LinkBack URL
About LinkBacks
الللللللف مبرووووووووووووووووووووووووووووووووووووووووووووووو وووووووووكـ
والله فرحت لكـ من كل قلبي
تستآهل كل خير والله يوفقكـ
ريحتني انا موعدي مع السفاره بعد 9 ايام
الله يوفق يآرب
عندي سؤآل صغينون
اللي اخذت معك المقابله كانت تحاورك بالانقلش والا عربي
من الحين بآخذ القآئمة اللي انت حاطها وبرتبها بملف عندي
والله ييسر امري وأمركم
دعوآآتكم
7 " والله فرحت لكـ من كل قلبي
تستآهل كل خير والله يوفقكـ
ريحتني انا موعدي مع السفاره بعد 9 ايام
الله يوفق يآرب
عندي سؤآل صغينون
اللي اخذت معك المقابله كانت تحاورك بالانقلش والا عربي
من الحين بآخذ القآئمة اللي انت حاطها وبرتبها بملف عندي
والله ييسر امري وأمركم
دعوآآتكم
October 27th, 2009, 12:09 AM
السلام عليكم ورحمة الله وبركاته
أسعد الله جميع أوقاتكم بكل خير ..
اليوم الإثنين 7-11-1430
26 اكتوبر 2009
كان الموعد حقي معي السفاره الساعه 8 ص ..
طبعاً مواصل من الليل وعجزت أنام .. وأفكر بالمقابله وجالس ارتب اموري
من جميع النواحي ..
صليت الفجر وقلت خلني اريح شوي وماااااادريت الا وسحبتها نومه للساعه 7.15ص
وموعدي الساعه 8 ص يعني مع زحمات الرياض ماااااااايمديني بقوووه ويبيلي طيااااره زي ذي
المهم قمت زي المطفوووق مادري وش اسوي آخذ أوراقي ولا البس ملابسي
الحمد لله اني مجهز أوراقي ومرتبها كلها ..
المهم طلعت من البيت بسرعه جنوونيه وحالتي حاله وخايف لا يقولون لي راح عليك الموعد
ومن زود السرعه والله اني خايف من دعوات الناس علي
المهم وصلت هناك الساعه 8 بالضبط << انجااااااز
اخذت اوراقي ونزلت من السياره واتجهت للسفاره وخطواتي قصيره وسريعه ..
وصلت الا الناس ماسكين سرى .. ضاق صدري والله ..
سقطت عليهم كلهم وقابلت الي يرتب الناس على الباب وقلتله انا موعدي الساعه 8
هل ادخل على طول ولا ارجع للاخير وامسك سرى .. هو عاد هندي بس شكله فاهم ..
قالي ارجع للاخير .. كل الموجودين هنا موعدهم الساعه 8 .. ارتحت وهذا اهم شي
اني بدخل للسفاره واجري المقابله ..
ماطول السرى بظرف نصف ساعه كنت بالداخل .. طلب مني اوراق الي هي
وصل رسوم سداد التأشيره والجواز وموعدي وشيك على اسمي بالقائمة ولقاه
سألني اذا كان معي جوال او مفتاح به ريموت ( فيه مكان مخصص لكل هذه الاشياء )
دخل غرفة التفتيش حطيت كل اغراضي بصندوق حتى الاوراق معها ..
مريت من تحت الجهاز وماطووط الحمد لله .. اخذت اوراقي ودخلت للسفاره ..
استقبلني هندي ثاني واعطاني رقم وقالي اجلس انتظر رقمك ..
جاء رقمي ورحت لصاله فيها 3 كونترات .. يتم هنا التشييك على اوراقك وخصوصا النماذج ds-156 ds-157 ds-158
ولا تخافون الي مخطي ببعض البيانات ممكن انه يعدلها عندهم زي ماصار مع بعض الطلاب
جاء رقمي ومكتوب جنبه كاونتر 13 والي قدامي كاونتر 1-2-3 فقط ..
الا يناديني واحد حقين امن السفاره ( هندي لاتخافون
رحت بسوورعه للصاله المجاوره وحصلت ناس اكثر من الي بالصاله الي كنت بها ..
وصلت للكاونتر .. لقيت موظفه اعتقد انها امريكية من اصل لبناني وتتكلم عربي بشكل جيد .. وفعلا فاهمه ماشاء الله عليها ..
انا ما انتظرتها تكلمني وبديت بالكلام وقلت لها صباح الخير <<< بالانجليزي يعنني
قلت لها اوراقي كامله وبدل ماتاخذينها ورقه ورقه خوذيها كلها
قالت اوووكي .. قعدت تقلب بالاوراق ورقه تروح يمين والثانيه يسار <<< جالسه ترتبهم ..
