وزارة التربية والتعليم وافقت لكن لازم توفل؟

حتى لا تضيع الجهد على نفسك لازم التوفل او بدائله ولو ترسل لهم توفل بدرجة 349 يعيدون المعاملة لذا انصحك باختبار بديل التوفل بجامعة الملك عبدالعزيز هذا الي اخترته انا وارسلت اوراقي من وزارة التربية الى الخدمة من اسبوعين تقويبا

حتى لو كان التخصص بكالوريوس يعني مو ماستر ؟؟

حتى ولو كان لان 350 درجة سهلة جدا جدا واذا كنت من سكان الرياض مر عليهم واسالهم

اتمنى لك التوففيق

انا بروح للوزارة التربية .. وبدخل قسم التطوير الإداري وبكلمهم بخصوص انه انا بكالوريوس .. يعني شهادتي ثانوي مو جامعه ..
واكيد لازم يدرس لغه .. من وين بيتعلم لغه بالسعوديه ..

بشوف وان شاء الله بحط رد بردهم .. يوم السبت بإذن الله ..

والله يسهل لنا كل امر عسير

الوزارة دها تبتعث الموظفين من دون لغة بس هذا الشرط وغيره من الشروط وظعتها لجنة تدريب وابتعاث موظفي الخدمة المدنية يعني الوزارة ما بيدها شئ

أخوي دحومي مساء الخير انا نفس وضعك اداريه تابعه لوزارة التربية والتعليم وأستوفيت كل الشروط وسويت المقابله وكان باقي لي التوفل وكنت متخوفه وقدمت التوفل في رمضان وطلعت النتيجه قبل اسبوع واخذت (343) يعني ناقصني 7 درجات بس !! وارفقت النتيجه مع الأوراق وأعطاهم زوجي الأوراق مناوله للتطوير بالرياض وماقال المسئول شي بس المشكله بوزارة الخدمه المدنيه يقولون مايمشون الموضوع بس انا مؤمنه انه (لو اجتمعت الأمه على ان يضروني بشئ لن يضروني إلا بشئ قد كتبه الله لي ) توكل على الله وقدم التوفل وان شاء الله تجيب الدرجه المطلوبه واذا ماجبتها توكل على الله وارسلها لهم يمكن الله يسخرهم لك عليك بالدعاء وبالتوفيق للجميع

للأسف اكتشفت ان عند وزارتنا العديد من التخلفات والمشاكل اللي مستحيل تتطور ..
الجامعه تحوي طلاب امريكان واجانب ولغتهم قويه بالمقارنه بلغتنا كعرب ..
هذا شي ..
يبوننا ندرس ونجيب توفل ..
تخصصي بالجامعه كان انجليزي سنتين .. ان شاء الله اقدر ..
بس مأبي ادرس جامعه والمفروض لازم قبلها انجليزي نعرف كيف طريقة كلامهم وستايلهم بالنطق واللغه ..
من أكبر الأخطاء ان الشخص يدرس بجامعه قبل المعهد حتى وان كان عنده لغه متوسطه ..

فأحسن حل .. قدمي إجازه دراسيه بدون مرتب .. وتحسب لك بالخدمه ... واذا اخذتي التوفل من هناك ارجعي وقدمي ابتعاث ..

المشكله مهيب هنا ..


المشكله أن الوظائف الإداريه لوزارة التربيه بالمملكه .. مسموح لها بالإبتعاث فقط لـ 4 مقاعد .. يعني كل موظفين وزارة التربية بالمملكه لهم 4 مقاعد بس

اولاً حبيت ادخل وابارك لأختنا همس المشاعر
على نتيجة التوفل ومن وجهة نظري انها درجه جيده كأول مره وان شاء الله لو رفضت الخدمه المدنيه تمشيها
واختبرتي مره ثانيه راح تجيبين درجه اعلى بإذن الله ( بالتوفيق يارب)

بالنسبه لي حصلت على 3.5 في الايلتس ومن خلال مواقع الاختبارات ومقارنات درجة التوفل والايلتس وجدت ان 3.5 في الايلتس تعادل
433 درجه توفل يعني فوق المطلوب ان شاء الله

هل يعتمدونها الخدمه المدنيه ام يشترطون التوفل بزاتوو

طمنوني الله يخليكم

d7oomy ياليت تقولي كم مقعد مخصص للمعلمات المبتعثات من الوزاره .. لايكون 4 مقاعد مخصصه للمعلمات والمعلمين والادراين .. ههههههههههههه ..

يالله اكتب لنا الخير
..