استفسار عن معهد اللغة في جامعة مردوك

ياليت احد الاعضاء يفيدنا لا ني انا بعد بنفس الجامعه ولاادري عن
المعهد وقرب موعد السفر يوم الاثنين وعلى فكره
ترى اسم الجامعه موردخ

ايه ياصديقي على حسب ماسمعت عن بعض طلاب التمريض بجامعة كيرتن انه الكورس يبدأ كل سنة واعتقد هذا النظام ينطبق على كل جامعات استراليا بس تأكد

السلام عليكم
انا دراستي بعد شهر بجامعة مردوخ في بيرث وياليت احد يساعدني بالحصول على شقه عائليه او اماكن سكن

طيب بالنسبة للمعهد هل هو قوي أو لا ؟
وبالنسبة للتخصصات الثانية هل مفتوحة طول السنة يعني ماهو مثل التمريض؟

وش السالفه محد يرد شكل كل اللي هنا يبون يروحون بتاريخ واحد ولا احد يعرف شي لكن اللي يروح اول يكتب موضوع ويريح الجميع

اخوي اللغه مدتها عشر شهور ومحسوبه مع اجازاتهم االلي ماتخلص يعني قل بالكثير انك راح تدرس 9 شهور وعاد اذا ماخلصت اللغه بتكون المشكله منك مو من المعهد وثاني التمريض يبيله انجليزي مو هين وتراك محظوظ لأنك بتدخل السنه التحضيريه بدون اختبار ELTS اللي معقد حقين جامعه غرب استراليا وحقين كيرتين

وعن نظام التمريض والله ماعندي خبر بس راح استفسر لأني اعرف كم طالب بيدرس تمريض والله يسهل ان شاء الله
وماابي ألا دعاواتك لي بالتوفيق

المعهد عشان اكون معك صادق سيء جدا وادري اني حطمتك بس الله يعين وترا المعهد بس حق grammer and writting حق قواعد اللغه والكتابه والباقي يعتمد عليك يعني لا اوصيك بقراء الكتب والاستماع اللراديو وابي اوصيك بكتاب جدا راح يساعدك اسمه ( garmmer in use ) هذا جدا جدا جدا مفيد وراح يفيدك وطريقته ترا self- study يعني درس نفسك من دون مدرس واحسن وقت للكتاب هذا بعد ماتخلص المستوى الاول من دراستك
والله يعين

الف شكر لك يالقيصر واعذرني على التأخر في الرد

وتحياتي لك