المهم قالت لي فري نااااايس
قالت لي خلاص روح اجلس وانتظر رقمك مره اخرى يظهر على الشاشه ..
جلست مدة 5 دقايق الا ويظهر رقمي .. رحت للكاونتر الي ظهر عنده رقمي ..
فيه جهاز لونه اخضر .. قالي حط الاربع اصابع اليمين اول >>عشان البصمات
بعدين بدلت اصابع يدي اليسار ..
بعدين الابهامين .. بعدها قالي تفضل استرح وانتظر رقمك مره اخرى ..
رحت وجلست فترة 10 دقائق وبعدها ظهر رقمي على كاونتر <<< الحين المقابله ركزوا <<<MBC Action
جيت الا وذيك البنت الامريكية .. باين عليها انها فاهمه ومحترمه ..
على طول بديت في الكلام وقلتها صباح الخير وكنت مبتسم وباين اني واثق من نفسي
وماني مرتبك الحمد لله .. قالت لي حط اصبع السبابه الايسر على جهاز لونه احمر
بعدين قالت خلاص شيل اصبعك وبدت تسأل أسئلة المقابله :
1- لاي ولاية بتروح في أمريكا ..
2- ليش ذي الجامعة ؟
3- ليش هذا التخصص ؟ وكانت تقرأ أوراقي وتسأل منها ..
يعني الوضع جداااا هااادىء ومافي داعي انك تحرق اعصابك وتعيش اجواء مادري وش تبي ..
الله يهدي بعض الاخوان .. فعلا خلونا نعيش اجواء المقابله الشديده وانك وانك وانك ..
وانا ما اقول الا ان الامووووور كلها سهااالات وربي وصدقوني ياجماعة الخير ان الموضوع مايستاهل كل هالحماس الي ممكن يأثر عليك ويخليك مرتبك ..
4- كم المدة الي تتوقع انك بتجلسها في امريكا .. قلت لها فترة دراستي فقط ..
5- اذا خلصت مدة درااااستك هل تفكر انك تجلس في امريكا .. على طووووول لا .. وتراهم مايحبون الي يجلس هناك ..
6- انت متزوج ؟
7- اذكر الدول الي سافرت لها ؟
ذكرت كذا دوله ومن ضمنها سوريا .. وعارف انهم مايحبون هالشي بس ماعلي منهم والحمد لله واثق من نفسي ..
8- ليش رحت لسوريا ؟ قلت لها سياحه مع العائله ..
9- وين رحت بسوريا ( لأي مدينه ) ؟
....
بعدين جلست تطالع في الكمبيوتر حقها شوي وكانت تكتب على الكيبورد ..
أثناء هذه اللحظات انا عارف انها تبي تشوف عني هل انا متوتر ولا لا ..
فكنت متوقع هذه النظرات وكنت ابادلها الابتسامه ( خلك مبتسم وعط انطباع جيد
عنك )
قالت لي اوكي .. هذه التأشيره مقبوله .. سيتم ارسال الجواز لك خلال اسبوعين ، خذ هذا الكرت واعطه لمندوب شركة فيدكس ..
اخذت الكرت وشكرتها وانا مبتسم .. رحت لمندوب شركة فيدكس واعطيته الكرت واعطاني ورقه اعبيها واختار الفرع الي ابيهم يرسلون لي الجواز فيه ..
دفعت مبلغ 65 ريال لاني من اهل الرياض .. خارج الرياض اعتقد 160 ريال بس ماني متأكد لاني ماني مركز وقتها وودي اطلع بس ..
سلمني الوصل ومشيت ..
وصلت للبوابه وطلعت منها
توتي توتي خلصت الحتووووتي
وعقبال كل واحد فيكم جالس يقرأ هالكلمات ..عقبال مايقولون له رح عط الكرت لشركة فيدكس وانتظر الجواز المفيز
الاوراق الي اخذتها معي :
- ورقة تسديد السيفيس ( 200 دولار )
- وصل سامبا ( رسوم التأشيره 498 ريال )
- نسخه من i-20
- خطاب القبول وصوره منه
- الجواز وصوره منه
- صورتين شخصيه مقاس 5*5 خلفيه بيضاء مكشوف الرأس
- نماذج السفاره DS-157 DS-156 DS-158
- الضمان المالي ( انا من ksu وحتى ماطلبوا مني كشف الحساب )
- تعريف من جهة العمل
- شهادة الثانوي وصوره منها ( بس ماطلبوها )
- شهادة البكالوريوس ( صوره منها )
- صورة من السجل الاكاديمي
- صورة بطاقة الهوية الوطنية ( احضر الاصل معك )
وهذا الي اذكر يالغالين .. والي عنده أي سؤال أنا حاضر ..
دمتم بحفظ الله ورعايته ..