخخ
اثرك تقصد foo7foo يومك تقول خيتو خخخخخخخخ
اسف مره ثانيه

لا عادي يالغلا
اكتشفت التتنحيه عادي يالغلاآ

يب انا درستها من سنتين واخذت الدبلوم المشكلة اني ناسي القوائم المالية والحاجات الثانية يعتمدون عليهآ هنآ يعني لازم تسوي < اكيد هذا تخصصك هـع
المشكلة لاني ما راح ابدى من الاساس هنا خايف تصعب علي ,,
انت تشوفهآ سهلة عطنا رايك فيهآ :$

لا ما بديت بالجامعه للحين بس ليش اغيرها ...
انا والله افكر اسحب ع بالارات واروح RMIT وش رآيك

واشكرك ع سعة صدرك واجابتك ع الاسئلة , والمعذرة اني اتاخر لاني ما ادخل كثير
ودي واحنرامي لشخصك الكريم

اول تيتشر حقت محاسبه درستني قالت بأول كلاس ان المحاسبه زي البيانو اذا وقفت عنها فتره تنساها
ف شي طبيعي انك تنسا , انا مثلك درسه سنه في جامعه الامام واخذت 94 بالمحاسبه وبعد 5 سنوات جيت استراليا ودرست من جديد ونفس الماده اللي درستها بالامام درستها هنا وجبت فيها 50 يعني لازم ما تنسا ان اول سمستر او يمكن اول سنه بتكون صعبه علشان اللغه لان اللي تدرسه بالمعهد خرابيط
لكن بعد كذا اذا عرفت الكلمات وكل شي صدقني بتستمتع لان المحاسبه لها كلمات معينه اذا عرقتها خلاص تستخدمها طول الدراسه, طبعاا بيجيك كلمات جديده في كل ماده لكنك بتحفظها على طول لانها تنعد على الاصابع.
وبالنسبه لجامعه بالارات سمعتها مره سيئه ومايروحلها الا اللي ماهو مشا بدراسته والملحقيه موقفين عنه الراتب يعني جامعه مدري كيف اعترفو فيها.
الصراحه انا جالس اشوف الماستر حق RMIT وبصراحه معجبتني المواد حقتهم (شكلي بسجل فيها), وعموماا RMIT جامعه كويسه يعني افضل من بالارات بمراحل

الله يعطيك العافية حبيب قلبي والله عبادي والله يكتب اللي فيه الخير يا رب