مساعدة مبتعث جديد في ملبرون

السلام عليكم ورحمة الله وبركاته

ممكن فارق التوقيت يجعلكم لاتستطيعون الرد علي اقدر انشغالكم

واشكركم

- - - مشاركة محدثة - - -

السلام عليكم ورحمة الله وبركاته

ممكن فارق التوقيت يجعلكم لاتستطيعون الرد علي اقدر انشغالكم

واشكركم

أهلين أخي العزيز أبوريناد
بالنسبة للمدآرس الصرآحة ماعندي فكرة عنهآ بس بإمكانك تشوف بعض التجارب في المنتدى وتبحث فيهآ..
بخصوص الحي أنصحك تسكن في نفس حي الجامعة الي هو باندورآ أولا لقربه من مقر جامعتك خاصة إذآ درآستك كلهآ بتكون في باندورآ والشيء الثآني الأسعآر معقولة لكم لأن سكنك في السيتي رآح يكون أغلى مع العلم أن باندورآ متوفر فيهآ مولات وأسواق وكل ماتحتاج..وبالنسبة ياأخي العزيز للمواصلات فأنا رأيي إنك تشتري سيآرة لأن معاك عائلة أريحلك وأنسب من المواصلات العامة والسيارات المعقولة قيمتهآ من 3500دولار إلى 6000دولار أسترآلي حسب السيآرة ونوعيتها وموديلهآ. بخصوص اللغة ماعليك إن شاء الله لاتشيل همهآ بتمشي أمورك كلنآ أول ماجينا تسهلت أمورنآ ولو حبيت أستقبلك شخصيآ ماعندي مانع .بالنسبة للمعيشة يعني لازم يكون معك أول ماتوصل من 20 إلى 30 ألف ريآل وكل ماكان المبلغ أكثر بيكون أريح لك عشان تمشي نفسك فيهآ لحد ماتصرفلكم الملحقية الرآتب..لكن بشكل عام أنت الي تحدد مصروفاتك بنفسك والمعيشة نوعآ ما ليست بالغالية تقريبآ متوسطة لكن ربما أول ماتجي تلاقي صعوبة بسيطة وبعدين بترتاح وبتستقر...أتمنى أكون أفدتك وأنآ موجود لو أحتجت شي حتى لمآ توصل أبشر بالفزعة حنآ أخوان...بالتوفيق لكم

عليكم السلام ورحمة الله وبركاته

حياك الله اخوي هشام ومرحبا بك في مبتعث

اسمح لي ابدا ب الاجابة على اسالتك بشكل مباشر:

1- مدارس قريبة من الجامعة . بنتي الكبيرة اولى متوسط واثنين 5-4 ابتدائي.
بكل تاكيد لن تبحث عن مدارس قريبة من الجامعة .. يجب ان تكون المدارس بجانب المنزل .. مقر الجامعة في وسط المدينة والمركز التجاري لها (هناك احتمال ان تكون دراستك في مقر اخر غير الستي)

2- حي تنصحوني بالسكن فيه.
بريستون وماجاورها .. احياء عربية وجالية مسلمة والاحياء ع امتداد سدني رود كوبرغ وماجاوره ( بالنسبة للحي الذي ذكره المسافر فهو ليس قريب من RMIT حسب علمي!)

3- احتاج سيارة للتنقل ام يمكنني ان اتنقل بالمواصلات العامة.
نعم تحتاج في حالتك بكل تاكيد ولا تستطيع استخدام المواصلات الا ف الذهاب للجامعه فقط

4- تكلفة المعيشة في ملبرون للاسرة مكونة من خمس اشخاص.
كثير جدا جدا

5- هل الطقس في ملبرون يحتاج لملابس برد أو الجو معتدل مع العلم انا من سكن مدينة جدة في المملكة العربية السعودية.
نعم الجو بار في الشتاء ومتقلب .. سوف تشهد فصل الصيف والشتاء في نفس اليوم بشكل طبيعي

