مرافقة الموظف الحكومي لزوجته

في البداية اسأل الله لي ولكم التوفيق، أما في ما يخص تساؤلكم نعم يحق لك أخذ اجازه استثنائية لمرافقة زوجتك بمدة الدراسة كاملة وهي اجازة بدون راتب لكامل المدة، ولاتحتسب هذه المدة ضمن خدمة الموظف، ولا يحق لجهة العمل عدم الموافقة على منح الاجازه وبإمكانك مشاهدة بعض التعليمات المتعلقة بها في لائحة الابتعاث بموقع الخدمة المدنية.
آرى من وجهة نظري اذا تمكنت من الحصول على اجازة دراسية افضل لانه يحق لك تسديد مستحقات التقاعد وبالتالي تحسب السنتين أو الثلاث ضمن خدمتك لاغراض التقاعد وايضا تحسب هذه الفترة اذا حصلت على المؤهل المتفق عليه عند منحها تحسب الفترة لاغراض الترقية وخلافه وهاذي يحق لجهة العمل الموافقة أو الرفض اي بمعنى غير ملزمة.

تحياتي

الله يبشرك بالخير يا AMAQ
و يجعل كل ايامك اخبار سعيد ...
و لكن كيف ممكن احصل على اجازة دراسية و انا مجرد مرافق و ليس لدي بعثه ؟؟؟؟...
او تقصد اني احاول اكمال الماجستير بعد الانضمام للبعثه هناك ، و بعدها احاول تغيير الاجازة الاستثنائية الى اجازة دراسية بعد الحصول على البعثه ؟؟؟

في البداية قبل لا تحصل على الاجازة الاستثنائية، حاول تحصل على قبول مبدئي في أي تخصص ترغبه، ويفضل لتسهيل عملية موافقة العمل على منح الاجازة الدراسية أن يكون التخصص له علاقة بعملك.
بعد كذا بلغهم انه عندك قبول مبدئي للدراسة وانك ترغب في الحصول على اجازة دراسية، ووضح لهم أنك في كل الحالات راح تطلع لآنه اذا ما طلعت اجازة دراسية راح تطلع اجازة مرافق وبكذا غالباً راح يتعاونون وبنفس الوقت تضمن نوعا ما الجامعة اللي راح تواصل دراستك فيها.
طبعاً القبول المبدئي ما يتطلب لضمان مالي ولا خلافه، اذا شفتهم في ما يخص الاجازة الاستثنائية فيه لف ودوران وماودهم يعطونك روح للخدمة المدنية وهم يتساعدون معاك ويضغطون على عملك على اساس يوافقون لآنه فيها أمر ملكي واضح.
طبعا راح تروح بتأشيرة مرافق أول ما توصل لاستراليا تروح للجامعة اللي اعطتك الموافقة المبدئية وتطلب دراسة اللغة لمدة خمسين اسبوع حسب النظام راح يعطونك الملحقية الضمان المالي وتناقش مع المعهد طريقة تغيير فيزا المرافق لفيزا دراسية وراح يدلونك.
بعد ما تخلص من اللغة تاخذ منهم القبول النهائي الغير مشروط لدراسة التخصص الاكاديمي وترسله للملحقية ويتم الضم للبعثة وتبدأ الدراسة ووقتها يتم صرف لك راتب مبتعث.

وبالتوفيق واي استفسار حاضرين

تحياتي

بصراحه جاوب وافي جدا ...
و كل هذا ما كان في بالي ...
شكرا انك فتحت عيوني على اشياء و طرق مهمه ...
و جزاك الله كل خير ...
و لا تخاف كل ما اتذكر شي راح اجيك ما نستغنى عن نصائحك ...

ولا يهمك في الخدمة أخي العزيز أي وقت ولا يردك الا لسانك.

اخى العزيز

انا مرافق مع وزجتى المبتعثه وطلعت من العمل على اساس اجازة مرافقه بدون رايبئز والان انا ادرس فى الجامعه ولا ازال فى اجازة مرافقه بدون رايب هل تنصحنى ان ارجع السعوديه واقدم او اغير الاجازه الى اجازة دراسيه؟

بالتأكيد أنصح لكن جرب في البداية انه يتم ابتعاثك عن طريقهم، اذا تم الرفض حاول تحولها الى اجازة دراسية.

سؤال ليش يوقف الراتب للمرافق
طيب هو بيدرس ومرافق لي
اروح لحالي يعني انا ومبزرتي
كن قرارهم تعسفي ولاتحسون عادي؟؟؟؟؟؟؟؟؟؟؟