استفسار ابغى فزعتكم استفسارات بسيطه

هلا بك اخوي أحمد بالنسبة للمعيشة في ملبورن تراها غاليه خصوصا اذا بتسكن في السيتي
فمثلا للعائلة : الايجار لغرفة وصالة بالسيتي يكلف 1800 دولار شهريا تقريبا
أما اذا بستكن برى السيتي راح تلاقي ارخص
اللي بيجي بدون عائلة اكيد ارخص له لانه ممكن يسكن هوم ستي أو مشترك
-------------------------------------------------------------------------------------------------------------------------------------------

بخصوص افضل الجامعات ... شف الرابط هذا من موقع الملحقية يوضح لك تصنيف الجامعات في ملبورن والجامعات الموقوفه من قبل الوزارة
الملحقية الثقافية في استراليا
----------------------------------------------------------------------------------------------------------------------------------------------

مهما كانت مستوى لغتك... ممكن تدرس بمعهد اللغة اللي تبع الجامعة ويحطونك بالمستوي اللي يناسبك .... لكن نصيحتي لك حاول تاخذ كورسات انجلش بالسعودية علي الاقل تدرس اساسيات اللغة قبل ماتجي هنا.
__________________________________________________ _________________________________

أما القبول المشروط: معناته أن الجامعه شارطه انك ماتكمل دراسة الماجستير الا لما تجيب درجة الايلتس المطلوبة أو انك تدرس بمعهد اللغة اللي تبع الجامعه ... عشان كذا صارت الدراسة بالجامعةمشروطة باللغة.
-----------------------------------------------------------------------------------------------------------------------------------------

مرحلة الماجستير تعتمد علي التخصص اللي راح تدرسه بعضها سنه وبعضها سنة ونص وبعضها سنتين وبرضوه هذا يعتمد علي الجامعه لان كل جامعه لها طريقه
وفيه نوعين من الماجستير: الاول كورس وورك : وهذا تنزل لك مواد بالجامعة فقط بدون رسالة ماجستير.
والثاني بحثي: وهذا ينزل لك بحث أو رسالة ماجستير بدل المواد في آخر سمستر وتقدم فيه بحث وبريزنتيشن لبحثك.
أما وش افضل البحثي ام الكورس وورك: كلها شهادة ماجستير لكن احتمال ( ماني متاكد) انها تفرق اذا حبيت تدرس دكتوراه أن البحثي افضل من الكورس وورك والله اعلم.


أتمني أخوي أحمد اني افدتك
وبالتوفيق لك

اخوي بيض الله وجهك على الرد الشافي

طيب بسألك يعني تكلفة المعيشه في استراليا نفس بريطانيا

و وجهك حبيبي
اذا بتقارن أستراليا مع بريطانيا ,,,, بريطانيا أغلى في كل شي ..... في المعيشة والنقل والسكن وغيرها
اللي يميز بريطانيا قربها من السعودية فقط....

بالتوفيق لك.

طيب بسألك عن البري ماستر يقولون اللي ما يعرف اللغة الانجليزية (اللي لغته ضعيفه) يدخل البري ماستر سنه وإذا اجتاز البري ماستر يدخل الماجستير

والله ياخوي ماقد سمعت بـ ( البري ماستر) ... ممكن أحد من الاخوان يفيدك.

لكن عن واقع ...... أعرف كثير من الشباب جو هنا أستراليا وماكان عندهم أي خلفية في اللغة الانجليزية ( لأن كانت دراستهم البكالوريوس في السعودية بالعربي ) وبدأو دراسة اللغة هنا من مستوى مبتدئ واللحين ( ماشاء الله ) خلصوا اللغة وراح يبدون دراسة الماستر من السمستر الجاي.

نصيحتي لك اخوي..... لاتخلي اللغة عائق امامك.....
مافيه شي صعب بالجد والمثابرة

كم يكفيني شهر في اللغة إذا كانت لغتي ضعيفه

^^^
أخي الكريم!
البري ماستر كورس تحضيري للماستر ويشمل مواد لغة انجليزية اكاديمية ومادة اومادتين تقريبا من نفس تخصص الماستر!!
ومدته فصلين او فصل حسب درجتك بالآيلتس مثلا انا جامعتي الي ناوي الماستر فيها يطلبون 5.5 للقبول بالبري ماستر لفصلين او 6 لفصل واحد فقط!!!
واذا نجحت بالبري ماستر تدخل مباشرة الماستر بدون درجة الايلتس المطلوب لتخصص الماستر وهو تقريبا 7 لبعض التخصصات، وكذلك البري ماستر يطلب عند اختلاف امتداد التخصص السابق عن اللاحق!!!!
في كورس آخر يسمى البريسشنال وهو خاص باللغة الانجليزيةفقط وتطول مدته او تقصر حسب مستواك بدرجة الايلتس ويتراوح من شهر الى عدة اشهر وكل جامعة لها نظامها الخاص بخصوص كورسات البريسيشنال!!!!!!
عموما إذا لغتك ضعيفة ركز بالبداية على كورسات اللغة الانجليزية العامة وبعدها كورسات التحضير للاختبارات مثل الايلتس والتوفل كذلك يمكنك الالتحاق فيما بعد باللغة الانجليزية الاكاديمية لتتهيأ للدراسة الأكاديمية مستقبلا!!!!!
وفقك الله الى مافيه الخير.. تحياتي.

للي مستواه ضعيف في اللغة

في بعض معاهد اللغة ( فيها خمس مستويات ) يعني تعطيك 50 أسبوع وبعض المعاهد ( فيها ست مستويات ) و تعطيك 60 أسبوع يعني حول السنة

أفضلك أنك تدرس في معهد اللغة التابع للجامعه اللي راح تدرس فيها الماستر عشان تدخل داريكت لدراسة الماستر اذا خلصت اللغة وبدون ما تختبر ايلتس

الله يجزاكم خير