6- انا واسرتي انجليزيتنا ضعية هل ستكون هناك مشكة في التعامل .
راح تعدي لاتشيل هم

أهلا أخي العزيز وشكرآ على مشاركتك معنآ بإفادة أخونا هشام...
بالنسبة للحي الي ذكرت باندورآ هو قريب ل فرع الجامعة الي في باندورآ وكما ذكرت مسبقا لأخي هشام قلت في حالة إن البرنامج كان في بندورآ لكن أود الإشآرة إن rmit لهآ فروع أخرى في السيتي والبرونزويك ولازم أخونا هشام يتأكد من الأوفر الي معاه وبأي كامبوس عشان نفيده بأفضل طريقة وشكرآ لك

الله يعطيكم العافية وعلى المعلومات لانه كنت في خيرة من أمري والله كنت شايل هموم كبيرة بسبب اني انزل في دولة جديدة علي وعلى اسرتي

وبيض الله وجيهكم جميعاً وان شاء الله حكون متواصل معكم الى ان يتم حضوري الى استرالية واي شخص منكم يرغب في شيئ من جدة يأمر أمر بأذن الله في مطلع شهر 6 تكون رحلتي

على فكرة ايش احسن خطوط اقدر اسافر عليها بحكم تجربتكم

وشاكر لحسن كرمكم وجوابكم على استفساراتي

أهلين أخوي هشام حياك الله وبالعكس وأنا أخوك ماسوينا إلا الواجب وإن شاء الله رحلة موفقة لكم...بالنسبة للطيرآن فأنا أشوف إن الخطوط الإماراتية والقطرية هي أفضل الخطوط المتوفرة ولديهم رحلات مباشرة من الدوحة ودبي إلى أستراليا وملبورن تحديدا في حال لو بغيت تكون رحلتك مباشرة من جدة لدبي ومن دبي لملبورن مثلا...أمآ في حالة إنك تبغى تريح لك ليلة أو ليلتين بحكم معاك أطفال فأنصحك أخي العزيز بالذهاب من جدة لماليزيا كوالالمبور وتريح فيهآ بحكم موقعها بالمنتصف بين السعودية واستراليا ثم بعد ذلك تستكمل رحلتك من كوالامبور إلى ملبورن مع العلم أن ماليزيا لاتشترط فيزة لدخول السعوديين يعني دخولك لهآ سهآلات مره...وربي يكتب لك الخيرة

السلام عليكم اخي انا ارى ان ابو غادة كفى ووفى
وافضل حي باعتقادي بريستون ترا شوي بعيد عن السنتر
وحنا زيكم عايله تونا ماصارلنا خمسة ايام في ملبرون بس صراحه مدينه جميله وجوها عليل ودافي لكن لايمنع انك تحضر بعض الملابس الشتويه
من ناحية السيارات قبل يومين كنت افتر عند المعارض اللي قريبه من السكن اسعارهم جدا معقوله يعني تحصل من 2000 دولار الي 9000 منها انواع هونداي كامري من هذي الانواع حلوه ..
ان شاءالله مفكر اشتري سياره لانه المدينه يفضل ان تكون لديك سياره
وقطاراتهم جدا حلوه ومريحه وهاديه مافيها مشاكل ولا ازعاجاتك والشعب جدا طيب وحبوب
وبخصوص السكن مثل مانصحت اخوي رائد تقدر تقرا تعليقي في موضوعه بخصوص السكن
بس يبيلك تجيب معك مبلغ جامد انا واهلي اكلنا هواء لاني جبت معي فلوس لاتكفي اغلبها راحت على السفر من كانبرا الى ملبرون وعلى الشحن الجوي وعلى الايجار الفندقي في كانبرا ومن ثم ملبرون
اسعار ايجاراتهم مره غاليه وانصحك تكاسي لاتاخذ جدا غاليه تكاسيهم فقط خذ من المطار الى الوجه التي انت تريدها .
اتمنى اني افدتك ولو بالشي البسيط ولاتواخذني اذا قصرت معك بشي لاننا حنا زي حالتكم تونا جدد بس الحمدالله جالس نستكشف المنطقه ولقينا اسعار ايجارات جدا ملائمه يبيلك تبحث عشان تطيح على السعر الزين
ويكون قريب من مقر الدراسه او التاون
شكرا