لو كنت مكاني 000كيف تتصرف؟؟؟؟

اختي فرصة المعيدة مارح تتكرر الا اذا خذتي موافقه من الجامعة انك تروحين للبعثه وبعد ماترجعين تكملين عملك

اذا يحتم عليك تتركين العمل لاتروحين بعثه .. لانك بكل الاحوال قاعده تدرسين ماجستير الحين

وبكل الاحوال ايضا استخيري رب العباد وحده لاشريك له

اختي انا فهمت من كلامك انك معيده وقاعده تدرسين الماجستير هنا وقلتي ان قبول الدكتوراه صعب من الخارج طيب تقدرين هنا تحضرين الدكتوراه بعد الماجستير الي تاخذينه ولا مافي هنا دكتوراه في تخصصك؟ اذا هنا في دكتوراه كملي الماجستير وبعدها الدكتوراه لكن اذا والله هنا مافي دكتوراه اختصري علي نفسك المشوار وروحي كملي في الخارج لانك اصلا ماراح تلقين جامعه في الخارج تقبل ماجستير السعوديه الانادرا يعني يمكن تضطرين تعيدين الماجستير كله من البدايه عشان تاخذين الدكتوراه من الخارج .

انا من رأي انك تكملي الماستر والاسباب هي:

- انتي في السنة التمهيدية يعني كلها سنتين وانتي مخلصة ان شاء الله
- لو حسبنا بعد سنتين وانتي في البعثة تلاقي نفسك لسا تمهيدي يعني مثل وضعك الان
- لو استغليت هذه السنتين في السعودية بالدورات واكتساب اللغة بقدر المستطاع تجدي انك لديك حصيلة لغوية لا يستهان بها التي ستحتاجينها بعد السنتين لاكمال الدكتوراة بكل سهولة وخصوصاً انه اصبح لديك الإلمام الجيد باللغة الانجليزية وقد تحتاجي ستة اشهر لضبط اللغة بشكل اكاديمي .
- ايضاً يمكنك البحث عن افضل الجامعات لتخصصك والتي تتوفر بها المشرفين لرسالة الدكتوراة خلال فترة دراسة الماستر هنا.

انا اقول دامك هنا معيده وداخله في برنامج الماستر اجلسي هنا وكملي ازين لك لإنك لما تروحين للخارج بتبتعدين عن اهلك وتعب ولا تدرين وش بيصير

شاكرة لكم الردود اخواني

جزاكم الله خير 000ماقصرتو ع المشاركه
بس بالنسبه للاخوه اللي يسألون عن التخصص 000انا متخصصه كيمياء 000وللأسف ماعندنا دكتوراه

انا اللي موخفني انه ادرس الماستر هنا ولما ابتعث للدكتوراة 000يقولو عيدي الماستر
بكل الاحوال الوظيفه ان شاء الله موجوده 000

ربي يختار لك الخيره الطيبه استخيري افضل شي

السلام عليكم و رحمة الله و بركاته...

أختي أنا سمعت و الله العالم...أن المعيد ممكن ياخذ بعثة الملك عبدالله و يطلع عليها بالتفاهم مع كليتك و جامعتك...فما اعرف هل ممكن تقومين بالشي ذا و تسمح لك كليتك؟

و كذا أو كذ لا تخافين الإعادة حلوة و وظيفتك الحمد لله مضمونة ان شاء الله، لأن اللي يسافر على حسابه الخاص أو بعثة الملك يرجع من جديد و لازم يتعب علشان يلقى له وظيفة محترمة-خاصة الرجال-و كمان بعثة الملك عبدالله ماستر بس و الله أعلم عن الدكتوراء ممكن أو لا؟.

أنا أحد محارمي نفس تخصصك بالضبط، طلعت على بعثة الملك عبدالله لكن تعثرت بقوة في ماستر الكيمياء لأنها تقول كأني ما درست شي بالسعودية لاختلاف المنهج بين أمريكا و السعودية و الحمد لله قدرت تغير تخصصها و تاخذ إدارة.
الواحد يستخير رب العالمين و الله العالم بالصالح لنا.


موفقين.

خذي الماستر هنا ... و سوي زي ما قال الاخ اقرأ المزيد ...

بعدها ان شاء الله قدمي على الدكتوراة في الخارج ان امكن ... و بكذا تختصري على وقتك و جهدك ...

الله يوفقك و ييسر امورك ... و لا تنسى ما خاب من استخار

غاليتي
ما راح ازيد على كلام اخواني اتوكلي على الله و كملي هنا و في نفس الوقت طوري قدراتك
بس سؤال
هل راح يعترف بالماستر تبعك في الخارج ؟؟؟؟
انا معيدة زيك و انقلت هنا في برنامج دراسات عليا بعد ما طلعت روحي لكن قالوا لي انو لما اطلع دكتوراه
راح يكون الماستر غير معترف فيه

عموما
اتمنى لك التوفيق
جنائن ود