مطلوب : منزل للايجـــــــــــار المؤقت من 15 july سنة 2013 في ملبورن (بندورا)

السكن وما ادراك مالسكن والله ياخوك انا واهلي صار لنا شهر وللحين ساكنين بفندق والظاهر بناخذ عقد معهم سنه والسبه السكن

الا خ خالد
ارجوا توضيح المشكلة في عدم حصولك على سكن منذ شهر .
هل السبب غلاء ااسعار او عدم توفر سكن مناسب .......
وشكراً

هلا وغلا باخوي شف انا والله ما ابي احبطك ....
لكن انا بحثت بالمواقع لقينا الاسعار بالتاون غاليه مره جدا جدا غاليه
لكن لو تبعد عن التاون ممكن تحصل بس هم السعر غالي يعني الفرق بسيط وغير هذي يقولون الفواتير تكسر الظهر يعني واحد من العيال جاري بالفندق يسولف لي يوم كان ساكن بشقه هو واهلها كانت الفواتير ترهقهم جدا وطلع من الشقه ورجع اخذ مع الفندق عقد لمدة سنه وهو اللي نصحني اجلس بالفندق بعقد معهم والفندق يشيل عنك الكهرباء والمويه والغاز والمواصلات يعني هو اللي يوديك التاون ويرجعك للسكن وغير هذا فيه مميزات حلوه مثلا نادي رياضي وحمام سونه ومطعم وغير هذا ماتحس بالغربه كنك سايح
منت مغترب المهم انا قلت بجرب واشوف الاسعار وشهي اللي احسن الشقه ولا الفندق طلع اسعار الفندق ارخص واوفر لي من السكن بشقه بس لو تبي الاستقلاليه يعني مثلا تبي لك غرفتين وثلاث تحصل بس بسعر نار مره
وغير ذلك ياخوي يوم شفت غرف الشقق انصدمت مره ضيقه تجيب الهم لكن اللي ابي اقوله لك اذا انت الله منعم عليك وعندك دخل غير راتب الملحيقه تقدر تسكن بشقق غاليه وسيعه هنا ياخوي انا انصدمت من استراليا اسعارهم مره نار لامن شققهم ولا من اكلهم وشربهم عصير الفانتا ب ٥ دولار وش شارب انا فانتا من ذهب
كل شي غالي عندهم والله المكافاه احسبها على انها ٤٦٠٠ ريال سعودي ما احسبها على انها دولار بسبب الغلاء لو يرجع الزمن وراء كان اخترت امريكا ولا جيت على استراليا تحسفت انه جينا استراليا لكن نقول الله يجب العواقب سليمه نتحمل عشان الدراسه والتوفيق والله يسهل عليك وعلينا يارب
بالتوفيق ان شاءالله

مشكور على التجاوب

انت ما احبطتني الااا فجعتني

بكم مستأجر الفندق بالشهر وعنوانه لو تكرمت

هلا وغلا باخوي الله يبعد عنك الفجيعه يارب وهذا الرابط فيه ردي على احد الاخوان موجود فيه عنوان الفندق واسمه وكم سعره اذا اخذت عقد معهم

http://www.mbt3th.us/vb/forum114/thread416757.html نسيت احط الرابط تفضل طال عمرك