السكن مع العائلة وكذالك السكن الجامعي

السلام عليكم ورحمة الله وبركاته والصلاة والسلام على سيدنا محمد
نظام الشيرنق ان يكون البيت مأجر على غرف من قبل المالك للطلبة ويكون المطبخ والصالة عادة مشتركة مع بقية الطلاب اللي معاك في البيت نفسو وعادة مايريد عن خمسة طلاب اما الحمام وانت بكرامة على حسب البيت في بعضها يكون مستقل وبعضها انت واحد ثاني مثلا وانا افضل انك اذا جيت تدور على شباب سعوديين وتسكن معهم انت اذا جيت بتتيسر
توصل بالسلامة انشاالله

مثل ما ذكر الاخ الكريم بالنسبه للشيرنق ...
بالنسبة للعائله فالسكن مع العائله له فوائد وله قليل من العيوب .. الفوائد انه مكان ممتاز للمارسة و اكتساب اللغه , العائله تعرفك على البلد و تمشيك , تتعرف على عادات البلد و ثقافته , العائله مسؤوله عن سلامتك يعني بينتهبون لك زي ولدهم , مسؤولين عن اعداد الفطور و العشاء لك طبعا الغداء انت بتكون يا بالجامعه يا بمعهد الانجليزي, مسؤولين عن غسل و كوي ملابسك. طبعا في المقابل هم يتوقعون منك بعض المساعده يعني على سبيل المثال ينتظرون منك ادبا و ذوقا انه انت تنظف صحنك اذا خلصت اكل , انك تساعد في ترتيب البيت قدر استطاعتك , في الويك اند ما تنام الى العصر لا يبونك تصحي على 10 يعني و تقعد معاهم طبعا تقدر تهمل كل الاشياء هذي بس بيكون تعاملهم معاك سيء و هذا الشي انت ما تبيه. اعتقد انه السيئه الوحيده انه ما تقدر تاخذ راحتك في الترويش و ما تقدر تعزم اصحابك زي ما تبي.

بالنسبه للسكن الجامعي فهو متعب و انصحك تبعد عنه لانه من جد ما فيه خصوصيه و ازعاج و قرف .... و ربي يوفقك ان شاء الله و توصل بالسلامه

جزاكم الله خير على المشاركات

اسف عليكم على الحاح بس ابي معلومات كثيره عن الفرق بين السكن العائلي والجامعي من ميزات وعيوب بس الي الاخوان الي جربوا اخوكم محتار ارجو مساعدته ولكم الشكر

وعليكم السلام والرحمه والبركه

هلا فيك عزيزي انا وضعي مثل وضعك تقريبا بس في لغة كويسه الحمد الله

بالنسبه للسكن مثل ما قالولك الأخوان ما قصرو ..

أنا مقرر ان شاء الله انه اسكن مع عائلة لأنه بيفيدوني كثير من ناحية انهم بيعرفوني على الاماكن والمناطق والعادات وغير انه بيزيد المحصول من اللغة ..
أبعد عن سكن الجامعه لأنه ابدا ما ترتاح انا مجرب بدولة ثانيه

وان شاء الله اذا حسيت انك متمكن من اللغة وصارت عندك خلفيه عن المناطق يصير تأخذ سكن لحالك او مع اي طالب ثاني

هذا رأيي

تقبل مروري

تحياتي للجميـــــع