وش أفضل معهد rmit او معهد هوثرون؟؟؟

الموضوع له اربع ايام وما فيه احد رد
لذلك من الأنسب تروحي لمواضيع معهدنا هوثورن ومواضيع معهد رمت وتقارنين وانتي الحكم
شكرا

انا ادرس في معهد ارمت المعهد جيد ودراسته ممتازه بس عيبه انو مليان سعوديين كانك تدرس في نيوهرايزن الي في جده لكن المناهج الي فيه ممتازه وتعتمد علي الدراسه الذاتيه اكثر من الكلاس واحسن شئ في المعهد انو بمجرد مايخلص المستوي السابع يروح علي الماجستير علطول لا ايلتس ولا برجن كورس بس للمعلوميه جامعه مالبورن ماتقارن بجامعه ارمت
والله الموفق

أختي استخيري ، و الله يكتب لك الخير ..
أنا جربت معهد هوثورن و من وجهة نظري المعهد ما فيه شي زائد! كانت تدرسني مدرسة سيئة ، لدرجة انه اذا قالت كلمة جديدة علينا و طلبنا منها السبيلنق تتكاسل تكتبوا عالسبورة و تنقلنا هوا تنقيل!!
هذا ما يعني انه الكل سيء ، اكيد فيه ناس ممتازة ، لكن الشغلة حظوظ و توفيق من رب العالمين .. ممكن غيري تكون تجربته مع المعهد ممتازة لانه درس مع مدرس ممتاز ..
و اكيد نفس الكلام ينطبق على ار ام اي تي و غيره
نقطة كنت ما احبها في هوثورن انه عندهم بريك ساعتين .. المفروض ساعة غدا و ساعة سيلف ستدي ، واذا ما ناسبك جو المذاكرة هناك حتضييع عليك الساعتين عالفاضي ..
لو حتدرسي جينرال تبدأي ٨ و نص و تاخدي بريك الساعة ١٠ و نص و ترجعي للكلاس ثاني الساعة ١٢ و نص ، و تخلصي ٢ و نص .. كنت احس انه يومي كله ضاع في المعهد.
اما مثلا في معاهد زي موناش البريك ربع ساعة ، صحيح انه قصير ، لكن تخلصي بدري ، و اتوقع انه انسب لوضعك بما انه عندك عائلة :]

و زي ما ذكر الأخ ، اذا عندك نية تكملي في غير جامعة ملبورن أو موناش ، ادخلي معهد الجامعة لانه مجرد ما تعدي المستويات تدخلي من دون ايلتس.

و الله يوفقك و يختار لك الأصلح