قبلوني RMIT وماعرف شو اسوي ><"

عليكم السلام ورحمة الله وبركاته ..

اختي الكريمة ..

من ناحية استراليا والمدينه الي بتكون جامعتك فيها " ملبورن " حسب معلوماتي هي أفضل مدينة في العالم" لعام 2011 وحصلت ايضا في هالعام 2012 على افضل مدينة للعيش

ومن ناحية العنصريه حالات فرديه جداً ويفيدك في هالامور الاخ صالح هو عايش الاسترالين : d

واصلن استراليا فيها مسلمين كثير يعني ان شاء الله ماعليك خوف اختي ..

بس حاولي تكوني مع قروبات بنات لمن توصلين هناك وبالليل لاتطلعين وحدك ..


دعواتي لك بالتوفيق ..

لا تحاتين الامور طيبه ان الله راد ودام السكن قريب من الجامعه جدا موفقه ماعليج خوف وملبورن كلها مسلمين وعرب وبصراحه ما شفت عنصريه هني الوضع عادي بالعكس احسهم يساعدون اكثر من غيرهم

توكلي على الله ولا يردك شيء....

أنا لي أسبوع من وصلت ملبورن وساكن جنب جامعتك
ونطلع أنا وزوجتي ونجي ولا أحد له علاقة بالثاني كل واحد بحاله بالعكس شعب ممتاز والحمد لله بس الواحد ما يطلع بعد الساعة خمسة العصر أفضل له لأن الساعة خمسة العصر تقفل أغلب المحلات وهذا نظام استراليا بشكل عام.
وكل شي متوفر والحمد لله.

توكلي على الله ولا تخافين.
ومن ناحية الحجاب كثير المحجبات هنا والحمد لله وما فيه مضايقات أبد.

ومن ناحية إلي درس ورسًبه المدرس هاذي تجربته وكل واحد له تجربته وبالتوفيق.

لا تسمعي للإشاعات .. البلد آمان ومافيها شيء .. ومحد من اعضاء هيئة التدريس يقدر يسوي لك شيء غير اللي تستحقيه نظاماً .. في إدارات بالجامعة خاصة بشكاوي الطلاب وتتابع معاملاتهم وتحقق في كل كبيرة وصغيرة ..
مبروك القبول .. وتوكلي على الله ز.

- - - مشاركة محدثة - - -

لا تسمعي للإشاعات .. البلد آمان ومافيها شيء .. ومحد من اعضاء هيئة التدريس يقدر يسوي لك شيء غير اللي تستحقيه نظاماً .. في إدارات بالجامعة خاصة بشكاوي الطلاب وتتابع معاملاتهم وتحقق في كل كبيرة وصغيرة ..
مبروك القبول .. وتوكلي على الله ز.

وعن موضوع السكن لا تستعجلي وتحجزي وأنت لسه ببلدك .. تعالي واسكني بفندق يومين أو ثلاثة .. لحد ما تشوفي الأنسب لك من حيث التنظيم والمساحة والنظافة والموقع والسعر ..

من ناحية الحجاب اختي لا تخافي ابداً و اطمني ، المسلمين موجوديين و بكثرة
و الشعب جداً محترم و حالهم حال نفسهم ، و اذا حصلت مضايقات (نادرة جداً) تكون من اشخاص مو متعلمين او كبار في السن ، اما في الجامعة فما مر عليا ابداً ، الكل محترم و يعاملك زيك زي غيرك!
و اذا حصلت مضايقات ففي نظام يردعهم زي ما ذكر الاخ .. و هذا سبب احترامهم للجميع حتى لو ضمروا في نفسهم العكس!!
و عالامارات ، خصوصاً دبي ، يا حبهم لها )))

موفقه عزيزتي و توصلي بالسلامه :]

*دبلوم صيدله : يعطيك العافيه كفييت ووفيت وودام فيها مسلمين وايد انشالله ماعلي خوف ربي يوفجك

* الهاشمي : الحمدلله ريحتني ولا كنت خايفه من هالعنصريه مشكوور الغالي

*طآل السـفر : مشكوور طمنتني الله يطمنك

*Chair man : الحمدلله انه البلاد امان وهي لا تحاتي عسب جي انا بيي ملبورن شهر واحد عسب اشوف الوضع وادور لي سكن جريب من الجامعه
بس ماشالله حصلت وايد ويعطيك الف عافيه اخوي والله يبارك ف عمرك

* Marwa~ : ماقصرتي فديتج والله يوفجج ف دراستج


تسلمووووووووون صراحه ماقصرتوا والله اني ارتحت واااااااااايد ولا كنت متردده ومحبطه ربي يعطيكم الف عافيه ويوفجكم ف دراستكم ياارب

مشكور اخوي صيدلة على الاطراء الجميل وهذا من ذوقك وطيبك, وابد ماازيد على الأخوان كلهم خير وبركة والحمدلله اكملت اللغة والان الماجستير ماشاء الله وماشفت اي حالات عنصرية في الدراسة الجامعية او انه احد يتصيد لك لأنك مسلم بالعكس اللي بيجتهد راح ياخذ حقه وفوقها بوسة بعد وبعضهم يعرف انك مسلم ويحترم شعائر دينك خاصة في رمضان وصلاة الجمعة (وان كان بعض ربعنا ماينعطون وجه واخذوها بزوطه من هالباب ) والشعب الأسترالي مااقولك انهم فرندلي او انهم راح ياخذونك بالاحضان مثل الامريكان وايضا ماهم متعصبين او عنصريين لكن هم عمليين جدا هم في حالهم وانت في حالك واذا طلبتهم في اي معاملة او خدمة في الجامعة او البنك او اي مكان مايقصرون ويتساعدون.

بالنسبة للحجاب الحمدلله فيه اخوات لنا هنا ماشاء الله عليهم يلبسون يتلثمون وفيه بعضهم وان كان نادر تلبس عباية ونقاب مثل الخليج عندنا وطبعا خليك واثقه ولاتخافين ومحد يقدر يتعرض لك دام انك في مكان عام ووسط ناس.

دعواتك وبالتوفيق.

ان شاء الله بالتوفيق لكن حاولي ما تخرجي في وقت الليل لإجتناب أي مضايقات, لكن ان شاء الله أمان و لا تنسي تحصني نفسك
و مبروك القبول ما شاء الله عقبالي