محتار بين الاستمرار في التعليم او الانتقال للجامعة لأسباب مقنعة...

معيد وتوكل على الله


واستخير واستشير


بالتوفيق

ماشاء الله تبار ك الله
المميزات
المستوى السادس
مقبول في الدكتوراه داخل المملكة مع التفرغ
وتقول مدرستك رائعه وبجنب البيت
وعندك مشروع تجاري

من رأيي لا تروح للإعادة , لو انك في مطلع العشرينات كان نقول توكل على الله, ولكن أنت حققت اشياء في حياتك فلما العودة للوراء.
إذا أنت ما انت مرتاح نفسيا في عملك توكل الله واذا مرتاح لا تغير

بالنسبة للغة ليست عائق أمامك في مواصلة الدكتوراة في الخارج لأنك سوف تأخذ كورس لغة إنجليزية مدته سنة تقريبا وبعدها تبدأ في برنامج الدكتوراة.

من رأيي بعد ما تحصل على الدكتوراه من السعودية قدم عليهم على وظيفة استاذ مساعد وعسى الله ييسر امرك

الرأي الأخير أستشر من لهم باع طويل في العمل الجامعي ..

محبك معيد في الجامعة

أنا أشارك أخي أبو عبدالاله الرأي

يعني ما شاء الله تبارك الله

المستوى السادس + قربها من منزلك + تفرغ لدراسة الدكتوراة بالسعودية + مشروع تجاري <<< الله يزيدك من نعيمه

فليش تطلع برا وتتعب نفسك والله انه قلق نفسي ومراسلة جامعة وقبولوك وما قبلوك ومن هالكلام وغير كذا والله من مستوى سادس لين معيد والله انها شينه بحقك بحكم عمرك وأنا أتوقع انك في عقدك الثالث وداخل على الرابع يعني والله تعب نفسي غير طبيعي

وأسدى لك أخوي ابو عبدالاله نصيحة بأنه خذ الدكتوراة وبعدها قدم على احد الجامعات وخصوصا كليات المعلمين وبتأخذ بمشيئة الله أستاذ مساعد وبكذا حققت اللي تصبو اليه بوقت أسرع وأنت مرتاح بين اهلك وعيالك

لك مني كل الاحترام والتقدير

أخوك أبو مالك

اولا بماان عندك ماجستير المفروض ان تتعين علي مرتبه محاضر وليس معيد (الي عندهم بكالوريوس) بس ماادرى يفرق راتبك عن المعيد العادى بحكم عندك ماجستير + خبره ماشاء الله
واذا علي اللغه لاتشل همها ابدا لان عندك سنه لغه

أخوي المال يجي ويروووووووووووووووووح لكن العلم هو الباقي لك ولأولادك ولأهلك ،،،

أنصحك تستغل هذه الفرصه وتكمل الدراسه وتكون من أعضاء الجامعه لأنها فرصه أعتبرها ذهبيه واعتبرها مكافأه من رب العالمين لك على تعبك وجهدك في المدرسه ،،،،


راح تتذكر كلامي زييييييييييييييييييييييييين بعد ما ترجع من البعثه والكل راح وهو ما يعرف الحرف ولكن رجع بأحسن اللغات ،،،


ربي يوفقك وأي سؤال أحنا جاهزين ،،،


أختك

أولاً وأخيراً اتمنى لك التوفيق وعسى الله يكتب لك الخيرة من أمرك ..

أنا من رأيي إنك تكمل دكتوراه في جامعة الإمام ..

يعني عندك تفريغ من الوزارة وبتكمل على نفس الدرجة العلمية الي بيقدم عليها طالب الدكتوراه من الخارج ( صحيح الشهادة من الخارج

افضل بكثير ولكن مهما كان تبقى الدرجة وحده والراتب نفس الشي )

غير كذا انت يالغالي بتكمل دراسة لغة بعد ماتتحصل على درجة استاذ مساعد .. يعني تقدر تآخذ كورسات لغة انجليزية وتقدر تلحق

وانت مرتاح نفسيا وبدون ماتضغط نفسك ..

اتمنى لك التوفيق ..

كل عام وانت طيب وعساك من عواده ..

مشكوره اختي الكريمة على النصيحة وجزاك الله الف خير

اخي ابو عبدالإله أشكرك على النصيحة الرائعة المتزنة التي تجمع بين الرؤية البعيدة والرؤية الحاضرة...
بصراحة اجابة على تساؤلك حول مدى راحتي في عملي فأنا ولله الحمد مرتاح إلى حد ليس بالبعيد لأن مهنة التعليم العام مهنة شاقة وفيها ضغط في العمل ومع ذلك فإني ولله الحمد أتمتع بعلاقة حميمة مع الهيئة الإدارية بالمدرسة والمعلمين بل و الطلاب الذين لم يتركوني من كثرة اتصالاتهم ورسائلهم التي يعبرون فيها عن مدى حبهم وتقديرهم لي إلا أن تعامل وزارة التربية مع الأسف فيه نوع من الدونية والشدة بل والجاسوسية في بعض الأحيان... ناهيك عن نظرة المجتمع الدونية لمعلم التعليم العام

رأيك جداً رائع والذي أشرت فيه إلى أن أتقدم على الجامعة بعد الحصول على درجة الدكتوراه وهو رأي أعتبره من باب امساك العصا من المنتصف إلا أنه تحفه بعض العوائق منها:
1. ان الواحد منا لايدري هل سوف تتاح له فرصة ( وظيفة شاغرة ) أم لا وان حصلت فرصة فهل سوف يتم ترشيحك للوظيفة أم لا؟ وهذا ما أشارت له الأخت د. نوره في ردها علي
2. أخبرني أحد أعمدة القسم في الجامعة أن أعضاء هيئة التدريس في القسم شبه متواطئين على عدم قبول من يحمل مؤهل دكتوراه من السعودية في القسم بل لابد أن يكون من الخارج ومن دولة وجامعة متميزة من باب ( ليش انا نتمرمط وهو لا )
في النهاية ردك والله رائع ومشورتك أروع وأنت أروع وأروع...

يعطيك العافيه اخوي ابو مالك...
وما شاء الله عليك جبت عمري وبالثمنيات بعد فأنا الآن عمري 32 تقريباً ومثل ماقلت من مستوى سادس إلى معيد قوية شوي وهو بداية المرمطة من جديد بعد ما تمرمطنا في بدايات تعيينا في التعليم العام.
ولكن الذي يجذبني للتعليم العالي هو مرونة النظام التعامل الراقي طبقة أعضاء هيئة التدريس في الجامعة والتي سوف تخالطها تختلف عن التعليم العام و ووووووو مميزات أخرى في التعليم العالي وهذه فرصة والفرص كما يقولون لاتعووووود
وتقديمي بعد الحصول على الدكتوراه في أمور ذكرتها في معرض ردي على اخي ابو عبدالإله

وشاااااااكر لك الله يحفظك ويوفقك